رحلتي الى بلاد العم سام 2013

نظرا لقلة المواضيع في هذا القسم وانا لدي تقرير لم يمر عليه الكثير فاحببت ان أعطيكم بعض تفاصيل سفرتي الاخيره ..

قبل رمضان ذهبت انا ومعي اثنين من أصدقائي الى أمريكا لم تكن سفرتي الاولى الى أمريكا لكن كانت أطول سفره فقضينا شهر كامل سياحه في أراضي الولايات المتحدة ...

كان زيارتنا لثلاث ولايات جلسنا في خمسة مدن فيها ..

هذا بداية تعريفية لرحلتي فاستأذن إدارة المزاعيط فإذا إذنُ لي راح اكمل تقريري ..

كمل ياعويد يومياتك في المريكان 0000

وسوف تجد التفاعل على اشده

وفقك الباري

شكرا لك اخوي روداني .......

هذا اول تقرير لي في عالم الشبكة العنكبوتية ..

واتمنى ان اوفق في نقل يوميات رحلتي لكم ..

بالبدايه احب انبه ان الفيزا كنت ماخذها انا وصديقي في عام 2011 بعد الثورات العربيه .. وكانت فيزا سياحيه مدة خمس سنوات يعني حتى عام 2016

سبب اختيارنا امريكا هو ان الفيزا الامريكيه سهله وطويله يعني تقدر تروح في اي وقت هذي ميزه تتميز فيها عن الفيزا الاوربيه التي لا تتعدا ال ست شهور ..

فبعد تخطيطنا لزيارتها لمره اخرى جاء صديق لنا ثالث يبي يخاوينا قلنا له تم وقدم على فيزته وطلعت الفيزا .. والان اصبح عددنا ثلاثه وبدينا بالتخطيط ..

التخطيط كان قبل السفر باكثر من اربع شهور ..

تم شراء التذاكر على طيران الاماراتيه ..




وقت شراء التذاكر كانت بداية سنة 2013 وقبل السفر ب 4 شهور ...

سبب اختيارنا الشراء بداية السنه هو ان طيران الامارات يقدم عروض مدة 10 ايام تقريبا كل بداية عام ميلادي ..

فانصح اللي يبي يسافر اي دوله كانت خصوصا اذا كان وقت سفره بعد شهر 2 ميلادي يشوف سعر التذاكر في بداية السنه الميلاديه ..

الوقت الرحله كانت في بداية شهر 4 والعوده كانت في بداية شهر 5 .. يعني الرحله كانت شهر كامل في اراضي الولايات المتحده الامريكيه ..


سعر التذكره لشخص الواحد كان 3400 ريال .. فكان ارخص بكثير عن رحلتنا القديمه لان الواحد كلفنا فوق 5500 ريال وقتها ..

بدينا بحجز الفنادق جميعها عن طريق الانترنت فسوف استعرض كل فندق وقت وصولنا اليه..

وتم حجز سياره ايضا عن طريق النت وراح اعطيكم معلوماتها وقت الاستلام ..

فالان نبداء وقت الانطلاق ..

في ليلة الاقلاع تم شراء اهم حاجه وهو شي ضروري خصوصا اذا تبي تسافر بلاد غير المسلمين الا وهو الشطاف :)



لان السفره اللي قبلها عانينا كثير ولا نملك خبره وجهزنا الشطاف الصراحه قبل الشنط و الجواز

بالنسبه للشنط احترنا ماذا ناخذ ملابس شتويه ولا صيفيه لان وقتنا لا كذا ولا كذا واخرتها اخذنا صيفي لان راح يكون اغلب وقتنا في لاس فيقاس مدة 15 يوم وفيقاس جوها حلو باليل وحر بالظهر ..

الاقلاع كان من مدينة الدمام على الساعه 4 فجرا مرورا بدبي ترانزيت مدة ساعتين بعدها على مطار جون اف كنيدي في نيويورك ..

تجمعنا بعد صلاة العصر ورحلتنا راح تكون الفجر القادم وجهزنا اغراضنا عند بيت صديقنا الثالث بعدها ذهبنا للحلاق وحلقنا ورحنا سوينا جمام مغربي ومساج وجهزنا وتنشطنا ..

وتعشينا بعدها ذهبنا للمطار .. وصلنا المطار قصينا البوردنق عطيتهم الشنط وقلت لهم لا اشوف شناطتي الا بنيويورك ..

رحنا لبنك الراجحي في المطار تم صرف جميع الريالات الى دولار

جلسنا عند بوابة الاقلاع وتم النداء على المسافرين الى دبي سرعت التوجهه الى بوابه 27 ..

جلسنا في مقاعدنا واقلعنا الى دبي وصلنا دبي..

توجهنا على طول الى بوابه رحلتنا الى نيويورك وصلنا كانت البوابه مفتوحه خلصنا الاجراءات ودخلنا الى الطائره ..

نوع الطائرة كان A380 صراحه فيها نوع من الراحه لكن الرحله كانت طويله مدة الرحله من دبي الى نيويورك 14 ساعه غير جيتنا من الدمام ..

وهذا هو عيب امريكا الوحيد فطول المسافه مرهق تاصل هناك وانت ( متحرول )

قبل وصول الى نيويورك بساعه يتم توزيع فورم للجوزات وللجمارك وطيران الامارات يشغلون لك فديو كيفية تعبئة الفورم ..

عند وصولنا للمطار كانت الساعه 2 الظهر وكان في زحمه عند الجوازات لكن ما اخذنا اكثر من ربع ساعه تقريبا ..

سألنا العسكري اللي بالجوزات سبب الزياره قلنا سياحه وعن موقع سكنا في امريكا ..

وكان خوينا مجهز ورقه فيها اسم الفندق ومدة الاقامه فيه في كل مدينه راح نزورها .

بالنسبه للولايات اللي بنزورها كانت ثلاث ولايات اولها ولاية نيويورك في مدينة نيويورك وايضاً ولاية نيفادا في مدينة لاس فيقاس و ولاية كلفورنيا في ثلاث مدن سان ديقو و لوس انجلوس وسان فرانسسكو . عطيناه الورقه شافها ..

بعدها تم اخذ بصماتنا ..

واخيرا قال لنا Enjoy you are in usa

وحنا والله ما جينا الا عشان الانجوي ..

خلصنا من الجمارك بدون تفتيش واجراءات كانت سريعه ...

دخلنا وتوجهنا على طول الى محل at&t للاتصالات اخذنا شرايح جوال تقريبا الشريحه تقريبا 120 دولار مكالمات داخل امريكا مجانا في اي وقت واي شركه كانت مدة شهر مع نت 2 قيقا..

طلعنا من المطار كان الجو بااارد وحنا جايينك لابسين صيفي

اخذنا تاكسي تقريبا ب 60 دولار وتوجهنا الى فندقنا الذي كان في ساحة التايمز سكوير ..

اسم فندقنا
New York Marriott Marquis

هذي صوره للفندق



الفندق موقعه صراحه يستاهل 10 نجوم ... وهو فندق 5 نجوم في تصنيف موقع بوكنق ويستاهل الصراحه فندق راقي ورائع ..

حجزنا كان عباره عن غرفة من سريرين نوم مع اريكة يعني كنبه تتحول الى سرير .. الغرفه صغيره نوعا ما لكن انها مناسبه بنيويورك لانك ما تجيها الا وقت النوم

كلفنا مدة ثلاث ايام اكثر من 3500 ريال .. وجهت نظري سعره مناسب لان نيويورك غااااااااااليه خصوصا بالسكن ..

وصلنا تم اجراءات الشيك ان وعلى الغرفه .. اخذنا شور وبعدها طلعنا تعشينا في مطعم ماكدونالدز لانه كان امام الفندق .. وراح يومنا في التايم سكوير ورجعنا للغرفه واحلى نومه

ذهب يومنا الاول في نيويورك وانتظروني لاكمل لكم باقي تفاصيل الرحله في اقرب فرصه ..

I hope you enjoy

حمد لله على السلامة

بالنسبة للفيزا لأوروبا تختلف من بلد لبلد وهي ليست صعبة وتعتمد على البلد المصدر للفيزا من ناحية قصر أو طول المدة وأغلب الدول الآوروبية لاتحدد 6 شهور كحد أقصى
من واقع تجربة أخر فيزا شنقن حصلت عليها قبل ثلاثة أشهر في شهر يوليو الماضي مدتها سنتين

شكراً لك وننتظر أدق التفاصيل لجولتكم في أمريكا الحرية والجمال المختلفة كلياً عن جميع دول العالم من جميع النواحي

تحياتي

__________________

الله يسلمك اخوي كول :)

والله شي طيب سنتين افضل من ست شهور .. بس يا ريت لو تقولي من سفارة اي دولة قدمت الفيزا لأني ناوي ع الشنغن قريب ..

وشاكرلك مرورك الرائع الذي انور الموضوع وان شاء الله راح اكمل باقي التقرير في القريب العاجل .

هلا أخ عويد

أخذت الفيزا من سفارة فنلندا بالرياض

أعتقد برضه سفارة ايطاليا يعطون من سنة الى سنتين

تحياتي

__________________

تسلم ما قصرت على هالمعلومات ..

الله يسلمك ويجعل الراحه ما تفارق طريقك ...

ولا يهمك ان شاء الله راح اكمل بالقريب العاجل ومع اضافة الصور ..

وشكرا لك على المرور و التعليق الذي انور التقرير ..

اول شي اعتذر عن الاخطاء الاملائية فانا اكتب التقرير دون مراجعه فسامحوني ان حصل تقصير

بداء اليوم الثاني لنا في نيويورك


بعد ما صحينا في الصباح كان الجوو ممطرر وباررد

وبحكم ان ملابسنا اللي جبناها معنا صيفيه تم تدبيل اللبس وراحت الكشخه بس الاهم هو ان لا تمرض ..

نزلنا للاستقبال حق الفندق وسالناهم متى يقفل تمثال الحريه قال يوم الجمعه اخر رحله للجزيره تقريبا الساعه 5 ... اخذنا من عندهم خريطة المترو..

طلعنا من الفندق وكان في محل قدام باب الفندق يبيع مضلات شمسيه شرينا المضلات لان الدنيا مطر وبعدها توجهنا على طول للمترو ..

شرينا تذاكر للمترو .. ودخلنا ننتظر المترو






بالنسبه للمترو صراحه معقد تعقيد يعني لازم تضيع فيه شوي حتى تعرف كيف تستخدمه ..

انا هذي ثالث مره ازور فيها نيويورك ولا حفظت المترو ..

عموما كان حظنا حلو طلعنا بالمسار الصحيح حتى وصلنا عند تمثال الحرية ... لكن ما اكتمل الحظ لان كانت الجزيره اللي فيها تمثال الحريه تحت الصيانه

بعدها توجهنا على اقرب مطعم كان الجوع مؤثر علينا .... بالطريق ما صورت لاني ميت من الجوع والبرد ..

تعشينا عند مطعم قريب من ابراج 11 سبتمبر

طلعنا ثم توجهنا للفندق عن طريق المترو بدلنا ملابسنا لان كانت مبتله من المطر ..

بعدها بداءت الزحمه بالشوارع وبداء الويكند عندهم والشعب من بعد الدوامات مالهم ارض ولا سماء مرفعين

هذي بعض الصور لتايمز سكوير من تصويري







بعدها جانا واحد يوزع كروت قال هذا نايت كلوب فيه اليوم عندنا سبيشل بارتي قلنا احجز لنا طاوله السهره عندكم اليوم

نظرا لزحمه هذاك اليوم ما صورنا كثير عشنا اللحظات ولكن لم نوثقها :(

رحنا سهرنا بعد السهره رجعنا وعلى الفندق واحلى نومه


صحينا في يومنا الثالث

كان يوم مشمس الجو حلو وكل شي احلى من الحلو ..

كالعاده تروشنا بدلنا جهزنا كنا ميتين من الجوع واقرب مطعم لنا هو ماك نغدينا فيه وبعدها تمشينا بالمدينه ورحنا ابل ستور كالعاده

هذي صور منوعه من بعض الطرق والاماكن اللي مرينا عليها ..








قبل غروب الشمس زرنا اطول برج بنيويورك بعد ابراج 11 سبتمبر .. كانت التذكره لشخص 95 دولار اذا ما خانتني الذاكره ..

صوره للبرج من الخارج



صور للبرج من الداخل





هذي كنك راكب هيلوكبيتر يشغلون لك بشاشة البروجيكتر فديو والكراسي تهتز اذا مميل التصوير يعني يعيشونك جو الهيلوكبيتر كانت تجربه رائعه الصراحه ..



هذي صور وقت انشاء البرج يخرب بيتهم ايام تصوير اسود وابيض وهم عندهم ناطحات السحاب !!
















تصوير من اعلى البرج














تصوير وقت الغروب






عند الخروج




صوره من الخارج بعد الغروب





بعد الخروج توجهنا للفندق وكنا متعبين لان من الظهر خرجنا ولم نعد الا وقت العشاء ..

تعشينا وقضينا باقي يومنا في التايمز امام الفندق و ذهبنا لنوم بدري ..

لان ورانا رحله الى لاس فيقاس غداء ..

سوف اكمل بقية التقرير في اقرب فرصه ..

اعذروني على قلة الصور لان تحميل الصور اخذ مني الوقت الكثير ..