بالنسبة لي فالرياض اكيد الخطوط السعودية مباشرة واريح فالوقت والطيران لكن محرومين منه بسبب سجل السفر في توكلنا فالخيار الثاني طيران الخليج المنامه والخطوط المصريه اشوفهم الافضل لقصر الوقت ولرخص السعر ايضاً ارخص من الطيران المباشر حتى
الخليج ممتاز لايعلى عليه
والطيران المصري ماجربته لكن نزلو في اسطولهم ايرباص طيران ممتاز بجميع فئاته افضل من بوينق بالف مره مافي بوينق الا 787 افضل فئة باقي فئات بوينق مخيسه
والله يعينك على مطار القاهرة من اسواء المطارات وكلن عينه على جيبك ياحليل مطار كازا
كيف تعرف نوع الطائرة ؟ عن طريق تطبيق سكاي او ويقو حتى لو حاجز من مواقع ثانيه تأخذ رقم الرحلة وتبحث عنها وتحصل النوع كذلك تطبيق المسافر ولا انصح بالحجز عن طريقه اسعاره مرتفعه
من الافضل تهتم في نوع الطائرة للرحلات الطويلة وترتاح اما الرحلات القصيرة اركب اي طايرة وافلح
اما التركية والامارتية والقطرية انحش اقل مدة انتظار في مطاراتهم من عشر ساعات وطالع ماعدا القطرية ممكن تحصل 6 ساعات وراحت عليك الاجازة يابو اجازة قصيرة اما الاجازة طويلة وصدرك وسيع حلوه انك تنزل البلد وتتمشى في دبي ولا الدوحه ويمديك بعد تنام هههه وترجع للمطار خصوصاً دبي بتحصل انتظار 36 ساعه لو تبي لكن عندهم طائرة ايرباص 380 ذات الاربع محركات من اجمل الطائرات ودايم هي المسيرة لمطار كازا ومدة رحلتها 9 ساعات
ملاحظة : حتى اسطول طيران الخليج يمتلكها لكن مابعد كورونا لم تسير للمغرب لاسباب غير معلومه
بالنسبة للخطوط التركية لازم فيزا من مطارهم علشان تطلع كانك تبي تروح تعشى وتسهر على البسفور ولاتمشى في اسطنبول وتمر المطاعم الجميلة وتحصل مدة انتظار طويلة وطيران ممتاز لايعلى عليه