تكاليف السفر الى المغرب

حسب خبرتي المتواظعة أعتقد الصرف يعتمد على المكان بشكل أساسي

أتفق مع اللي يقول أن الأماكن المشهورة بوجود الخليجيين الأسعار مبالغ فيها والسبب يعود للخليجيين أنفسهم

بالنسبة للصرف اليومي المعقول الشامل لكل شي للشخص الواحد من وجهة نضري هو :
مراكش + أغادير + الرباط = 2000 ريال
كازا + طنجة = 1500 ريال
فاس + مكناس = 1000 الى 1200 ريال
المدن الصغيرة التي لا يتواجد فيها الخليجيين بكثره = 700 الى 1000 ريال

المتواظعة = المتواضعة

نضري = نظري

مأ خالس التهية


هنا الكويت

ههههههههههههه

سلااام علييكم ✋

انا طالع انا وخووي معي لمغرب في ١٠اغطسطس بأذن الله وان الله وفق ...المهم مطول عليكم

لني اول مره بروح انا وياه قعدنا نحسب تكاليف ومن سوالفكم هنا قلنا طول الله عماركم ان هو عشرين ونا عشرين يعني اربعين الف ريال سعودي شامله كلش وبالدرهم104,818,28درهم بين مراكش واغادير لمده تسع ايام فقط
وشرايكم كويس او لا ....ووطبعا من غير مبلغ حق الزنقه سبحان الله يحصل شي او شي

لك رسالة في الخاص

104818 / 2 = 11646 درهم في اليوم
يعني مصروف الواحد اليومي = 5823 درهم

تكفي وزيادة وتعيشك ملك أنت وخويك وترجع وانت ماصرفتها كلها
أهم شي تستفيد من تجارب غيرك وترتب أموركم من سكن وسيارة قبل لاتسافر

رحلة سعيدة

يا دافع البلا ياخوي ودك اللي ما معه دراهم ما يروح مكان

ياخوي انا مستحيل اروح لمكان وانا مامعي فلوس ستاند باي
احتمال اروح لطرابزون ومعي بالفيزا مية الف
واصرف سبع آلاف وارجع
لكن احسب ع كيفي واروح ع حسبتي طيب اذا صار لك شي ؟ خارج بلانك الموضوع صدمت انمسكت بشي وت ايفر !! شتسوي تشحذ ؟؟
صراحه انا مستغرب ياعالم يا بشر لا تسافر الا معك شي ستاند باي نصيحه

هههههههه مشاءالله عليكك تروح بميه الف وتصرف سبعه لا شبعان

تحياتي لك ،،،،

مالها دخل شبعان ومية الف شبعان ؟؟؟ انت معنا عالكره الارضيه؟؟

ترا ما خلا الضعوف يسألون كم اصرف وكم أشيل وكم وكم الا نظرية اللي معك انثره وتعال وآخر يومين تكفى تكفى يابن عمي انا سعودي عطني دراهم برجع الديره
وبعدين انا اضرب مثال اي رقم يعني
اخر مره رحت المغرب ومعي حزمة فلوس اي كان الرقم صرفت نصها كفتني وجيت ماهو ضروري اصرف فلوسي كلها واجي ادلدل يدي اشوا ان السياره صعب شحنها وإلا اضطروا إخواننا يبيعون حتى السياره والله لو في مجال بيع الأعضاء ان يبيعونها
عموما أبشرك وأبشر الساده المشاهدين بديت ادخل الشهر السادس ع التوالي وانا كاره الديره وهالشي غريب فعلا لكن عاجبني الديره ماعاد تنفع

وأعيد وأكرر انا لامن رحت للعزبه عند الحلال خذيت محفظتي وصرافاتي معي ما تدري وش بيصير معك
عاد كيف تروح لديره خمس اللاف كيلو وتقول كم اصرف يارجل حدث العاقل بما يعقل
رغم بداياتي الغبيه اللي من 2007 ما وصلت مرحلة احسب فلوسي واكتب بورقه وأقول هذي فلوس البترول هذي فلوس الطيور هذي فلوس غسيل سراويلي هذي فلوس بخشيش اللي يقف عند حمام المرقص
يا رجال اندبلت كبدي مع السلامه يا شيخ

كلامك في مجمله اتفق معه لابد الواحد يخلي معه مبلغ للطواريء والواحد يسافر من سعه ايضا في نفس الوقت يمد رجليه على قد لحافه
مو ضروري فلان سكن بالسوفتيل وركب بورش اروح اقلده واعيش جوه لانه نسبه كبيره من اللي يسافرون محدودي الدخل وركز على محدودي الدخل فمن الطبيعي يحسب الواحد حساب المتوسط وابسطها يومك ب1500 يعني مثلا رايح 10 ايام حط ببالك 15000 ومبلغ احتياطي 5000 لاي طاري
كذا الواحد اقول مرتب اموره وعارف يوزن نفسه لكن البلا اشوف والله عينات ينثر بليله الاف وفي نص السفره اما قعد يشحذ والا قدم سفرته واكيد شفت مثل هالعينات.....
عموما الركاده زينه والتخطيط لاي امر امر لابد منه والساذج اللي يروح مثل ماجت
وليله سعيده للجميع