المارينا أغادير ( عمارة 20 )

السلام عليكم ورحمة الله وبركاتـــه

ومساء/صباح الخير جميعاً


اولاً : مقصر كثير تجاه مايطرح هنا سوا في المشاركه وفي الردود فـ أرجو المعذره .


انا من عشاق المغرب عامة واغادير خاصــه ، كل رحلاتي تمـر ولله الحمد دون أي مشكله ولاتعقيد من بوابة المطار الى بوابة المطار سوا المواقف التي لاتذكر .


وأحب انوه ( ان الاشخاص السيئين ) متواجدون في كل انحاء العالم وليس في المغرب فقط او الدول العربيه .

فـ عندما نحذر من شخص ( ما ) هو تحذير للجميع للـ إنتباه للأخطاء التي تحصل دون علم او درايــة .


اختصر الموضوع عليكم ..


رجعت من اغادير قبل ثلاثة ايام ، وسكنت في المارينا فالشقق السكنيه كانت جميله وشقه مرتبه وتعامل جيد نوعا ما ( طبعا 100 درهم ) كانت حاضره وبقوه للحراس .


المهم أتصل بي احد الأصدقاء وطلب مني ان احجز له شقه .. وتكون لمدة يوم واحد فقط ..


وبالفعل كملت صديقي وقال كلها عامره .. ماكاينش شي خاوي .


ودلني احد الأشخاص على شاب مغربي إسمـه ( طــــــــــــه ) يبلغ من العمر 21 سنه تقريبا لديه ثلاث شقق تمليك حسب كلامهم والله اعلم في المارينا ، ومظبط الامور والكل يحسبه الف حساب ..


وبالفعل عيط على الرجال وتقابلت معه .. ودخلني اشوف الشقه : كانت مجدده بالكامل وجميله جداً ومجهزه تجهيز كامل


واتفقنا على السعر 2000 درهم لليوم و 100 درهم ( لـ تظبيط العساس ) .


طبعا الشقه في العماره رقم 20 الدور الأرضي .. بعد المقهى اللي يجيك فـ الزاويه وانت متجه للخروج الكلي من المارينا ..


وقالي كم يوم : قلت يوم واحد مبدئيا الى ثلاث أيام .


قال : صافي بس إدفع لي حق يوم ع الأقل .. وتستلم المفتاح الساعه 9 صباحاً


قلت اوكيه ، ودفعت المبلغ وطلبت ايصال او سند .. وقال ماكاينش دابا بكره الصبح مع المفتاح ، والا لاتدفع ولو استاجرها واحد راحت عليك

والمشكله اني كنت منحرج من الجماعه ولافيه شقه فاضيه الا هـــي .. قلت اوكيه ودفعت .


الصبح دور الرجال ماتلاقاه ارسل لي السيكورتي وإسمه ( حبيـــــب ) ، قال ابو طـــه يقول ( يايكمل يدفع حق ثلاث ايام ) ياماتاخذ المفتاح ولاترجع الفلوس ،،

طبعا / انا هنــا جلست اضحك .. قلت احنا وين ياحبيب ؟ قال في المغرب : قلت الحمدلله ، والله العظيم لا اطربقها عليك وعلى طه وابوه .. !!


المهم قالي انا راح اقنعه واجيب لك الدراهم بس تظبطني قلت اوكيــه اعطيك ربع المبلغ بس انت رح جيبه او خليني اروح معاك .. قال لاتروح انا اروح واخلص قلت اوكيه


وإسسسسحب علي .. ادق ادق مايرد ، ادق باب الشقه مافيه احد


انتظر دوامه حبيب ولاحضر .. كلمت السكورتيه حاولت .. ماقدرت اوصله ،

المهم ان الجماعه درو بالسالفه ، وجوني وحبو خشمي وقالو خليها بينه وبين الله .. وخله ماعندك اي شي يثبت انه اخذ الفلوس حتى لو بلغت مانت مخارج نفسك !


المهم .. إظطريت اتحمل هالسرقه اللي عيني عينك بسبب سفري الى كازا


لكن وين بيروح ؟ الايام بيننا .. اغادير ( غرفه وصاله ) ع قولة اخوانا المصريين ..



المهم انتبهـــو يا اخوان من انك تدفع فلوس دون إثبات وسند حتى لو كان معرفه وصديق مقرب محد يضمن انت في غربة وضمان الحقوق مايزعل احد .


طولت عليكمــ كل الشكر والتقدير للجميــــع واتمني الاستفادهـ من الموقف .

ما عندي ما نقول و حق الله

الحين تلاقي اللي قالك خليه لله له نصيب من هذي العمليه

لو منك ادق على الشرطه و اكبر الموضوع ... ما نفع ادق على السفاره .. مو عشان 2000 درهم

بس عشان احمي غيري من هذي العمليه التي لن تنتهي حتى ينال جزائه


انت الان غلطت مو عشان عطيته المبلغ عشان اعطيته مجال يسرق غيرك بشئ اكبر


...مو عشاني خليجي اتيت للمغرب سائح اصبح مالي مستباح لكل من هب ودب فيه قانون يحمي الجميع مواطن و سائح



... و انت ايضا غلطان لان اعطيته فلووس بدون و وثقت فيه كنك تعرفه لك سنين

أتفق مع ما قاله مصطي

انت غلطان تسكت حتى لو ما عندك إثبات مجرد وصول الشرطة للبناية ستسبب لهم مشاكل لان المارينا مكشوف امام الكل وإذا هم يخافون على سمعتهم بيرجعون لك الفلوس بالتراضي او يمكن كثر الدق يفك اللحام (اتفق مع واحد من الدرك انه ياخذ نصف المبلغ إذا قدر يخليه يعترف وهو وطريقته واسلوبه) والعوض ولا القطيعه.

على العموم

الف الحمدلله على السلامه وخل هاللي صار معاك درس لباقي الايام

تحياتي

__________________

انت كينج وربي ...

افا عليك وانت في اي بي وانسرقت كيف اللي يجي اول مره 000

المفروض ماتعطيه درهم واحد الا والمفتاح في يدك او جس نبضه بفاتوره اذا تهرب معناتو سرووووق

واللي توسط له هذا معه في السرقه والله كلهم عصابه والضحايا احنا للاسف 000

2000 درهم مبلغ ليس بالقليل لو انا منك ماامشي من اغادير الا واخذ حقي منه بالطيب بالبطال

(( جوج دراري شوماج بي 200 درهم يوكلوه العصا ويرجع المبلغ مكرها )) ويعرف بعدها ان الله حق الحيوان 00

لكن هاد الشي منتشر في المغرب وبكثره وربما حسن الظن قادنا لتلك المهازل 0000

لو انا مكانك تدري واش ادير اتهم اللي توسط له واشكيه على الشرطه والشرطه حتجيبه مخفور هو والحرامي الاخر 000

والله شي يقهر ويطلع الدم سرقه عيانا بيانا وفي وضح النهار 000

الحق معاك 100% + (وجود شاهد = النصاب الي يقول خلها عند الله )

كان المفروض الأتصال على الشرطة وصدقني كان اخذت حقك .

صحيح في كل بلد اشخاص سيئين ولكن احيانا حنا نكون اسواء بسلبيتنا تجاههم

وافضل عدم الثقة المطلقة في الأصدقاء ، لانه ماجاء وطقها صداقة معاك الا عشان الزرق ام 200

وشكراً لك على التحذير

فكرت بالتوفير .وكانت هذي النتيجه .. لو سكنت في شقق اطلس مرينا ما كان صار لك كل هذا

عالاقل بيكون حجزك رسمي .. دائما الحجوزات الرسميه هي الاضمن بالسفر .. اغلب السماسره نصابين والتعامل معاهم ما يجيب غير المشاكل

__________________
i am a very private person, yet i am an open book
if you dont ask... i won't tell

اولا مرحبا مليـــــــــون بالشيوخ

انتقداتكـــم يا اخوانــي عالعين والرأس .. وتواجدكم في موضوعي بحد ذاته تواجد مثري وكبير ..


مصطي :

كلامك منطقي جدا فـ نسبة الخطأ الكبيره علي انا .. وظروف سفري المهمـة خلتني اتنازل بسهوله شكرا ياكنق .


مزعوط الجبيل :

الله يسلمك يالغالي ، والله مو اول مره اروح المغرب ولاني بذاك المكلخ لكن حسيت ان ماعندي حجه قويه ، والمشكله الأكبر كانت في الوقت .. واللي مافرقت معي اني اتصل عالشرطه


روداني :

يامرحبا بالخبير .. والله ان اللي يجي اول مره بيكون حريص أكثر من المحترف ههههههههه .. وانا عارف انك تنسرق في 2000 درهم ماهي بسيطــه ولكن قدرالله وماشاء فعل ..

وانا جتني معلومات سرية عن الولد ممكن اجيبه في اكثر من 2000 درهم !


محمد السابع :

يامرحبا يابو حمييد .. والله اني عارف ان صديقك جيبك الا ماقل وندر ، لا انكر ان لدي اصدقاء مغاربه مستعدين يصرفو علي وانا فالسعوديه هههههه ، لكن اغلب الاصدقاْء فالمحيط الخليجي سماسره فعلا اهم شي 200 زرقاْء واصير صديقك والمحامي الخاص .




Oscar :

جبتها عالجرح وكنك مادريت آه يـ اوسكار ..

مو قصت توفير ولاشي .. القصه مابغيت اذكرها احتراما لمحمد عاطي ، لكن دامك فتحت الموضوع بقولها ..

حجزت طال عمرك عن طريق الواتس اب مع ابو شيماء وقالي بالحرف الواحد : صــآفي ياحبيب الجماهير ، والمحادثه موجوده وصورة الحجز ايضاً ..

كان الحجز يوم 3 /9 .. غرفتين وصاله ، وغرفه وحمام فقط اكرمكم الله.

والاسعار : 2450 للغرفتين والصاله وللغرفه 1250

أرسلي ابو شيماء صورة الحجز انه مؤكد وكذا ..


ورحت للمارينا اول ماوصلت .. ( إستقبالهم سي جدا ، تقول اني جاي بسكن بلاش ) .

قالي انتظر لحظه .. وجلست يمكن نص ساعه محد معبرني طاقها سوالف مع واحد من اخواننا الكويتين ..

ودخلت جوه .. للمكاتب اللي في اليمين والاقي الاصلع ابو نظاره مدري شنو سميته .. المهم قلت ياخي انا حاجز ولي نص ساعه واقف مايصير ؟

قالي وش حجزك وقلت له ..

قالي اوكيه بس الاسعار ( 2650 درهم ) للغرفتين ، ومافيه غرفه .. فيه غرفه وصاله بـ 1800 درهم .

عجبتك اهلا وسهلا ماعجبتك مافيه شي خاوي غيرها .. > بهذا الاسلوب ..

قلت اوكيه : خليني اشوووفها ، واطلع واللي هي يا اخوان ماتنظفت مدموره دمار شامل يبي لها اقل شي 3 ساعات وجلسة الصاله عليها اوساخ ومقرفه جدا

اعيييط على محمد عاطي مايرد .. اكثر من مره ، واخر مره رد يكلم واحد ثاني ومخلي الخط مفتووح : الو الو الو .. ولاحد يتكلم .

طبعاً : هنا ارتفع الظغط عندي قلت بلا اطلس مارينا بلا كلام فاضي .. فلوسي بتسكني في اي مكان ابيـــــه مايحتاج اترجى فلان واكلم علان


واسحب عليهم وامشي ،،


انا معك ان السماسره مايجي منهم الا الدوخ والخداع والمشاكل ، لكن وش حدك على المر ؟ قال اللي أمر منــــه .. !!

مامعك حق ياعاطي في اللي درته مع الراجل وزيدون اللي داره موظف المارينا

ياعاطي قووول لموظفين المارينا السواعده راهم بيدفعوا فلوس مش ساكنين فابور

رفع الاسعار وتحملناه وزياده سؤ معامله من موظفينهم لا والف لا على هاد الشي

اتمنى انك تكتب تجربتك في اطلس مرينا في موضوع مستقل في هذا القسم

__________________
i am a very private person, yet i am an open book
if you dont ask... i won't tell