رحلتي الى بلاد العم سام 2013

والله تقرير في قمة الروعه والصراحة شجعتني اسافر امريكا لاني كنت متردد وان شاء الله على اول الربيع لك شكري على هالتقرير

الله يسلمك اخوي رشيد ..

والروعه هو مرورك على التقرير

تحياتي لك

اوه يا كول انت كذا حمستني اكثر.. مدري كيف الله جمعهم ..

مع اني كنت كاره نيويورك لكن يبيلها زياره نفس ما قلت :)

تحياتي لك يا عسل

هلا باللي انور التقرير بمروره ..

ذوقك هو المميز اخوي ادمنتك ..

وأبشر ان شاء الله راح نعطيك المزيد .. فالتقرير طويل :)

تحياتي لك

تروح وتجي بالسلامه ... أمريكا جميله في كل شي ما عدا الطيران لها فهو متعب .. وأتمنى لك رحله سعيده و موفقه

اول شي احب اشكر ادارة المنتدى على الثقه اللي عطونياها بتثبيتهم للموضوع ..

وهذا يجعل المسؤليه علي اكبر بأن اقدم تقرير يستحق التثبيت ..

واتمنى اوفق في ذالك ..

احب بالبداية اقول ان سبب التاخير في تكملت التقرير .. هو ضياع الفلاش ميموري الذي صورنا فيه في سان دييغو و جنوب لوس انجلوس ..

لكن راح اكمل التقرير كتابه ووضع بعض الصور التوضيحيه لبعض الاماكن اللي زرناها في سان دييغو وجنوب لوس انجلوس ..

وان شاء الله اعوضكم بالصور في شمال لوس انجلوس وبقية ايامنا في امريكا ..

سوف اكمل التقرير حيث ما توقفت عنده :-

صحيت اليوم الثالث الا انا بالمستشفى ..

لان البارح طبقنا تطبيق عملي للفديو كليب حق أغنية :-
shots shots shots Everybody
المهم بعد ما صحيت جاني العسكري سلمني اغراضي وقعت على اورقة الاستلام .. الغرفه اللي انا فيها كل اللي جنبي نفس الوضع هههههههههههه

في واحد كان مكلبش بالسرير مهدد العسكري بالقتل ... هههههه هذي والله الفصله اللي مالها داعي

المهم طلعت للرسيبشن قلت الله يستر كم يبون ياخذون مني الحين ... شوي نادوني قالوا خلاص تقدر تمشي .

وبدون لا ادفع شي .وقالوا اذا تبي نطلب لك تكسي راح نطلب قلت لا بروح برا وراح اخذ تكسي ...

االمستشفى طلع في مكان داخل البيوت والتكاسي مالها تواجد مشيت اذا قليل 3 او 4 كيلو صحصحت من المشي ههههههههههههههه .

حصلت تكسي واخذني للفندق تروشت غيرت ملابسي ... روقنا وصارت الامور طيبه ،،

بعدها اخذنا تاكسي طلعنا للمطار لاستلام السياره ..

السياره حاجزينها مدة اسبوعين ..

نوع السيارة جيب شيروكي ... عدد السائقين ثلاثه ... الاستلام البنزين فل .. والتسليم فاضيه ..

انا لست اول مره استاجر بامريكا وخصوصا في مطار لاس فيقاس لكن احب اقولكم بعض النقاط يمكن البعض لا يعرفها ..

بالنسبه للحجز انا حجزت من موقع ترافل جيسغو .. الموقع هذا كان خورافي اما الان يعتبر ممتاز والسبب هو انه بداء يرفع الاسعار وقلة عندهم العروض ..

فنصيحتي الان شيك على ترافل وعلى غيره قبل لا تحجز لان ممكن يكون ترفل أغلاء ..

حجزنا الجيب الشروكي طلع سعره علينا 3700 درهم اماراتي تقريبا مدة اسبوعين ..

ترفل جيسغو هو موقع يجمع اغلب الشركات التاجير العالميه .. ويعطيك السيارة بجميع الاسعار ممكن تحصل سياره مكرره ثلاث مرات باسعار متغيره اما عشان الشركة تختلف او لها ميزات ثانيه مثل يكون جي اب اس معها او سائق اضافي والخ ..

فبعد الحجز راح يرسلون لك اسم الشركة الايجار اللي راح تزودك بالسياره .. حنا كانت شركة Alamo هي اللي راح تعطينا السياره ..

وصلنا لشركة ألامو اخذ رخصة القياده منا سجل معلوماتنا بعدها قال الجيب الشروكي مافيه فيه جيب هوانداي .. قلنا اوك مو مشكله .. طبعا للمعلوميه هم يكتبون بجنب الجيب الشروكي (او ماشابه) يعني اذا مافيه عطوك من نفس الفئه ...

اما كيف تستلم السياره فهذي صراحه ابداع اعجبتني كثير.. اول شي تروح للمواقف فوق تدور الشركة اللي انت مستاجر عندها من اللوحات اللي بالمواقف ..

اذا حصلت الشركه اللي مستاجر عندهم تدور نوع الفئه اللي اخذتها مثل ستاندر ولا لمتد ولا كمفرتبول الخ من خلال اللوحات اللي معلقه بالمواقف ..

فاذا وصلت للفئه وحصلت اكثر من سياره معنها الخيار لك بين السيارات دور اللون اللي يعجبك ولو بعد تبي تركب تشوف وحده مامشت واجد على راحتك لك الخيار ..

بعد ما تاخذ السياره تذهب لبوابة المواقف ويبداء يسجل نوع السياره اللي اخذتها وما تاخذ الاجراءات ثلاث دقايق . وبكذا انتهت امور استلام السياره ..
وخرجنا من المطار وتوجهنا الى شارع الستريب هذي صور منوعه على الطريق ..





محاولة التقاط صوره للوحة ولكم لاس فيقاس





بعدها توجهنا للفندق عشان نجهز شناطنا ونستعد لسفرة بكرى التي راح تكون جوله على اكبر مدن ولاية كلفورنيا ..

فبعد ما تجهزنا قلنا قبل السهره ناخذ لفه بالسياره نشوف فيها فيقاس قبل الوداع .. ولنا عودة لها بعد اسبوع ..

كانت لفه سريعه والتصوير كان على السريع









بعدها طلعنا سهرنا في فندق Palazzo ..

بعد السهره احلى نومه وما صحينا الا الظهر تروشنا بدلنا وسوينا شيك اوت ومسكنا خط الى سان دييغو ..

تقريبا طول المسافة من لاس فيقاس الى سان دييقو ٥٣٠ كيلو ..

ساكمل التقرير لاحقا وراح انزل بعض المعلومات البسيطه عن سان دييقو والاماكن اللي زرناها ..

من لاس فيقاس نيفادا الى أحلى مدينة في كلفورنيا سان دييقو
بصراحه عرفتوا تختارون

تقرير جميل وصور أجمل
منتظرين بقية التشويق

تحياتي

__________________

شكرا لك وانا متابع تقريرك

__________________