تقرير سفرتنا إلى المغرب ...

بسم الله الرحمن الرحيم ....
أقدم لكم تقرير رحلتي للمغرب والبداية هي ... أعضاء السفرة 3 مغامرين كنت جالس في الديوانية وأنا أفكر في أسطبل الخيل بالترميم سمعت صاحبي (كلامه والله إنه عجبني) بسفرة قوية لمدن المغرب وجلست أظحك وكأني أقتنعت وما أقتنعت !!! المهم اني نسيت موضوع الأسطبل وترميمه
قلت : متى الروحة
قالي : اخخخخخ يعني احسبك ويانا
قلت : متى السفرة ؟
قالي : الوقت والتاريخ الأفلاني
وفزع معاي بيت التمويل الكويتي بفيزا تطيب النفس المهم بعد التجهيز للرحلة وصلنا للسفريات وأختلفنا بالترانزيت كان مو حلو مره وأقترحنا الطيران الإماراتي واحنا 3 أشخاص أنا أسمي (صدى) والثاني اسمه (كايد) والثالث إسمه (أبو عوف) و (ابو عوف) قاسي بالقرارات: (772): مايرحم ولا يعرف العطف مدري كيف عايش للحين , المهم بعد التوجه إلى مطار الكويت ونحن بإنتظار الرحلة
(أبو عوف) : مانقدر نطير الحين ؟
(كايد) : اصبر وقت دخول الطائرة خل فيك صبر شوي وإنشاءالله نوصل بالسلامة
(صدى) : يالربع طولو بالكم والطريق بعيد مو قريب
وبعد الوصول إلى مطار كازا وهنا تبدأ المغامرة وصادفنا التفتيش , طبعا أنا و (كايد) مو أول مرة نزور المغرب لكن (ابو عوف) أول مرة وكان كله يردد أغنية ونحن في الطريق
" ياليت كازا ورى المطلاع ولا جنوب الصباحية * حتى أروحلها كل يوم صبح ومساء وعصرية" صار كل الي في الطائرة يعرفونها هههههه , نكمل عند التفتيش وكالعادة قلنا أنا و (كايد) مامعنا فكه ولا صرف ... وتدخل (أبوعوف) صار يوزع سجائر عليهم وصارو ربعه (كايد) : يلا يا (أبوعوف) خلنا نمشي ..
(أبو عوف) : أصبر خلني اظحك عليهم شوي ...
أنا و (كايد) : (84): تو ماعيدنا (دجينا)
(الشرطة) : انا افهمتك وفهمت هدرتك مع اصحابك انت غلطت على الأمن ..!!
(صدى) : مايقصد شيء وهدرته عادية قصده شريف وهو يحبكم : (151):
(كايد) : قال يلا نمشي نلحق على شغلنا ..
(أبو عوف) : ليش خايفين ؟ شنو غلطنا على احد !! أو سبينا أحد ؟؟ كل الي قلته أبي اظحك عليهم بس ..
(الشرطة) : امشي معي للمسؤولة عليك غرامة شتم الأمن
وطلع (كايد) دينارين وافتكينا منهم وبعد الخروج من المطار وكانت الساعة العاشرة صباحًا أخذنا السيارة وطلعنا على كازا الجميلة قلنا قبل مانسكن لازم نشرب قهوة أو عصير من الكورنيش في (عين ذياب) واحنا جالسين في القهوة مر من عندنا طير روعة وصار يظحك مع (ابوعوف) من بعيد ..!!! على فكرة (ابوعوف) جيكر وسحت مرة بس حظه ضارب السماء ..
(أبو عوف) : ياشباب أنا لازم اصيد الطير هذا كيف الطريقة علموني لا أجيب فيكم العيد
(كايد) : ههههه روح كلمه قوله معجب فيك ..
(صدى) : يا (ابوعوف) لا تتهور أسأل الطير عن أي مكان قول إنك مضيع السكن أو شيء مثل هذا وأخذ رقمه بالإبتسامة ...
(ابوعوف) : انا ماعرفت اسم القهوة الي جالسين فيها تبيني اسأل عن مكان في كازا لا يالربع أنا اعرف كيف اتصرف ...
(صدى) و (كايد) : : (84): الله يستر من (ابو عوف)
وراح (أبو عوف) للطير وأول ماوصل عند الطير .........

نكمل في الحلقة القادمة إنشاءلله وأنتظروني : (708):

__________________

أخي صدى المزاعيط

سرد ممتع وشيق يعطيك الصحة وواصل يامبدع

بإنتظار التكملة

الإدارة

حمدالله على السلامة اخويا صدى المزاعيط
والف شكر على التقرير الرااااااااااائع وافتتاحية موفقة حيل
وفكرة جميلة روحتكم عين ذياب قبل السكن سويتو ريلاكس في الاطلسي ولا في الاحلام: (488):

أشــكرك على مرورك وأبشر بعزك والتكملة بأذن الله راح توصل اليوم أو بكرا

__________________

الله يسلمك والعفو ... لازم تفتح نفسك بعين ذياب هذي لعبتها بس لايكون في مطر ..:eyee2: وشاكرلك مرورك وبقية التقرير قيد الإنجاز إنشاءالله .....

__________________

حمدالله على سلامتك صدى
وصل يامبدع وسجلني من متابعينك

__________________

لا تيق لا تيق حتى تفرز لعدو من الصديق

الله يــــسلمك من كــل شر ..... وحياك الله حجزتلك أول مقعد (درجة أولى)

__________________

حمدلله على سلامتك يا مصطي ..

منتظرين تكلملتك للتقرير .. وياليت تكون الحلقات بشكل أطول عشان نستمتع بالقراءه .. وأرجوا إنك تركز أكثر على التفاصيل الصغيره ( سعر التاكسي من المطار لداخل كازا - سعر الطلبات في الأماكن الي تروحون لها - وصف الاماكن المميزه الدقيق ) هالاشياء هي الي تساعد القارئ إنه يكون فكره شامله من التقرير .. ويستفيد منه بأكبر قدر ممكن ..

منتظرينك يالغالي .. ( وان شاء الله بعد مانلقط الكاس منكم اليوم تجي وتكمل لنا ) .. : (434):

__________________
نلتقي .. لنرتقي ..

الله يسلمك .. شاكرلك مروورك عزالله تستاهلون الكاس كلنا اخوان وعرب .. وأبشر إنشاءالله بالتفصيل الممل لمتابعة التقرير إلا غيرة يالأمير ...

__________________

تقرير رائع وبدايه مميزه بس ياليت تطولها شوي
وتستعجل مش زيي مثلا جلست شهرين اكتب بالتقرير
وكل ذلك باسباب الزعطه والملل من الكمبيوتر وضغوط العمل
بعد العوده ......... تحياتي صدى المزاعيط وهات يالله هااااات