المارينا والأسعار المتفاوتة ،،،

هذي الرساله من حسن اللي شغال في مكتب محمد عاطي ارسلها في احد المواضيع في المنتدى بعد مارفعو الاسعار والاعضاء زعلو وطلبو المقاطعه للمارينا بسبب رفع الاسعار

-------------------------------------------------------------------------------







سلام الله عليكم بالخير واليمن والبركات أخي الكريم.

أتمنى أن تكون في صحة وعافية.

بالنسبة للأسعار في رويال أطلس خمس نجوم.

غرفة لشخصين 1507 درهم مع الضريبة .


المارينا : غرفة ومطبخ وحمام تكرم 1450درهم

غرفة وصالة وحمامين ومطبخ وبلكونة 1947درهم

شقة غرفتين وصالة وحمامين ومطبخ وبلكونة 3260

ويستحسن أن تراسلني على الواتساب حتى ارسل لك كل التوضيح.

. تحياتي لكم أخي المحترم[/QUOTE]



وهذي رساله على الخاص اليوم فيه زياده في الاسعار اللي اعلونها بعد مارتفعت الاسعار ورجعوا نزلوها

مثلا قالو الغرفه١٣٠٠ درهم
وبالخاص يرسل ١٤٥٠ درهم




وهذا رد العضو يالحبيب قبل اسبوع



هذا مو اسلوب ولا طريقة تعامل مع الاعضاء

اسعار مبالغ فيها
اللي بيقدر يدفع يروح لها واللي مايقدر يشوف الفنادق اللي اقل
ولاتقول مقاطعة ولاشي كل واحد بكيفه المثل يقول ( الحجر من الارض والدم من راسه)
لو كل واحد عاش في اغادير بواقعية صدقوني تنزل الاسعار غصب
ومن غير المعقول ان تكون ميزانية السكن اكثر من 30% من تكاليف الرحلة

نصيحه اخ

فك نفسك من مكاتب السياحه واحجز انت بنفسك من الفندق مبااااشره تضمن سكنك وباسعار اقل ومضمونه

كثرت الايام هذي مشاكل المكاتب مره يقولون السعر شامل الضريبه ومره يقولوا بدون ضريبه



الباب اللي يجيك منه ريح سده واستريح

فعلا سده واستريح بس لو يسدوونه بعد هنا بالمنتدى كاااان ياسلام

ننتظر التوضيح من الاخ محمد عاطي...هذا أولا

ثانياً...اخي الكريم بالمنسبة لموضوع المقاطاعات وغيرها ...للاسف أغلب الشباب يجي هنا ويطالب بالمقاطعه

واللي يقول لك ابشر ...وانا اول واحد...ومن هالكلام والحماس...وبالاخير تلقى نفس هالشخص اللي

جالس يطالب بمقاطعه تلقاه تاكي ومنزل الموضوع من الفندق! واللي يكتبون ردود ويتحمسون اذا جت سفرته

راح لنفس الفندق اللي جالس يسبه!

انا اقول لك هالكلام ماقصدك انت لشخصك طبعا...بس اقول لك من واقع مرينا فيه عبر هذي السنين بالمنتدى..

تجيك ناس تطالب بمقطاعات وتعديلات وبالاخير تتفاجى انها ساكنه بنفس المكان اللي جالسه تسبة!

سوالي هو...

هل القطو يحب خناقة؟!

هل اللي يكتب المقاطعه هدفه تنحيش العالم من السكن علشان يحلى له الجو لحاله؟

هل فعلا صاحب هذي المطالبات يلتزم امام الله وامام نفسه بانه ماراح يروح لهذا السكن مره اخرى حتى يتعدل الحال؟

انا ماقول لك انك مجبور تسكن لديهم بهذي الاثمان والاسعار...لكن انت ابحث عن بديل مناسب...

وياليت وقتها اذا حصلت انك تجي وتفيد اخوانك المزاعيط..

واخيرا ...أخي الكريم حنا كل مجهودنا كادراه نحاول تسهيل السبل لكم ومساعدتكم بايجاد بدائل وخيارات في السكن والمواصلات

ولو جلسنا على مواضيع المقاطاعات عزيزي ...ماعاد بقى سكن بالمغرب

بانتظار الاخ محمد عاطي للرد بخصوص ماورد

__________________
إدارة منتديات مزاعيط المغرب

اول شي اشكر اللي ردو وانت يالبرنس معاهم بس تعال ابيك بوضح لك بعض الاشياء

انا عن نفسي كنت راضي باسعار المارينا قبل بداية شهر 5 اللي هي ١٣٠٠ بس لما رفع الاسعار الكل طالب بالمقاطعه وانا اولهم بس بعدين رجعو قالوا نزلنا الاسعار ورجعناها زي ماكانت يعني بالنسبه لي (((((((((راح السبب اللي كان يشجعني على المقاطعه وراضي ب ١٣٠٠))))))))

السبب اني نزلت هذا الموضوع ياخي ماهي حلوه منهم يستخفون فينا يقولون ع العام الاسعار نزلت وتجي تراسلهم يرفعون عن السعر المعلن ليه طيب كذا علما انهم ماحددو الاسعار بتواريخ معينه ولا عشان فيه حملات بمراكش على كلام الاعضاء استغلو الوضع

بعدين المارينا بالذات ياخي الكل يبغاه لعدة اسباب ماهو عشان سواد عيونهم عشان موقعه والخدمات اللي حوله والمرووووووووووونه في دخول الضيوف باي وقت فقط وهذي هي الاسباب اللي الاغلبيه اتوقع يرضى فيهم عشانها

احنا لما نروح بعضنا اقامته في اغادير خمس ايام وسته وحولها فتلقانا مانبي نضيع وقت فالبحث لان مافيه وقت اصلا ف (((مجبر اخاك لا بطل))) بعدين متى بندور سهر لساعه ٧ او ٨ الصباح ونوم لساعه ٥ وحولها وتنزل تبي تلحق كافيهات واكل وجمعة شباب صدقني مافيه وقت لنا عشان كذا تروح ع المضمون

ياحلوين حفظكم الله المارينا وغيره من الفنادق مؤسسات تجاريه همها الربح أولا وآخرا وجميع الفنادق تجدها في فترة الذروه ترفع الأسعار وفي فترة الكساد وقلة السياح تخفض الأجار وهذا مبدأ تجاري صحيح لمن يتاجر لكن دائماً الزبون والسائح وانا منكم لانريد الاسعار أن ترتفع وبصراحه خياراتنا كثيره في جميع المدن ولكن أجد اغلب اللي يروح اكادير لايكاد يجرب غير الفنادق المذكوره في تقارير الاعضاء الذين سبقوه ياخي إكتشف واسأل أهل البلد وجرب فمستحيل أن اكادير لايوجد بها سوى المارينا وأطلس وصحاري ومراكش مستحيل انه لايوجد بها سوى القاردن والنخيل مع إحترامي لهم كمعلنين في المنتدى
وزبدة الكلام السائح والزائر هو من يحدد خياراته ومايناسب قدراته أتمنى أن تتقبلوا وجهة نظري بصدر رحب ودمتم سالمين

السلام عليكم ورحمة الله...
حياكم الله شباب،احب ان أخبركم أن المارينا أعلنت عن الأسعار لشهر ٨، وهي كالتالي :

شقق اطلس المارينا. اغادير .من تاريخ
30/07/2014الى30/09/2014
............................................
غرفة ومطبخ وحمام تكرم1657درهم مع الضريبة.
.......... ...................................
غرفة( ديلكس) فيها جلسة داخل الغرفة ومطبخ وحمام1757 درهم مع الرسوم
................................................
سويت غرفة وصالة وحمامين ومطبخ وبلكونةدرهم.2207مع الضريبة
................................................
شقة غرفتين وصالة وحمامين ومطبخ وبلكونة 3514درهم. مع الضريبة.
................................................
علما ان كل الغرف مطلة على البحر مباشرة.

تقبلو مروري وشكراً