فُيَ أُلِمِغّـــرٌبُ كأٌنٌ مٌعٌأُيِأً ,, عِشٌنِــأٌ بِأَلًحّــبً حكـــايه

السلام عليكم والرحمه وبركاته
الجزء السابع
التاريخ : 6/3/2014

كالمعتاد صحينا بدري ,, وخيرونا بتناول الريوق في الغرفة او المطعم...وفضلنا نروح المطعم
المطعم فاضي وخالي ..وكأنه هالقصر بس حقنا..









4 بيضات



الحمدلله والشكر على النعمه..

واحنا طالعين من المطعم



بعد ما خلصنا توجهنا للغرفة..نجهز الشنطه..للاسف بسوي تشيك ان من وقت عشان اسلم السياره
واقدر اسلمها بالوقت المطلوب عشان ما يحسب علي يوم كامل

في طريقنا للريسبشن








اتجهنا للريبسشن لعمل التشيك اوت

معروضات في الريسبشن ممكن شرائها..وبعضها تتواجد بالغرفة








الريسبشن من الداخل











الورد للورد







طبعا حاولت ادفع بالكرديت كارد...وصارت الحركة اللي كنت حاسبه لها الف حساب
قالت لي ما اقدر اسحب من البطاقة..لاحووول
انزين جربي تسحبين على دفعتين...
بعد ما صااار
ما عندي فلوس مغربيه كافيه
والحركة صارت بسبب مبلغ التأمين على السياره
قلت لها احسبي لي كم السعر بالدرهم الاماراتي وبدفع ما عندي الا هالحل
دفعت بحدود 2950 درهم إماراتي ( إقامه,العشا, 2 اتااي)



معطر ريحته روووعه



في توجهنا للبوابه الرئيسيه







يلسات جميله في كل مكان وموزده بمدفأة في حال البرد ممكن تطلب منهم يولعون لكم الحطب









ومثل ما استقبلونا بماي الورد..ودعونا بماي الورد ..
ريحته رووعه..طلبت اشتري منه..وعطوني الغرشة ببلاش ( بدون مقابل)



بوابه القصر



السياره كانت جاهزه ..وحطونا لنا غرشتين ماي..ياسلام على الدلع
اهتمامهم بهذي التفاصيل البسيطه اللي تخليني احب المكان وافكر ارد له مره ثانيه

سالناهم عن طريق اسهل للوصول الى مراكش..وصفولنا الطريج
توكلنا على الله





الى لقاء ثاني









كان بخاطري اركب الدرجات في الصويره بس مافي وقت











للي حاب يشتري شقه او تاون هاوووس..بس ما اعرف شنو نظام التمليك والتسجيل
الاسعار جداً مغريه







السوق البلدي للدياي





قربنا من المطار



تم تسليم السياره..وطلبت منه يلغي مبلغ التأمين عشان اقدر استخدم الكرديت كارد

توجهت للتاكسي الموجودين بالمطار..ولاني اعرف ان الفندق قريب من المطار..
سالته بكم؟؟
قالي 150 درهم..بعد معارك طاحنه وصلت 100 درهم
وايد المشوار حده 20 درهم...التاكسي استغلال



فندقنا يجانب الباشا و 555



وصلنا الفندق
اسمه : Les Jardins del l’agdal
Booking.com: Les Jardins de l'Agdal Hotel & Spa , مراكش, المغرب - 669 آراء النزلاء . احجز فندقك الآن!

سعر الليله 96 يورو شامل الفطور









ندخل



الفندق من الداخل ..اللوبي





رقم غرفتنا



في اتجاهنا للغرفة

المطعم الرئيسي للفندق





الحديقه



غرف تطل على المسبح



باب غرفتنا



الغرفه





منطقة الجلوس



صار لي موقف في هالفندق..يخليني اقيمه تقيم نازل جداً
بعد ما تغذينا في الغرفة..قلنا بنريح شوي استعداد لسهره الليله..
واحنا راقدييين..انفتح الباب..انا نقزت من السرير..صرخت على الشخص اللي فتح الباب وتسكر الباب
طلعت اشوف من اللي فتح الباب..طلعت العامله في الفندق وجاي معاها عامل
قلت لها خير؟؟ اشتبين؟؟
قالت لا بس الليت ( اللمبه) في ممر الغرفة محترقة ونبي نبدلها
نعم!!!!!!!!!!!!!!!!!!!!!!!!!!!!
ما تقدرون تبدلونه قبل ما ندخل الغرفة ونسوي تشيك ان
طلعت شياطيني كلها بوجها
وعلى اي اساس تفتحين الباب بدون ما تدقينه وتنتظرين الاجابه وما تشوفين علامه عدم الازعاج؟؟!!!

تصرف يضايق..ويكسر الثقه بالعاملين في الفندق

طار الرقاد وقررنا ننزل نستكشف الفندق



المسبح من الاعلى وفيه فعاليات مثل تمارين تحت الماء تحت اشراف مدرب..
في مصور يصور الناس حول البركه..وبعدين ممكن يروحون له عند الريسبشن يختارون الصور اللي تعجبهم..يدفعون له وياخذون الصور
في فعاليات كثيره في هالفندق







الفندق وايد كبير..وعامر اتوقع بسبب سعره المنخفض













قررنا نطلع من الفندق ونسكشف ماحوالي الفندق مشياً على الاقدام





مطاعم وفنادق قيد الانشاء





خلال 5 دقائق وصلنا الى المزار مول









شركة الكولا لازم توردنا لنا الكولا ببلاش..دعايه في كل بلد نزوره



في طريق العوده للفندق



الغروب



محاوله لاظهار جبال الاطلس في الصورة





وصلنا الفندق..في احد يعرف شنو مكتوب!!





بعد ما ريحنا .. اتصلت في السواق ..خبرني انه عند الباب
اخذ 200 درهم..احسن من طمع التاكسي





بعد نص ساعه وصلنا

مكان السهره: fogo de chão brazilian churrascaria Marrakech في منطقة النخيل
نوع المطعم: برازيلي







ندخل



اول شي طلبت ايلس على البيست..وبعدين غيرت رايي واخذت طاوله منفصله في الجهه الخلفيه..لضمان شويه من الخصوصيه





المنيو..
وفي نوعين من الاكل..لحوم فقط..او لحوم واسماك
اخترنا لحوم فقط وكان سعر الشخص 350 درهم غير شامل المشروبات ( اكل حتى الاشباع )
طلبنا دايت كولا..وطبعا كل ما يخلص يجيبون واحد جديد بدون مقابل







المقبلات شبعتنا..قبل ما يوصل الاكل الرئيسي







لذيذه..كل ما يخلص الصحن جابو غيره..راح الرجيم







وصل اللحم..جميع انواع اللحوم بتمر عليكم









قلت للجرسون خلاص شبعت واتخمت مافي مكان للاكل
قال خلاص بجيب لك دوا سحري..يهضم الاكل
هو عباره عن اناناس مع جرفة..ما صدقته





وبالفعل هضمت الاكل..وكمل رواند اللحوم
عطونا بطاقتين..الاولى خضرا والثانيه حمرا
اذا مر يمي وشاف البطاقة لونها اخضر ينزل لي اللحم..واذا شافها حمرا خلاص ما يمر على طاولتي

بعد DJ دخلوا المغنين ..غنوا برازيلي مع بعض الاستعراضات











صار موقف نرفزني في المطعم
سحبوا طاوله قدام طاولتي وصرت ما اشوف المسرح او العرض الرئيسي اللي جاين له
فاعترضت وعصبت وخربوا مودي..جاني مدير المطعم وقلت له انا حاجزه طاوله في هالمطعم قبل شهر ونص
واذا ما بعدت هالطاوله من وجههي ما بدفع ولا فلس
سحب البنتين لنص الصاله..
وخبرني الجرسون ان انتي جايه تنبسطين وتدفعين قيمه اكلج..بس هذيله يدورون احد يدفع عنهن!!!
قلت له ومن الأولى اللي عندها فلوس ومتأكدين انها بتدفع ولا وحده تدور واحد يدفع عنها؟؟!!







قبل العرض الرئيسي..غنوا النشيد الوطني للمغرب



وقت العرض كان ممنوع التصوير..طلعوا السيكورتي والبودي جارد من كل مكان..
شباب معضلين..يمنعون الناس من التصوير!!

صوره ابدا مب واضحه..وحصلت لي كلمتين من البودي جارد هههه



العرض كان عادي..توقعته احلى من جذي

حاسبنا..والفاتورة اذا ما خاب ظني 900 درهم لشخصين

طلعنا لان المكان بعض العرض تحول لديسكوو





طلعونا من الباب الخلفي





الجووو مثلج باااااااااااااارد













السواق كان بانتظارنا..


اتمنى هالجزء عجبكم