رحلتي الى بلاد العم سام 2013

مشكور على التقرير والصور الجميلة

أعتقد نيويورك يبيلها على الأقل اسبوع ومايكفي لأنها مدينة رائعة وخاصة بـ Night Life
أنصحك إذا رجعت مرة ثانية على خير إن شاء الله وجلست في نيويورك لاتفوت زيارة ولاية نيوجرسي وخاصه انها قريبة من نيويورك وايضاً زيارة مدينة فلادلفيا في ولاية بنسلفينا اللي تبعد عن نيويورك 3 ساعات لأنها مدينة جميلة ومو غالية مقارنة بالمدن الكبيرة وهي عاصمة امريكا قبل تقريباً 70 عام وتجمع بين الأثار الجميلة والسهرات الليلية الممتعة وخاصه شارع ساوث South Street

تحياتي لك

__________________

فعلا مدينة نيويورك جميله ... لكن انا تعتبر هذي زيارتي الثالثه لها عشان كذا ثلاث ايام كانت كافيه بالنسبه لي ..

واختلف معك انها مدينة night life لان بعد الساعه العاشرة تقل الحركة بالشوارع وتغلق اغلب المحلات من الساعه ٨ او ٩ مساء ..

ولا يوجد حركه ليليه الا في تايمز سكوير وما حولها ..

ال night life تلقاه بقيقاس اللي يبداء يومهم من الساعه ٨ وتبداء الزحمه الى ساعات الصبح الباكر ... وراح تكون أيامي القادمة في فيقاس وسوف اسرد لكم تفاصيل هذه المدينه المجنونة .

مدينة فلادلفيا في ولاية بنسلفينا اول مره اسمع فيها بس وصفك لها أعجبني وأبي اشوف شارع ساوث .. وراح تكون لي زياره لها اذا رحت نيويورك ..

وشكرا لك على تعليقك اللي أضاف الجمال على التقرير ..

بداء يومنا الرابع

كان اخر يوم لنا لنيويورك جهزنا شناطنا سوينا شيك اوت من الفندق اخذنا تاكسي وتوجهنا للمطار .. كانت وجهتنا الى لاس فيقاس ..

الرحله كانت على خطوط يونايتد من مطار نيوجرسي يبعد عن فندقنا حوالي ٢٦ كيلو ..

قصينا البوردنق وشحنا الامتعه ،،

صارت معي مشكله عند التفتيش لما فتشونا قالو لي افتح شنطتك فتحتها كانت فيها عطورات يقولون اكثر من المسموح به على الطياره ..

قلت طيب الحل وش قالوا تشحن الشنطه ولا نصادر العطورات < فا رجعت من جديد للكونترات وشحنت الشنطه ..

اللي بيطع بطياران الداخلي بامريكا وعنده شنطتين وحده شحن وحده يد ..يخلي كل عطوراته بالشنطه اللي بيشحنه افضل من يشحن الثنتين ..

المهم خلصنا الاجراءت ودخلنا المطار خذينا فطور خفيف واستعدينا للاقلاع ..

فتحت بوابة الرحلة صعدنا واقلعنا الرحله كانت دايركت على فيقاس استغرقت حوالي ٦ ساعات

وصلنا لاس فيقاس وكان في استقبالنا في المطار اجهزة القمار





بعدها خرجنا من المطار واخذنا تاكسي وعلى فندقنا الذي كان في شارع strip الشهير والمعروف في لاس فيقاس ..

صوره من داخل التكسي وطبعا تقدر تدفع عن طريق الكردت كارد الفيزا


صور من الطريق خلال توجهنا للفندق






كان حجزنا في فندق الهيلتون هذي صوره له



حجزنا عباره عن جناح من غرفتين نوم .. ودورتين مياه وجاكوزي ..

سوينا الشيك ان وتوجهنا للجناح وارتحنا شوي بعدها طلعنا لسوبر ماركت واخذنا منها عزبه للفطور وخفايف مع عصير وفواكه الخ

لاس فيقاس تتميز بفنادقها الكبيره راح انزل بعض الصور عن بعض الفنادق خلال يومياتي في لاس فيقاس

عذرا لكم اتاني ظرف طارئ الان ....سوف اكمل لكم التقرير في اقرب فرصه

تقرير مشوق وجميل أعاد لي الحنين لزيارة أمريكا

أحترم وجهة نظرك بخصوص الـnight life ولكن مأتفق معك أن الحركة الليلة محصورة في الـTimes Square فقط لأن الـmidtown كبير تقريباً من شارع 34th الى شارع 60th إضافة الى المناطق الأخرى ونيويورك مدينة كبيرة ومحتاجة خبرة ومعرفة كبيرة لمعرفة الكثير عن الحياة الليلة وطبعاً مافيه مجال للمقارنة بينها وبين لاس فيقاس لأن الليل في نيويورك غالباً ينتهي الساعة 2 ولاس فيقاس لايوجد مدينة تضاهيها في امريكا من ناحية السهر سوى اتلانتيك ستي مع أفضلية لفيقاس
بالمناسبة اتلانتيك سيتي نظامها نفس نظام لاس فيقاس وتقع على المحيط الاطلسي وهي قريبة من نيويورك وتستحق الزيارة.

مستمتع بتقريرك ومنتظر الكثير من الجمال

شكري وتقديري لك

__________________

اللي جعله جميل هو مرورك وتعليقك الرائع .. الذي زاد التقرير نور وجمال..

وأبشر يا مصطي ان شاء الله ما راح ابطي عليكم ..

تحياتي لك يا شمعة المنتدى

هلا بالغالي كول ..

منك نستفيد الصراحه .. لكن انا كنت أقارنها مع فيقاس بخصوص الحياه الليليه ... لكن تبقى نيويورك فيها حياه ليليه بس لا تضاهي فيقاس

واتلانتيك ستي هذي ما زرتها لكن ما يمنع اذا رجعت لأمريكا اجعلها من ضمن المدن اللي بزورها ..

وانا بعد شكري وتقديري لك فأنت أضفت لتقرير جمال بردودك الجميلة تحياتي لشخصك الكريم :)

اعتذر لكم اذا حصل مني تاخير او تقصير ..

ان شاء الله ساكمل تقريري و اتمنى تستفيدون من تجربتي ولو واحد استفاد من تجربتي اعتبره نجاح ..

فانا هذا اول تقرير اكتبه بحياتي يعني تقدرون تقولون عليمي لكن ما جعلني اكتب هو رد جميل بسيط للمزاعيط اللي ما قصرو معنا في شي ..


اكمل تقريري الذي توقفت فيه عند لاس فيقاس ..

احب اقول رايي في ان لاس فيقاس لا تصلح للعوائل خصوصا اللي عندهم اطفال ..

صحيح فيه مهرجانات و عروض جميله لكن برائي ان اغلب عروضهم مثيره في كل شي حتى لبسهم بالعروض لا يصلح خصوصا للاطفال و المراهقين ..

اضف على ذالك توزيع مجلات طووووووط للي يمشون بالشارع سوا كبار او اطفال ،،

حتى في الشوارع سيارات الاعلانات لا تخلو من الصور المثيره .. ودي انزل صور لما ذكرته لكن المنتدى و اعضائه ارقى منهم ..

عموما خلوني ارجع بعض ذكرياتي مع هالمدينه ،،

في اول زياره لي للاس فيقاس كانت في شتاء عام ٢٠١٢ سكنت في فندق new york new york

نبذه عن الفندق هو عباره عن فندق تصميمه مثل تصميم مدينة نيويورك من الخارج و حاطين مجسم لتمثال الحريه قدام الفندق هذي صور له من الخارج..











للمعلومية كل هالعماير هذي هي فندق واحد فلا تظنون انها عدت فنادق



فلما دخلنا الفندق كانت الصدمه في اللوبي والكازينو ما تشوف اخره ،، صوره للوبي وقت دخولنا له..



وقتها قلت لخويي كم يوم راح نسكن هنا قال ثلاث ايام قلت والله ما ضنتي تكفينا تشوف فندقنا كيف عاد الفنادق الثانيه ..

فبعد البحث والسؤال عن موقع الرسيبشن تم الوصل للرسيبشن اخيرا ولما سوت لنا الشيك ان قلنا كيف نوصل للغرفه طلعت لنا خريطه للفندق ههههههههه وشرحت لنا موقع الاصنصير اللي يودينا للغرفه ...

صوره من داخل اللوبي وفيه لوحات ارشادية



الصوره ماهي واضحه لاني مصورها وانا امشي


نرجع الان ليومنا الثاني في فيقاس فلما صحينا افطرنا وتوجهنا الى اشهر لوحة في فيقاس لاخذ بعض الصور لذكرى..








كان الجو رهيب عشان كذا تمشىينا بالشارع اخذنا بعض الصور على طريقنا


فندق الفور سيزون كان خلف فندق ماندلاي باي






دخلنا الفور سيزون وهذي صور له من الداخل ..





بعدها فندق لوكسر شكله الخارجي على شكل اهرامات مصر الحبيبه ..



غابت الشمس وبداءت الحياه بهالمدينة تطلع صور منوعه لشارع السترايب الشهير وقت الليل ...


















بعدها بداء الجوع يداهمنا تعشينا ورحنا لفندقنا لزوم نريح قبل السهره ونزبط الراس ...


توجهنا للفندق ريحنا وبدلنا وزبطنا الراس طبعا في فيقاس مسموح تزبط راسك حتى بالشارع يعني يخلونك ترقى سما سما لين توصل لما القمر والثريا و المزايين ..


كانت السهره في فندق wynn صور الفندق راح اعرضها في وقت اخر .. لان بحكم اننا رايحين نسهر خلينا جميع اغراضنا في الفندق حتى جوالاتي ما اخذها معي ..

لان المزمزه من نصحى مع الفطور الى وقت النوم ..

عشان كذا شعار الامريكان في هالمدينه هو
what happens in vegas stays in vegas

ويعني ذالك مايحدث في فيقاس يبقى في فيقاس

وانا احاول ان اكسر هالقاعده واقول للمزاعيط بعض ما يمكن قوله هههههههههههههه لان لاشي يقال ( سود الله وجه العدو )

وبكذا انتهاء يومنا الثاني بلاس فيقاس ..

انتظروني فاليوم الثالث ولما صحيت لقيت نفسي بالمستشفى

سلماااات
تقرير روعة

هلا وغلا أخ عويد

معك حق بالنسبة للحياة الليلية مافيه مجال للمقارنة بينها وبين لاس فيقاس أو حتى اتلانتيك سيتي

على فكرة اتلانتيك سيتي نفس نظام لاس فيقاس في كل شي ولكنها أصغر شوي وتقع على المحيط الاطلسي وهي في ولاية نيوجرسي وتبعد عن نيويورك تقريباً من ساعتين الى ساعتين ونص والمسافة بينها وبين فلادلفيا 52 ميل يعني ممكن تجمع بين زيارة اتلانتيك سيتي وفلادلفيا لأن المسافة بينهم 45 دقيقة

واصل يابطل

تحياتي

__________________