اشهر الحمامات المغربيه و النوادي الصحية بكازابلانكا

تقرير جميل من إنسان جميل
مشكور اخوي مصطي على ذكرك الحمام المغربي بس حمام الزياني هل خاص بنساء فقط لان شفت في قائمة الاسعار ان غسيل بالصابون للنساء فقط بحكم تجربتك من هو الأفضل من ناحية الجودة في الحمام المغربي بعيدا عن الديكورات والكلاص

__________________
G I N
! ! . . . ♥ . . . ! !

بيض الله وجهك الغالي مصطي وبالفعل الحمام المغربي ظروري جدآ..بالنسبه للباشا ما انصح فيه احد اللهم فيه مساج نسائي للي وده يجرب طبعآ على خبري فيه

وبالنسبه للحمام المعقول وحلو وزوين وسعره في متناول اليد وموقعه حلو في منطقة المعاريف وقريب للسوق واسمه حمام الزاكي واي احد تسأله عنه في سنتر المعاريف

بيعرفه هههههههههه انا ناسي اسم الشارع..الف الف شكر للمجهود الحلو..وتحياتي

لا مو خاص بالنساء حمام الزياني من اقدم الحمامات في كازا وجوده الفرك و الحك عندهم عاليه ههههههه

لكن اغلب الحمامات يكون قسم خاص بالنساء و قسم للرجال

واللي يسويلك رجال انا حمام الزياني ليه يعجبني لانه حمام بمعنى حمام مو لي اشياء اخرى


بالنسبه ترى تقريبا 60% من الحمامات المغربيه اللي يعملون في الحمامات بنات و قبلها دخلت حمام انا و صديقي العزيز البرنس حمام قريب من الزرقطوني

وبقرب شقه امينه اغلب مزاعيط كازا يعرفونها و تفاجأنا ان بنات دخلوا معانا و سوولنا الحمام عادي جدا

و صارلي موقف اني دخلت حمام فال دو انفا و شلت ملابسي

وخليت البوكسر فجأه دخلت علي وحده فتحت الباب وقالتلي شيل ملابسك كلها عادي يعني انه محد راح يفتح علي الباب والله و اشيل البوكسر

وشوي رجعت فتحت الباب علي بكل بجاحه و لا اخفيك اني شعرت بالاحراج ... و فهمت ان الوضع سيئ و فعلا ااخذت الفوطه و طلعت قالت لي

تبغى مساج كامل هههههههه فهمت قصدها و قلتلها لا ما ابغى شكرا يوم قلت كذا كشرت في وجهي و تغيرت الابتسامه الى غضب وكانها

تبغى تتخلص مني وتدخل زبون جالس ينتظر ... ايضا الحمامات الكلاس شويه صممت لغير اهدافها الحقيقيه مع الاسف

فيه حمامات مشهوره بالاشياء هذي ولكن ما ذكرتها ذكرت الزين منها و يالله تسلم


تحياتي لك

ايه عرفته قريب من شارع ابراهيم الروداني في حاره كذا بس ما هضته شغلهم شويه لك عليه


تحياتي لك يا زعيم

اوووه ممتاز والله

والله نفس الحاله ابي فرك وتقطيع الجلد مابي دلع ادفع فلوس واخر شي ماستفدنا شي .

جربت اكثرهم عند نساء بس كلهم عجايز الي يدينهم بروحها ليفه ويخضون الصميل :) والله اذا شفت حمام المغربي حريم كبار سن اعرف انه شغلهم ممتاز.

الا في اكادير خلف سكاي كان توه فاتح جديد ديكورات ولا يعلى عليه بس جودة الفرك لا والله عادي جدا حتي بخارهم خرطي بس كله بنات نفس حالتك شيل كل حاجه وفيه خدمة مساج الغرفه تطلبها للشقق المارينا مبلغ معين ١٠٠٠ وما فوق.

ذكروني مساج تايلند كلهم مصخره واي كلام ماعدى واحد في بوكت لونه اخضر ناسي اسمه قدام مقهى القاهرة معهد صح ونظيف اما الباقي جنوس ومصخره.

جربت مرة حمام في فاس كلهم رجال قلت حلو الحين نعرف قيمة الحمام المغربي بس ياليتني مادخلت عنده تمسخرت قام يصفقني بالليفه ويشمخ ونفسيته خايسه وطول الفترة وانا مستحمل كل مايشوفني اتضايق يقول اسف في الاخير رفسته وطلعت ولا دفعت درهم واحد لحقوني لسيارة يتآسفون قلت توبه اسوي عند حمام مغربي عنده رياجيل مالهم خلق ويغثك في الاستغلال عكس البنت سكتم بكتم.

__________________
G I N
! ! . . . ♥ . . . ! !

هههه حلوه عند عجايز والله يا الغالي صاروا يوضفون الاجمل عشان يمشي شغلهم فقط اما من ناحية جوده خدمه فلا تدوور ابدا

شوي تفركك بالصابون دقيقتين بخار و قالولك اقضب الباب لذلك الواحد يبحث عن حمام يأدي الغرض بغض النظر عن الديكور و الاشياء الي مالها لزمه

معنى كلامي انك ما تروح حمامات مو نظيفه ولكن حمامات تجمع بين النظافه و جودة الخدمه


اصلن المغاربه انفسهم ما يروحون هذي الحمامات

يروحون حمامات شعبيه يدفع 5 درهم حق الدخول و 10 درهم للشخص اللي يفركه ويحكله طبعا يجيبون معهم الصابون و اليفه و ادواتهم\

وانا جربتها في يوم رحت مدينه الجديده دفعت 5 درهم للدخول و 10 درهم للشخص اللي يحك يا رجل حك جلدي الين طلعت من الحمام كلش احمر هههه

اي والله صادق الأجمل ماشي حظه ام الجيكره خلف الكواليس او تجيب فوط او المحاسبة عشان تدفع بسرعه .

والله صادق قالو لي بخار ٢٠ دقيقة والله شغلوه اسمع صوته البخار بس ما اشوف شي وشوي الا داخلين علي كيف البخار !! قلت طل بخار ما جاني شي وعمك اصمخ طاف كمل شغل :)

ايه هاذي الحمامات الشعبيه الشغل الصح بس قلة قليله شغلهم مرتب وأجوائهم صحيه والباقي تقول داش خرابه :)

لي جيه للرباط قريب في اول شهر ٦ ابي حمام تيكه شنو تنصحني فيه

__________________
G I N
! ! . . . ♥ . . . ! !

صدقت شغل مشي حالك بالنسبه لي الحمامات الشعبيه يعني بس للي يبي يجرب مره وحده و يعيش

الشئ التقليدي الاصلي اللي هاوي تجارب


بالنسبه للرباط فيه Moving هو نفسه الي في كازا فرع له نادي صحي حلو و رايق عندك في حي الرياض فيه حمامات كثير و حلوه

بصراحه معلوماتي قليله عن الرباط لاني ماني من روادها و لو رحت ما اجلس اكثر من يومين فيها لان نظام تكي في الشقه ولا الفيلا ما احبه ابد

على حسب ما قريت القضية عندكم حامضة فحمام الرجال :D

من صغري وانا اتمنى اعرف كيف بتصير عندكم الاموور ... لقد هرمنا لقد هرمنا من اجل هذه اللحظة التاريخية :p

الله يخلي لي حمام النرجس والكسالة زهرة من تحل عمرني مابدلتهم ههههههه



شكرا اخي مسطي على الموضوع فكازا مجربة انا حمام واحد فعين الشق <<وحش كتير

تحياتي

__________________