أسعار التذاكر لجميع الخطوط ( موضوع متجدد )

طقس غير مغري للسائح والخطوط صامله لاعروض ولا غيره

صراحة ما فيه عروض علي السعودية شهر مارس وأبريل أسعار مثل الصيف من ٢٨٠٠ وطالع. من الرياض الي كازا
وش رأيكم المصرية ١٨٠٠ ريال تسوي

تختلف الحسبه من شخص الي أخر عندي انا هي تفوز عالسعوديه
الخطوط السعوديه من الرياض فيه رحله مباشره ووصولها بالنسبه لي انا خايس توصل 9 المساء

المصريه ترانزيت ابو ساعتين وصولك لبعض الرحلات 12 ظهراً
يناسبني انا

العوده متقاربين المصريه تقلع 00.15 واشوفها حلوه السعوديه تقلع قبلها ومباشر للرياض 9 ونص وباقي الرحلات اقلاعها بدري ابكر لازم ايام معينه تكون مباشر للرياض

لو اخترت السعوديه ومباشر ذهاب وعوده تقريباً 3000 ريال
المصريه بعض مواقع العروض Wego تطلع 1700 ريال

صحيح ان 1300 فرق ربما بسيط بس وصول السعوديه متاخر

الشيء الغريب مافيه عروض على جميع الخطوط علما ان هالوقت ميت مافيه احد يبي يسافر والديره فاضيه والخطوط مصممين مافيه عروض على ان اغلب طياراتهم تطلع فاضيه والاغرب من ذلك قبل كنت احجز على السعوديه الى اقادير ب ٣٠٠٠ ريال في نوفمبر وتذكره واحده والعفش استلمه من اقادير وكذلك التختيم الان يقول لي المؤيد تغير عندنا فجئه صارت لازم تذكره اقادير منفصله يعني لازم تاخذ عفشك من كازا وتختم وتدخل الصاله لاخذ البوردنق حق اقادير بصراحه شيء غريب الي يصير علما كانت المغربيه قبل كم شهر تطلع ثلاث رحلات من الرياض دايركت الان ولا رحله فقط فيه رحله بالاسبوع يوم الاربعاء لكن تمر جده ي شباب وش الي قاعد يصير ؟؟؟

المسافرين أنواع سائح حقيقي وسائح عاشق للمغرب وسائح رايح سهر ويفش خلقه الأول مايرجع يبي دوله جديده والثاني عاشق وهايم ولا يغير المغرب و الثالث انظر حواليك الوضع مطاطي وليش اسافر عشان اسهر وكل شي عندي بمكاني وهم الغالبيه + ربما الماديات تغيرت معد يميلون للدفع اكثر والمقابل قليل وتعبان لا السكن اسعاره معقوله ولا حتى السهر
فيه ضعف في عدد السياح من ربعنا وتطالع في دول ثانيه منها شرق اسيا تنصدم من اعدادهم فيها بل يمكن زادو عن السنوات الماضيه اما المغربيه نفس وضعهم العام ومن بعد رمضان تكون رحلاتهم مباشره من الرياض

لا اخوي المغربيه قفلو محلهم الي بالرياص ولا عاد فيه رحلات من الرياض فقط رحله واحده عن طريق جده ب ٣٧٠٠ ريال وعلى السعوديه زادت يقول ب ٤٠٠٠ الى ٣٩٠٠ ريال ميزت السعوديه دايركت لكن وقتها شين توصل اقادير الساعه ١٢ باليل والمغربيه طرانزيت عن طريق جده لكن توقيتها حلو توصل اقادير الظهر والاسعار متقاربه لكن المؤيد يقول لي انتظر الى مارس يمكن يتغير شيء ومن هنا الى مارس يخلق الله مايشاء اما قولك السياح فعلا الماده لها دور كبير انا لي صاحب مغربيه سواق يقول الشغل زفت الشهرين الي مضت ماعمرها مرت عليهم مثل هذا والديره يقول فاضيه ومكان السهر ينشون الذبان فقط مزيكا هي الي ماخذه الجو في السهر وسلامتك

غريب كلام المؤيد
أحد الشباب توه رايح يوم 9 فبراير وانا الي وصلته المطار، رياض كازا أغادير
رياض كازا على السعودية
كازا أغادير على المغربية
موعد الإقلاع من الرياض 14:35، موعد الوصول لأغادير 22:55
وطلب في الشيك إن في الرياض استلام العفش في أكادير، وعطوه بوردنج كازا اكادير بعد، مع العلم أن بوردنج كازا اغادير كانت المغربية موقفه اصداره من السعودية، بس شكلها رجعته

من ارض الحدث اكادير بالنسبه للسهر مدهرين الشيك الكاش مافيه ركود والديره واعره خويا

تسلم اخوي المهندس كلامك صحيح وقد اخذت البوردنق نفس خويك من الرياض
لكن المؤيد يقول قبل يومين تغير وش المشكله هم مايدرون لكن قالو لي اصبر اول مارس لان التذكره لو قصيتها الان ب ٤٠٠٠ تذكرتين منفصله العفش والتختيم من كازا لكن انا بصبر اذا شفتها كذا اخذت على المغربيه عن طريق جده فيها تغيير طياره على ماعتقد لكن اتوقع وصولها بالصباح في كازا افضل من السعوديه قبل ماوصلت اقادير الا اخر الليل راح علي اليوم كله لكن انت وشرايك المصريه انسى اطلع عليها لان صيانتها زفت وكراسيها صغار سيئه المهم عطني الي عندك وش تشور علي به لو صملو على كلامهم لان قد جربت النزول في كازا ملعنت جدف وتاخير اشناط الله يعين بس

اتوقع البوردنق حق اقادير على كلامك ماتاخذه الا من كازا شكلهم رجعو في كلامهم