اقتباس:
المشاركة الأصلية كتبت بواسطة شكلي مزعوط
و البلد لا جميل و لا رخيص و لا شي .. كله صحراء و صبخات و ارض ملحية .. قبالا و قوبا فيها جبال عاليه فيها تلفريك قديم و لا تستاهل التعب .. الطريق لها مكسرة و زفت و ما فيها خدمات .. بشكل عام الناس نفسياتهم شينه .. اكلهم متوسط الجوده .. حسب كلام احد الزملاء ، فيه مافيا اصطياد السياح في نظامي لمساج و سهرات وهمية يتم فيها سلب السياح تحت التهديد في الدواعيس.
لازم نوضح للناس حقيقة البلد و بعد كذا كل انسان حر، و ترا حسب قولك (اللي يدرعم و ينضحك عليه ) دليل واضح انها بلد تعبانه و فيها نصب و احتيال .. ايضا تصرفي ما فيه شي .. حجزت من بوكينق زي كل الناس في العالم و رحت و حصلت شي مختلف .. لو ان الشغله وقفت على الشقه كان الامر بسيط .. لكن البلد كله تعبان في الغالب ما عدا اشياء بسيطه استطيع اقول انها جيده.
لا تصادر رأيي لان الموقع و المنتدى متاحه للجميع .. العالم مليان بلدان جميله و منظمة و افضل بكثير من اذربيجان .. لكن اللي تعجبه على خياسها الله يدله
لا تكفى لا تكرهنا في هالديره ودي أسافر لها وحداني شفت موضوعك عن الشقق والامور الاخرى تعتبر بسيطه و تافهه و أي شخص حريص يقدر يتجاوزها و النصب والاحتيال في كل مكان و عندك اسطنبول على كثر جرائمهم و عنفهم مع العرب ومع هــــــــــذا كثريين مدمنين السفر الى اسطنبول
اذربيجان أشوفها أحلى مع أني ماقد سافرت لها ولكن الامن فيها ممتاز و على حسب اراء الكثريين وهـــــــذه أهم نقطه
موضوع السكن بسيط تشوف و تعاين وتستأجر
الموصلات بولت أو تاخذ مرشده سياحيه تمشيك وتساليك طبعا اذ كنت مثلي وحداني تطلع يوميتها 150 ريال أو أقل
النيه ان شاءالله باكو بعد ثلاث شهور بعد ما يخف البرد شوي