مرحبا بأحبائي :: المزاعيط
الحلقة الأخيرة :: ليلة الوداع ...
وجات الليلة الأخيرة لي بمراكش وبالمغرب ..
صحيت من نومي كالعادة عالعصرية والتفت للحب ديالي ::كيفك حبي وكانت النفسية مبينه وواضحة من اول اليوم ردت علي : لباس الحمدلله .. الصوت وطريقة الكلام مختلفة عن كل مرة فيها حزن وفراق وصمت عجيب , وهذا هو حالي انا مبين علي بس حاولت اخفي وما ابين ,,
شي طبيعي بعد ماعشت معاها ايام خنفشارية تتسجل في تاريخ سفريات الصياد بأحرف من ذهب هههه
افطرنا عالعصرية وشربنا القهوة .. ومسكت الحب ديالي في جلسة رفع معنويات
واتفقت معها انا نخلي هالليلة مثل الليالي الحلوة اللي قضيناها سوا ,, جو الدراما الحزينة مانبيه
لاحقين عليه ههههه
كلمنا السواق يجينا وعزمنا نطلع على ساحة الفناء - المكان المفضل عندي - نروح نتسوق ونتمشى هناك
وصلنا عالساحة قبيل الغروب وكان السواق مرافقنا عشان كذا اخذت راحتي انا والحب ديالي
ماشي واثق الخطوة هههه.. كانت الأجواء كالعادة رايقة ربما البعض ما يعجبه المكان بس انا بصراحة مفتون فيه .. مو في هذي الساحة قابلت حبي غزال المحمدية وفيها ضعت ههه حتى طلع خبري بالجرايد بعنوان( وضاااع الصياد ) ههههههه مفروض اصلا يغيرون اسمها تصير مثل الفيلم
ساحة فناء الحب الضائع هههههه .....
مرينا على بعض المحلات واشتريت بعض الأغراض المهمة اللي لا يفوتها احد بيجي للمغرب
ابريق الشاي المغربي و بعض الملابس ..
وبعدها قررنا ناكل واختار لنا السواق مطعم شعبي قديم خلف الساحة مشهور بلحم الشوى والطنجية
واتذكر ان صاحب المطعم كان معلق صور يقول : انه كان طباخ الملك الحسن الثاني والله اعلم
الأكل بصراحة كان لذييييذ ودقينا بالنعمة .. طبعا وقتها تذكرت كلمة صديقي الواعر- ابن بطوطه
لما قالي استمتع هناك بالاكل ترى بترجع وما معك الا المعصوووب هههههه
وفعلا توني حسيت فيها ,,
وبعدها طلعنا على كوفي بجانب سينما مبروكة وشربنا الأتاي الوااعر ..
وبعدها حركنا عالشقة .. طبعا اتفقت انا مع الحب ديالي ان نسهر بالشقة الليلة لضيق الوقت لأنه لازم نطلع من مراكش الساعة 6 ..
ضبطنا لوازم السهرة الشيشة واللازي منه وبدت سهرتنا وفليناها طرب ورقص وشيشه
وببيشه وتحلا العيشه ههههه واطالع بالوقت واشوفه يمشي بسرعة واقول بنفسي
لا .. تكفى تذكرت بونوره .. ياليت العمر يتوقف .. على ساعة هنا جنبك ,,
وبدأ يدخل جونا .. اللي كنت خايف منه .. لحظات الوداع .. عيون غزالي كان فيها الحزن وهالشي ادري غصبا علي وعليها ..مع اني حاولت جاهدا انا نطلع من هالجو
المهم سهرانين وطربانين ويتخلل ذلك بعض الحزن .. يعني ممكن تقول علينا نفسيات ههههه
لين جات الساعة 3 ويجيني اتصال من احد الحبايب وانحرجت ارد ههههه قالت لي الزين عادي رد عليهم ودعهم هههههه لسه عنهم امل يشوفونك انا جالسه على قلبك لين اوصلك المطار ههههه
قلت لها : والله زي العسل على قلبي بعدين انتي جووك خضااار اطلعي من هالجو اللي انتي فيه
ردت علي : انا ذا جوي خضار انت جوك بيض ومسلوق بعد ... وجلسنا نضحك هههه طبعا هذي مصطلحات تعبيرية عن الحالة : جوك خضار يعني خايس وجوك بيض يعني اخيس هههههه
ويصير لنا موقف صعب اني اقوله ودخلنا بموجة ضحك هستيريه هههه تقطعت بطونا من الضحك لأكثر من ساعة وبعدها جا اللي خلا جونا بيض من جد : اتصل السواق علينا يقول جهزو شناطكم على الساعة 6 اجيكم ونطلع ودخلنا الغرفة وبدينا نلم قشنا ناقصنا في هذيك الساعة أغنية بوخالد : وداعية يااخر ليلة تجمعنا
جاات الساعة 6 ووصل السواق وطلعنا شناطنا للسيارة وحركنا .. وانا بالسيارة وعيوني تتقلب بين هالشوارع واكلم نفسي يا محلا مراكش والله اني حبيتها ..
ومسكنا الخط وفي الطريق الى كازا ,, ومشينا حدود ساعتين ولما قربنا وقفنا في احد المحطات
وذهلت بالمحطة نظافة ومطعم نظيف فطرنا فيه وشي يفتح النفس تذكرت محطاتنا اللي عالخطوط - غير صالحة للاستهلاك الأدمي - هههههههه ..
ووصلنا مطار محمد الخامس ..
دخلت المطار معي الحب ديالي والسواق .. قصيت البورديغ وجلست شوي الا والعالم تدخل عالبوابة والسواق يقول لي : يلا روح .. قلت اصبر شوي وقلبي يتقطع وما ابغى احط عيني بعي الحب ديالي
وجات اللحظه ,, بس حطيت عيني بعينها وبسلم وتنزل دموعها وتبكي بحرقة .. وتقول : خلاص بتروح وتخليني .. فضحتنا .. حتى السواق يقولي سكتها قولها شي : الناس يطلعون فينا واقولها : تبكين على فراقي والله غريبة ولا انا الناس بالعادة يقولون فكة منك يا شيخ هههه وجلست تضحك ووخدودها دموع .. فديت خدودها ودموعها ,,
وركبت الطيارة وتوكلنا على الله .. وانا اطالع من دريشة الطيارة واقول : راجع .. راجع يالمغرب الحبيب
وتمشي الطيارة .. وانا افكر بالرحلة واقول : يااا صبر الأرض بنمغط 7 ساعات وبنوصل بو ظبي وبعدها انتظار ساعتين وبعدين عالدمام الحبيبة
ومرت الساعات .. وعدى علي الوقت بين انتظار وصمت اتذكر الليالي الماضيه وين كنا ووين صرنا ..
لين وصلت للدمام .. ختمنا الجوازات وخذت شنطتي اللي بقدرت قادر كانت 30 ك بالذهاب وصارت 15 ك بالاياب ههههههه
وركبت تاكسي لندن وااه يالندن .. علامه وكيف حاااله ,,,
ورجعنا للديرة بعد رحلة كانت من احلا سفرياتي .. تحية للمغرب واهلها .. وكم جميعا ................