تقرير مبسط ل سفرتين للمغرب في شهر !!

جوااارديولا

مزعوط نشيط

المشاركات: 113

تاريخ التسجيل: May 2013

2013-10-05, 04:16 PM

المشاركه #1

تقرير مبسط ل سفرتين للمغرب في شهر !!

السلام عليكم ورحمة الله وبركاته

تقرير مبسط ومختصر واتمنى تعذروني عن القصور لان هذي اول مره اكتب فيها تقرير واتمنى الفائده للجميع ...

الرحله الاولى /
التاريخ: 4-15 سبتمبر
المده: 11 يوم
الخطوط الناقله: السعوديه
سعر التذكره : 2000
عدد الاشخاص : 3
التكلفه للثلاث اشخاص : 58 الف ريال

طبعا التخطيط للسفره كان من قبل رمضان بقيادة محدثكم ( خبرة تخطيط ٨ سنوات هههه) وكنا ننتظر على احر من الجمر الى ان دقت ساااعة الصفر وجاء اليوم الموعود الاربعاء 4سبتمبر ...
وصلنا لمطار كازا الساعه 5 مساء وكان السائق حميد في الانتظار ... لم نستغرق وقت طويل في المطار وسارت الامور على ما يرام وبدون تأخير او تعكير ... انطلقنا من كازا الى مراكش مع
احسن سائق في العالم بالنسبه لي ( السعر 1000 درهم) طبعا كنا في قمة التعب انا والصيادين اللي معي !!( معي صياد كبير بس خواف هههه) ( والصياد الثاني صغير بالعمر بس عاشق )
وانا الصياد المتوسط بينهم ههههه ... المهم وصلنا للنخيل الدرقاوي وكان في استقبالي الاخ العزيز خالد وكان مجهز لنا فله 3 غرف عند بوابه 10 ...
اول ليلة تعشينا ونمنا على طول بعد رحله شاقه استغرقت اكثر من 12 ساعه من تبوك الى جده الى كازا الى مراكش ...
في مساء ثاني يوم تغدينا وصحصحنا وانطلقنا عالمرجان لشراء مستلزمات الفله من اكل ومشروبات وغيرها ( مع العلم اننا جايبين معنا شنطه فيها رز ومكرونه وشطه وقهوه وتمرر وو.. الخ)
وهذا الشنطه ريحتنا كثير ...
خلصنا من المرجاان ووصلنا البيت وبدأ الاستعداد لاولى السهرات الحافله ... ومن حسن الحظ كنا على موعد مع الفنانه دنيا بطمه في مقهى الديوان ... كاان المقهى زحححمه واخذنا الطاوله ب
2400 درهم والاخ راشد اللي في الديوان ماقصر ... ( سهره ممتعه .. اجواء حافله.. سعوديين فل..طيور فل.. من الاخير الجو حريقه )
في مساء ثالث يوم صحينا من النوم على كسكس السواق حميد جايبه معه من البيت اللي يعطيه العافيه بس بصراحه مااعجبني الكسكس ( يازين كبستنا) ...
سهراتنا كانت يوميا في الديوان ومره او مرتين رحنا الvip والياسمين ( عماد اخلاقه زفت ) هذا اللي كرهنا فيه ...
المهم بدا التجهيز للسهره الثانيه في الديوان وكنا على موعد مع مشكله بسببي ( مالي ذنب لاتاخذوا عني فكره هههه) وصلنا للديوان واخذنا طاولتنا المعتاده والجو وقتها حلو والامور هانيه

قلت ياحبيبي لا تروح السالفه واضحه انها فلم لا تصير طيب زياده عن اللازم وحاولت اقنعه انه مايروح خصوصا ان الساعه وقتها 4 الفجر وماقدرت ارده وكلمت الصياد الكبير يحاول يقنعه
بس ماقدرنا نرده عن اللي في راسه وبالنهايه العاشق ما نقدر نقوله الاياعاشق زيد!!
اتصلت بالسواق حميد وقلتله تعال .. جا حميد وعلمته بالسالفه وقلتله السالفه يمكن تكون فلم من حمامة العاشق وحميد قال لا توصي واصلا حميد مايحتاج نوصيه فاهم كل شي
طبعا راحوا وكنت على اتصال معهم لين وصلوا المستشفى .. نص ساعه ورجعوا وسالت الصياد الصغير ايش اللي صار معه والاخ مبوووز ومايرد
الزبده انه سكت وانا ماحبيت اضايقه اكثر لانه ما يبي يتكلم وانا للحين ماني فاهم ايش صار معه بالضبط ...
طبعا استمرت الايام تمشي بسرعه لين وصلنا عند اخر ليله وكنت على موعد مع سهررره ولا اروع مع الفنان سعد لمجرد ( صاحب اغنية سلينا) في الديوان طبعا ...
كانت هذي الليله اخر سهره كانت ممزوجه بين الوناسه والحزن !! احاسيس مختلطه ... الايام مرت بسرررعه البرق
انت السهره ووصلنا الفله وبدينا نجهز لرحلة العوده وقبل ما نتحرك على كازا جا السواق الله يجزاه خير وجاب لنا معه اكله اسمها بسطيله اتوقع وكانت اكله لذيذه وعسى يجزاه خير وكان وداع خير مع حميد ...حملنااغراضناو توكلنا على الله وسافرنا لارض الوطن محملين بالكثير من الذكريات الحلوه ...

الى الان ماانتهى التقرير !!! هههههههه

اول يوم جلست فيه بالسعوديه كنت طفشان واحس بملل قلت يمكن لانه اول يوم خلني اصبر شوي .. مر يوم ويومين وثلاثه واسبوع والوضع على حاله ماتغير فيني شي .. تفكير عميق
وسرحان دائم وقلب يخفق بسرعه كل ماتذكرت المغرب ...
بديت افكر في الرجعه للمغرب مع ان ما صارلي اكثر من اسبوع جاي منها...
كنت خايف اكلم احد من اصحابي اكيد بيقول انت انسحرت ههههههه( تفكير شيبان)
المهم قلت مالها الا الصياد الكبير خلني اقوله ولعل وعسى يمكن يخاويني ...
توكلت على الله وكلمته وتفاجأت برده !! ( طلع الاخ بنفس تفكيري ويبي يرجع ومتردد يقولي ههههه) المهم عقدنا النيه وتوكلنا على الله وصممنا على الرجعه وبدا ترتيب الحجوزات لسفره
ثانيه في غضون اقل من اسبوع على العوده من المغرب ...
انتظروني في تقرير مبسط اخر عن قصتي مع العوده مره اخرى للمغرب ومواقف وتغيرات كثيره بين الرحلتين
واتمنى تعذروني على البدائيه في تقريري بي حبيت اشارككم لو بالقليل واي استفسار انا حاضر

التعديل الأخير تم بواسطة روداني ; 2013-10-06 الساعة 03:13 AM

قرط حنا

مزعوط خبير

المشاركات: 2,900

تاريخ التسجيل: Sep 2013

2013-10-05, 04:24 PM

المشاركه #2

هذا الشغل ما شاء الله عليك ، لاتتأخر علينا .

ع السريع

مزعوط نشيط

المشاركات: 91

تاريخ التسجيل: Feb 2013

2013-10-05, 06:46 PM

المشاركه #3

علمنا وش صار مع الصياد الصغير يوم راح للمستشفى ؟ ههههههههه

هاوي الشمال

مزعوط مميز

المشاركات: 413

تاريخ التسجيل: May 2012

2013-10-06, 12:01 AM

المشاركه #4

تقرير رائع بروعة صاحب التقرير

والزعطة الثانية محلية التقرير

في انتظارك لاتطول علينا

تحياتي

دابا

مزعوط جديد

المشاركات: 20

تاريخ التسجيل: Sep 2013

2013-10-06, 12:03 AM

المشاركه #5

ولد خالي رجع من المغرب لجدة وجلس فيها يومين وكان باقي في اجازته اسبوع وهو يسوقها للمغرب مرة ثانية ههههه
ورجع من المطار للعمل على طووول
هذا الزعط والا بلاش
يلعن ابو اسحارهم ياشيخ
في الصميم

جوااارديولا

مزعوط نشيط

المشاركات: 113

تاريخ التسجيل: May 2013

2013-10-06, 12:34 AM

المشاركه #6

قرط حنا الشغل هذا ما جا الا من اللي شفناه ههههههه

عالسريع بالنسبه للصياد الصغير للحين ماني عارف ايش صار معه بس احاول اعرف عشان اكتبها بالتقرير الجاي

هاوي الشمال الاروع حضورك ومشاركتك الف شكر لك

اخوي دابا انا سافرت لدول ثانيه كثير بس المغرب هي الدوله الوحيده اتوقع اللي تخلي الواحد يسوقها مره ثانيه وثالثه ورابعه !!!! هههههه لبى اسحارهم بس

روداني

مزعوط خبير

المشاركات: 1,856

تاريخ التسجيل: Apr 2012

الدولة: جده

2013-10-06, 03:20 AM

المشاركه #7

اخي جوارددولا 000

الحمد لله على سلامتك انت وخوياك 000

اولا المفروض على كبيركم وانت معاه ماتسمحوا لخويكم ان يمشي بوحده مع احد غريب مهما كانت الظروف ومهما هو اصر على ذلك 000

لانو ماتدري وش راح يصير على خويكم ربما يسرق ربما كمين مجهز بتواطئ بين خفافيش الليل وموظفي الملهى لكن الحمد لله اللي جات

على تقفيله !!!!!!

النقطه التانيه 000

انا ماني معكم في الرجوع خلال اسبوعين للمغرب بتاتا مهما كانت الظروف وننتظر ماذا حدث في رجوعكم 000

AlTurky

مزعوط جديد

المشاركات: 17

تاريخ التسجيل: Oct 2013

2013-10-06, 05:26 AM

المشاركه #8

ننتظر تقريرك وقصة الصياد الصغير

جوااارديولا

مزعوط نشيط

المشاركات: 113

تاريخ التسجيل: May 2013

2013-10-06, 11:18 AM

المشاركه #9

الله يسلمك اخوي روداني ...وبالنسبه للصياد الصغير حنا اصرينا عليه ووصلت السالفه لهواش وماحبينا نكبرها اكبر من كذا
وبعدين هو ماكان رايح لملهى كان رايح للمستشفى ومعه السواق اللي اعرفه من سنوات وثقه ولله الحمد.. وصدقني ترا اللي يحب بالمغرب دايم
يتعب ويتعب اخوياه معه والواحد لو بكيفه كان يروح المغرب بدون قلب !! واعذروني على هالكلمه لان الحب بالمغرب ماوراه الا التعب وانا اقول الكلام هذا من شي شافته عيني..
وبالنسبه لرجعتنا للمغرب اول مره نسويها ونرجع في وقت قصير وبصراحه الرجعه مرهقه نفسيا وجسديا وماديا وراح اوضح اكثر في الموضوع الجاي ان شاءالله
واشكرك اخوي روداني على المرور والمتابعه ...

اخوي التركي اشكرك عالمرور وان شاءالله راح اوضح كل شي

السمبتيك

مزعوط مميز

المشاركات: 468

تاريخ التسجيل: Aug 2013

2013-10-06, 11:22 AM

المشاركه #10

ولله لو انجلينا جولي بعزها تنتظرني بالمغرب مارجعت خلال اسبوعين !!

التعب بس يهدك سبوع ..

شكلكم طافين بقوه وعلى وجيهكم ههههههههههههههههههههههههه هههه

ونصيحه لكم المغرب تبي واحد مفتح ماتبي واحد يدرعم انتبهو لخويكم : )) ههههه

الله يستر عليكم وننتظر التقرير ياشنب : )

~

\

المواضيع المتشابهه للموضوع: تقرير مبسط ل سفرتين للمغرب في شهر !!
الموضوع	آخر مشاركة
"تصدّق والا احلف لك".. أغادير ..تقرير مبسط	2023-09-09 12:51 PM
تقرير مبسط عن سفرتي للرباط من 1 نوفمبر 2013	2021-02-01 02:47 PM
تقرير مبسط عن اول رحلة لي الي المغرب	2016-06-27 07:19 PM
تقرير مبسط لرحلتي ما بين مراكش واقادير.	2012-06-11 01:45 AM
تقرير مبسط لرحلة لن تنسى	2011-08-24 08:17 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تقرير مبسط ل سفرتين للمغرب في شهر !!

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)