كيف حال المزاعيط
قررت أروح المغرب وحداني لمدة اسبوع (ما أقدر أمدد الإجازة) وقريت مواضيع هنا بالمنتدى إلى ما قبل أيام كورونا وأخذت فكرة ممتازة عن خطة السفر لكن باقي بعض الاستفسارات وياليت أهل الخبرة والمعرفة يفيدوني. طبعا قررت أقسم المدة 3 ليلات مراكش و 4 ليلات أكادير. وبستاجر سيارة لمدة اسبوع. السفرة بتكون ان شاءالله نهاية اكتوبر أو بداية نوفمبر.

الإسفسارات:

1- السكن في مراكش: بحكم اني انسان ما أقدر ارقد بأي صوت أو ازعاج. أبي إذا طفيت سماعتي ما أسمع ازعاج الجيران خصوصا بحكم اني لحالي باخذ سويت وليس فيلا. السؤال: هل سويتات روز قاردن فيها ازعاج بحكم ان المنتجع فيه افتر بارتي حسب ماقريت. لأنها خياري الأول إذا كان مافيها ازعاج بحكم سفري وحداني. وإذا كانت ازعاج ماهي البدائل.

2- السكن في أكادير: غالبا من اللي قريته بالمنتدى بأسكن في فندق مبروك وافتح غرفة للضيف.

3- أجار السيارة: ما فهمت ليه اللي يستاجرون سيارة يبحثون عن مؤجرين غير رسميين وأكيد تزيد احتمالية المشاكل وقت التسليم . بحثت بمطار مراكش سيارة اكسنت لمدة اسبوع من بدجت بقيمة 1200 ريال ويعتبر مبلغ أكثر من جيد. اذا فيه شي مافهته هنا ياليت تنبهوني عليه

4- استعمال السيارة: السيارة بستعملها بالمشاوير النهارية والانتقال من مراكش إلى أكادير والعودة لمطار مراكش. قريت بعض الردورد أن المواقف بالمغرب غير مجانية والأمن ينتظرونك توقف عشان يغرمونك. ياليت معلومات عن هذي النقطة وكيفية الدفع بالمواقف. وهل كل المواقف برسوم أو اللي بالشوارع العامة فقط.

5- التنقل بالتاكسي: بالسهر أو للأماكن اللي صعب أحصل فيها موقف باستخدم تاكسي. ليه ما اشوف أحد يستخدم برنامج ان درايف للتنقل اللي يعتبر بديل لأوبر بالمغرب؟ لأن التكسي بتقعد تفاوضه على السعر وممكن ماتتفقون عكس البرنامج سعر ثابت لك ولغيرك.

بانتظاركم لأني إلى الآن ماجهزت شي للسفر والوقت ضيق