السلام عليكم ورحمة الله وبركاته

نشعركم كادارة لمنتديات مزاعيط المغرب

بنقل تجربة أحد الاعضاء الكرام والتعامل السيء جداً من قبل موظفه اسمها نادية في منتجع اوليفار بمراكش طريق اوريكا

(( سكنت انا وصاحبي في منتجع اوليفار بلاص بمراكش عن طريق وسيط ))

اخذنا فلة ثلاث غرف مع الخدامه، الامور كانت تمام بالمنتجع وقبل المغادره بليلة بلغنا الخدامه تصحينا بكره الساعة ثلاث المساء للمغادرة علشان نمسك الطريق الى الدار البيضاء ثم المطار

تفاجئت انه باب غرفتي يضرب بقوه وبشكل مزعج وكنت نايم وقتها الساعه ١٢ ظهرا فتحت الباب واذا بالخدامه تقول لازم تطلعون الان ، بناء على كلام مسؤلة المنتجع ناديه وان فيه زباين ينتظرونكم تطلعون

قلت طيب مو مشكله مع ان اتفاقنا الساعه ثلاثه خبرتك تصحيني ، قالت الاوامر من ناديه ، طلبت منها تجهز لنا الفطور على بال ماجهز اغراضي واصحي صاحبي يجهز نفسه

تفاجائت باب الغرفه يضرب بشدة وبطريقه مزعجه الساعه ١٢ ونص ، يعني بعد ماطقت الباب بنص ساعه
وافتح الباب والقى نادية قدامي وتقول يله اطلعو الحين بسرعه لان فيه زباين باسلوب وقح وهمجي
قلت له طيب يبي لي نص ساعه واخلص اغراضي وامشي
قالت صاحبك خلص باقي انت
دخلت غرفتي ارتب الاغراض بعدها بعشر دقايق طفت الكهربا كامل على الفله ! عمداً

جمعت اغراضي بسرعه ونزلت تحت حتى الفطور ماسوته الشغاله مع العلم اني جايب اغراض كثيره للمطبخ
تكلم خويي مع ناديه يعاتبها على هذا التصرف الهمجي ، وهي مطنشته وساكته !
اخذنا جوازتنا وبلغونا انهم حطونا على قائمة البلاك لست بدون سبب !!)



علية نحن كادارة منتديات مزاعيط المغرب نحذر من التعامل مع هذا المنتجع ( منتجع اوليفار بلاص ) وذلك لسوء تعامل الموظفه نادية واسلوبها الذي ينم على قلة ادب وقلة تربيه
كما ننوه على الجميع بعدم التعامل مع هذا المنتجع مستقبلًا



اداره منتديات مزاعيط المغرب [emoji1173]

__________________
‏هلا بالصمت دام الصمت ما يجرح مشاعرنا.