انا من كثر ما اعمل تعديل لتذاكر السفر قررت اني ما احجز الا ذهاب فقط
رحلة جده - اسطنبول طيران ناس ٧٨٠ ريال ذهاب فقط
رحلة اسطنبول - كازا طيران العربية ٨٠٠ ريال ذهاب فقط
وصلت مطار محمد الخامس ١٢ نوفمبر الساعة الرابعة فجرًا والامور سهالات وجايب معي بعض العصيرات من اسطنبول وعديت عادي محد كلمني
اخذت شريحة من اينوي ٢٠ قيقا ١٨ يورو
وفا كاش كان مقفل صرفت من مكتب بعد الجمارك مبلغ بسيط حق الطريق
ركبت القطار من المطار الى محطة القطار الثانية بكازا ( البراق) الى طنجة درجة اولى ٤٠٠ درهم بصراحه مستوى عالي وكراسي مريحة واحلا مناظر مع الصباح الباكر
وصلت طنجة الساعة ٩:٢٠ صباحًا وقدام محطة القطار الفندق الافضل برائي هيلتون جاردن وغرفة مطلة ع البحر الدور ١١ وبدون حجز ولا شي ١٥٠٠ درهم وهم يعرضون عليك دخول الضيف ب ١٠٠٠ درهم
تبغى تريح دماغك ادفع زيادة ولا تتمرمط مع السماسرة والعساسين
استاجرت سيارة كليو ٢٠٢١ من شركة مونتريال ٣٠٠ درهم بشارع محمد السادس قريب من الفندق
الخليجيين قليل هذي الايام بطنجة والعرض اكثر من الطلب المقاهي وكورنيش المارينا مليان اللى تبغاه طب وتخير
ميزة الفندق تحته مواقف للسيارات ومول وسوبر ماركت المرجان جيب مقاضيك ومحد يكلمك
اليوم ثاني يوم لي بطنجة الجو معتدل بالنهار وبارد بالليل والامور هانية
فطور الفندق على مستوى عالي ومتنوع
طبعًا فيه تفاصيل ومغامرات وعلوم بس احترامًا للمنتدى عدم ذكرها
يتبع ……..