اشر لي بالمنديل اه قال أناماشي
فستانه كحلي طويل ياهوه
في الدرب وهو ماشي
بالله علي هونك ياه ياسيد كل الحي
ماحلا غمزت عينك اه تكوي الفؤادي كي
رجعت للشقه بعد صلاة المغرب وانا ملخبط المشاعر بين الخوف والرجاء ولسان حالي
أراك طروبا والهة كالمتيم *** تطوف بأكناف السجاف المخيم
أصابك سهم أم بليت بنظرة *** وما هذه إلا سجية من رمــــي
على شاطئ الوادي نظرت حمامة *** أطالت علي حسرتي و التنـــدم
فوالله لولا الله والخوف والرجا *** لعانقتها بين الحطيم وزمزم
وقبلتها تسعا وتسعين قبلة *** مفرقة بالخد والكف والفم
دخلت الشقه وإذا الكناري برغش وسكينه يتبادلون القبلات الحاره اما يحيى وفاتي بالغرفه يخططون للمتسقبل وكأنهم كلفوا بأمر الأمم المتحده او مجلس الأمن الدولي قال برغش وينك يالحلمنيشي ندق عليك ماترد والسواق يبك يقول معه اغراض موصيه أنت فيها ويبي يجيبها لك وانتبه على جوالي وإذا به اكثر من عشرين مكالمه طبعاً وأنا اسولف مع الدكتوره حطيت جوالي صامت ما أبي أي مقاطعه لحديثنا الشيق ونسيت إني مواعد السواق يجيب لي من الفاخر المعتق لأن الغلطه ما شريت شيء من المطار وتوقعت يباع بأي مكان واصحابي مالهم بالمعتق ولا يعرفون النظام وقالوا موجود جنب الشقه محل خاص بالمشروبات الروحيه لأنه يعرفونها واحيانا يشترون منه للطيور ولما سألت الخدامه قالت النظام يسكر من قبل رمضان ولا يفتح إلا بعد العيد السادس والبيره البارح احضرتها الشغاله مدري من وين ولكن أنا ليس من عشاق البيره ولا تسوي معي أي مفعول شاعري وكلمت السواق يدبرنا إذا يعرف صاحب المحل يجب لنا منه وقال ممنوع يفتح او يبع وقت المنع ولكن عندي اصدقاء جايين من السعوديه استقبلهم الظهر بالمطار واطلب منهم يشترون لك من السوق الحره وقلت كفو جب لي غرشتين من الشيفاز الفاخر وطلعت ونسيت الموضع كله بالإنشغال مع حديث الفاتنه الدكتوره فالحديث معها بمثابة الخمر الجاهلي والسحر الحلال والشهد المصفى كلمت السواق قال صافي ياصاحبي أنا جايك وجاب غرشه وحده وقال نظام البيع كل واحد له ثنتين فقط ولما بلغتهم فيك قالوا خذ وحده عيديه له ومانبي شيء طلبت منه ارقامهم وكلمتهم وشكرتهم وربتنطي بهم صداقه تقابلنا بعدها عدة مرات بالمغرب والسعودية وعزالله إنهم رجال كفو علوم غانمه ومرجله ولا عليكم قصور المهم مثل ماقلت لكم مشاعري ملخبطه جاء يحيى وصلينا المغرب والعشاء جمعاً وقريت وردي وكانت نفسي منسده مدري افتح الغرشه او اروح أنام احسن لي قلت للشله أنا تعبان نفسياً وقلبي معلق وابي أنام مالي خلق قالوا العن ابليس وانبسط أنت بالمغرب وقلوبنا معلقه في كل شيء فيها ولم اذكر لهم شيء حتى لا ياخذون الموضوع طقطقه علي وإذا باب الشقه يطرق ودخل فتاتين طلبوهن الشباب لإحياء السهره وعلى أمل أن اشبك مع أحد منهم وللأمانه كانوا بنات في قمة الحياء والأناقه ومحترمات وتعاملهم رقيق وفيهم رقه وأنوثه وصغيرات بالعمر كل وحده احلى من الثانيه وواضح جدد على الشغله وليس مثل الخبرات اللي كانوا عندنا البارح لأن حامت كبدي منهم لما قالوا لنا رحنا لدبي وطوركيا (تركيا) وتايلند ففهمت بأنهم خريجات من مدارس عالمية بالصياعه اما ذولي ماطلعوا من ديرتهم من سلا واعمارهم وحده 19 والثانيه 20 لأني خفت يكون قاصرات ولما كذبت اعمارهم طلعوا لي هوياتهم ولكن الأن ماعاد يملى عيني شيء غير الدكتوره اللي اخذت قلبي قلت ياولد انبسط وشف نصيبك من هالفطافيط واقرع الكأس بالكأس وخل الهم يزول وانس الدكتوره ذي توها يبي لها لعب على الثقيل المهم جاء العشاء كبسة باللحم على طلب الشله وتعشيا وطلبت من نعيمة رأس التفاحتين الفاخر قالوا الشله وين اللي يقول ماله خلق ويبي ينام
قلت لهم:
عمر وزمر وخل للهم نسيان ولا تستضيق وبالبلد ريح شيشه
قلت الجو يبي طرب وكأس وثلج وغانيه واصوت لنعيمه قلت:
رَمَضانُ وَلّى هاتِها يا ساقي
مُشتاقَةً تَسعى إِلى مُشتاقِ
ما كانَ أَكثَرَهُ عَلى أُلّافِها
وَأَقَلَّهُ في طاعَةِ الخَلّاقِ
اللَهُ غَفّارُ الذُنوبِ جَميعِها
إِن كانَ ثَمَّ مِنَ الذُنوبِ بَواقي
بِالأَمسِ قَد كُنّا سَجينَي طاعَةٍ
وَاليَومَ مَنَّ العيدُ بِالإِطلاقِ
ضَحِكَت إِلَيَّ مِنَ السُرورِ وَلَم تَزَل
بِنتُ الكُرومِ كَريمَةَ الأَعراقِ
احضرت الشيه والكأس والثلج وقررت استحوذ على الجواري لأن ماعندي منافس فالشباب كلن معه طيره واجلست سهام على يمني وإكرام على يساري وبدت سهام بوضع الثلج وإكرام بكسب المعتق وأحسست إنني هارون الرشيد وجواريه حوليه وبداءات اقرع الكأس مع الفطافيط كانوا حديثي عهد بكؤوس المعتق اما يحيى وبرغشي وكناريهم ينظرون لنا بأستغراب ويتعجبون من هذا المشروب الذي يخلق جوا من الفرح والسعاده وبدو بالأسئلة الطبيه عن الأضرار الصحية فقلت لهم هنا كل شيء حلال ومن عنده سؤال فاليراجعني بالعياده عند العوده.
قلت اطربينا ياكوثر الكل التفت قال مين كوثر هذا اسم الدكتوره قلت يبدوا إن الكأس ضيع ذاكرتي وأنا بكامل قواي العقلية ولكن لكي انقذ الموقف واخرج من دائرة الأسئلة ألتفت برغش على يحيى وقال خوينا مصاب بسهم الله يعينه من طلع ورجع ولا يرد على الاتصالات وهو مشغول باله المهم بدت الأغاني الطربيه والشطحات والمزاج لازال متعكر رغم الثماله ولسان حالي:
اشرب على كأسين وأشرب على كأس ويزيد همي كل مازاد كأسي
وبديت اعيش الجو شوي بس عيني على الجوال لعله تجي رساله من الدكتوره تنعش الروح لأن ماحبيت أنا ابداء وعند الساعة الحادية عشر والنصف وأنا ثمل من الكؤوس وإذا برساله على الوتس اب من كوثر
كي داير دكتور؟
رديت لاباس.
قالت: قلت لي اول مره تزور المغرب كيف شفتها؟
قلت واعره بالزاف (وأنا نفسي اقول لها يكفي إنها تضم جوهره مثلك بس قلت اعقل ياولد خلك ثقيل)
قالت اجل خبره أنت كيف عرفت واعره بالزاف؟
قلت قلبي متعلق فيها قبل اجيها وعرفت كل شيء عنها من ثقافه ولهجات ومدن والآن تعلق قلبي زياده.
احسها فهمت ماقصدت بكلمة تعلق قلبي زياده بس غيرت الموضوع بسؤالها التالي البنت ذكيه!
قالت: والله زوين احب الناس اللي تخطط للسفر، وين بتروح بالمغرب وإذا تبي أي مساعده أنا بالخدمه.
قلت: الخطه خمس أيام بالرباط ثم الشمال طنجه حوالي خمس أيام ونرجع للرباط خمس أيام ونغادر.
قالت: حلوه خطتكم، ماعندك نيه تروح اكادير وموراكش؟
يبدوا بتشوف أنا راعي سهر وبنات او لا
قلت: لا ماتناسب جونا وذي مدن اللي يزورها راعي سهر ونوادي.
أبي اطلع بعيونها بريء مالي بالنوادي يمكن تشبك كذا
قالت: طيب صاحبي تصبح على خير بس حبيت اتطمن وإذا ماتعرف شيء ادلك على الأماكن الحلوه بالرباط وطنجه.
قلت: اشكرك على حسن اخلاقك وكرم الضيافه.
قالت: باقي ماسوينا لك ضيافه ترى كوب قهوه بس وإذا تقبل ضيافتي بعزمك بكره على الغداء الساعه ثلاثه الظهر او الوقت اللي يناسبك لأن ماعندي داوم امس كله مناوبه 24 ساعه. (يبدوا لي إنها كان ودها تعزم بس ماعرفت كيف تبداء ولقت ردي مدخل وأنا كنت متعمد الرد بشوف ردة فعلها)
هنا قلبي قفز من الفرح وبدا يتراقص بأحشائي.
قلت: تم مايرد الكريم إلا اللئيم.
قالت: حق الزماله يادكتور وأنت ضيف عندنا.
تقل ضاق صدري لما قالت يادكتور حسيت الموضع صار رسمي
قلت: اشكرك يادكتوره وموعدنا غداً
قلت بنفسي ذي ثقيله وترمي لخط بعيد خلني اصير رسمي مثلها
قالت: تصبح على خير
قلت: وانت تصبح على سعاده وفرح وتبادلنا وردتين حمراء
بعد نهاية المحادثه انتبهت وإذا الساعه الواحده ليلاً والله كنت احسب وقت المحادثه ربع ساعه طبعاً سولفنا سوالف كثيره ولكن سوالف رسميه لأنها قالت أنا نمت بعد الدوام لما طلعت منك وتو اصحى وقلت لها انا صاحي وفاضي وبنام بعد شوي ماتدري إني ثمل مع جواريي ويلك من الله يالحلمنتيشي.
التفت على من حولي وإذا الموسيقى طافيه والجمر مرمد وأنا اشفط بالشيشه ويحيى وبرغش راحوا ينامون (نظامهم نظام شيبان) واشوف وجيه جواريي متغيره ويسولفون مع بعض ومبعدات عني ماكنت حاس بمن حولي قلت وين الناس قالوا الشباب قالوا لك تصبح على خير من زمان وأنت مارديت عليهم وحنا طنشتنا وانشغلت بجوالك وتركناك مع جوالك تأخذ راحتك (قلت لكم البنات محترمات وفيهن حياء) ورجعن يسولفون مع بعضهم باللجه الدارجه مافهمت شيء قالت وحده منهم اخويا إذا ما اعجبناك او ماحنا على جوك الله يعاون لا تنحرج قلت لهم المعذره منكم أنا انشغلت بحل مشكله بالسعوديه زوجتي عرفت إني مسافر للمغرب واحاول احل الموضوع معها (ظلمت المسكينه بس غصب أبي انقذ الموقف) قالن بصوت واحد (اويلي الله يكون بعونك) المهم طلبت من نعيمه تغير الرأس وتحضر الثلج قالت أنت دكتور عربده مو دكتور بشر ماخذت الدكتره عبث ليش ماتنام مثل اصحابك قلت لا يكثر بس سوي اللي اقولك ونعطيك حقك كافي ووافي طبعاً أنا الآن مزاجي فللللل بعد المحادثه والعزيمه وقلت الآن قطعنا خمسين بالميه من المشوار والباقي يتيسر احضرت نعيمه رأس التفاحتين والجمر والثلج وبديت اكنها بالشرايين قربت جواريي عندي وقلت
مايتشك ياحسين كود الرديين وإلا ترى الطيب وسيعٍ بطانه
ضحكوا قالوا مافهمنا شيء ولكن واضح إنه كلام زوين وبديت ارتشف من الكؤوس واحرق الشرايين وبداء جوي يرتفع مع شطحات جواريي ولما انتبه للوقت إلا الساعة الرابعة فجراً قررت انأم بدري خصوصاً بكره عندي موعد ضروري ومهم جداً ولابد اكون مصحصح ومركز زين.
اخذت جواريي إلى داري وانمتهم بأحضاني وكأنني أسد الغابة.
تصبحون على خير وانتظروا الأحداث الحماسيه