سجل حظورك بأبيات من الشعر

لقيت الناس ما منهم سلامه

لزوم يلحقك منهم ملامه

ولا تحسب حلالك لو تبيده

يبي يحماك عن هرج القدامه

بذرت الجود في من لا جزاني

سوى دم إلا هبت ولامه

حقود القلب نقال الوشايا

هذور مهنته نقل النمامه

إلا منه طرى له ما طرى له

تكلم ما يثمن وش كلامه

يقوله يزعم انه مازح به

وهو ينقض ويفتل في عدامه

دخيل الله من خطو السملق

إلي بالهيذ وان اطلق لجامه

ألا يا ليت ربي يوم سوى عبيده

حط للطيب علامه

علشان الذي بالناس جاهل

يعرف الحر من برق الجهامه

لاجل في الناس شيطان ملبس

ولو لوى على راسه عمامه

يغرك بالسلام وبالتحفي

وهو شيح وجنجاث طمامه

مثل هذا تحذر منه جدا

ولا تدني مقامك من مقامه

وبعض الناس في ممشاه رافض

يختل الناس في قل اهتمامه

يحني لحيته كنه مطوع

ولا يفرق حلاله من حرامه

وبعض الناس يبدي لك نصيحه

ولكن ما تعرفه وش مرامه

وهو ما مقصده نصح ولكن

يبي يلبسك للحاجه خطامه

والا منك قضى بك ما يريده

أخذ سدك وضربك بالمهامه

__________________
كلآم الناس بالنسبة لي ،، مكآلمة لم يتم الرد عليهآ ..!!!

شربة غدير العز لو كان مالح **
ألذ من شهد مصفى من القبح

الله رفعنا عن دعاة المصالح **
وطاعة إله العرش هذي هي الربح

و رماني البعد في درب الجفا ..
والظروف الكايده تسرق مناي..
لو حرمني الوقت من لحظة صفا..
والليالي زودت همي وشقاي ..
مانسيتك ..
لا ..
ولا خنت الوفـــــــا ..
داآام روحي في الجسد ..
تبقى رجــــــــآي .

عطني حنانك كفا وعادني حي
وشلي بحنانك يالغلا بعد موتي

على كثر العيون اللي اضحكت لي مابكت لي عين
بكيــــــت ولا لقيت لدمعتي عيـــــــــــــــن تواسيني

غرقــــــــت ولا لقيت لصرختي منهو يمـــــد ايدين
تصوبني سهـــــوم الموت مره والـــــــف تخطيني

الصمت كنز اللي عرف .. قيمة الصمت ..
والحكي في بعض المواقف جريمه ..

سهّرت لك صاحب على .. صدمته نمت ..
أحزنته وفرّحت راعِ النميمه ..

لوّ انجرحت ومن .. جروحك تألّمت ..
"ما كنت تطعن صاحبك في صميمه"

خليتني أشكي من البعد مهموم
لا العين مسروره ولا القلب مرتاح

وركبتلك قفلن على القلب مختوم
بسم المحبه وانت للقلب مفتاح

ليه يافاتني اليوم صرت في العشق مفضوح
ولاعرفت كيف تواني عشقك يحتويني

أكبر خطأ نسيان من يذكرونك
وأعظم وفا ذكرى حبيبا يجافيك

أكبر عناد تخون شخص يخونك
اجمل أمل حب جديد يناديك

طاب ليلك يا حبيب القلب طاب
حضور سجلتك وانت ضمن الغياب