انا وانتي حكاياتنا مثل لعبة و طفل صغير
مع أنه دوم يهملها رفض يسمح بها لغيره
انا و انتي بلاش انتي انا لو افتقدتك شيصير
عليم الله لو ما انتي فلا مريت هالديره
انتهينا يا حبيبي وانتهى ذاك الغرام
لا تفكر في رجوعك مالك بقلبي محل
لا تقلب بالمواجع مايزيدك أي كلام
تدري إنك أول اللي من عشقته ومن رحل
اذكر إني نور دربك لا غدا فيك الظلام
واذكر إني شلت همك ما دخل قلبي ملل عايشن في وسط قلبي في حشيمه وإحترام
ماخذن كل المحبه وفي وصالك ما بخل
اذكر اللي بالشدايد تزهله درع وحسام
واذكر اللي من ظروفك كان لعيونك أمل
من هو اللي كان يرسل لو تحبني لا تنام
لانتهى ليل الخلايق يبتدي ليله غزل
ماهقيت تصد عني بدون سبه أو خصام
هذي اللي قالو عنها قاسمه ظهر الجمل
ماتهون العشره قالو لا حشا منت بحرام
ماني ظالم والدينك مالهم فينا دخل
وفر دموعك فديتك ما على مثلك ملام
انجبر كسر الخواطر يوم قلبك ما سأل
أقسم برب الخلايق جامع شتات العظام
ما بقى لك في خفوقي لا وجود ولا محل
انتهينا يا حبيبي وانتهى كل الغرام
كمل دروبك بدوني ولا تفكر بالوصل
مانبي منك إتصالك قل على الدنيا السلام
أنت شي في حياتي أنسى أنه قد حصل
ياشوق دنيا ماصفت لي على الكيف، من يوم غاب اللي معه كنت سالي.. محبتي له صافيه مابها زيف، حب ومعزه والغلا قلت غالي.. اول معي واليوم جاني كما الضيف، لا همه اخباري ولا كيف حالي..