المشاركة الأصلية كتبت بواسطة 3aziz
المغرب بلا خويا مايصلح خذها مني
لأن جوه اجتماعي طلعات الغدا والعشاء والطيور تمل منهم ومن خراطهم و تبغى خوي يرد الصوت
خوي تطلق رجليك انت وياه بالسادس خوي تهجول انت يعني اليوم انت بمراكش وودكم بفركة لاغادير
صد ورد او لاوريكا او للصويرة اذا انت الحالك تتصيعبها لكن لو معك احد تحمسون بعض وتتوكلون ع الله
خوي وياه تضحك انت وياه على مواقفكم
شوف عندك خيارين ياتتشوف لك خوي آخر من اصدقائك او تخاوي احد من النت
انا عن نفسي مريت بتجربة خوي من النت وكانت ناجحة ولله الحمد لان الي طلع معي كانت اول زيارة
له ورتبنا الامور وتقاطينا بالسكن ومن اولها احترام وعدم تعدي وقطه اول بأول بالنسبة للسكن والسهر
الله يذكرها بالخير سنة 2013 الرجل دخل علي خاص وعطيته سكايبي واتفقنا ع كل الامور وظحة له الاسعار
من اول وظروف المغرب كاملة عشان مايدوخني ويقوي هذا بكم ومابكم جيته من الشرقية ترانزيت
وهو بالغربية وتوكلنا ع الله وكانت رحلة ناجحة ولله الحمد
وبعدها رحلتين مع اخوياي الخاصين وكانت احلى واحلى
فأوصيك المغرب بدون صديق ماتصلح تشوف لك احد الشباب وتلقى واجد بيروحون ويدورون خوي
واتفقوا ووظحو لبعض وحطو النقاط ع الحروف قبل المشية لاتتفاهمون هناك !
ويفضل بالنسبة للسكن حاسب كل يومين واستشيروا بعض ارتحتو بالسكن كمل مارتحت شيل ركب جديد
المغرب مزيان تهلا براسك وشف لك صديق وتوكل ع الله خاصة انها اول سفرة
تحياتي