محدثكم من قلب قصر النخيل

السلام عليكم

كيف حالكم ياحلوين شنو مسوين

صار لي ٥ ايام في ارض المغريب الحبيبه ومن هذا المنبر احب اشكر كل الأعضاء على معلوماتهم المفيده والزوينه بالزاف

وأحب أرد شيء بسيط من جميلكم علي ايه استفسار انا حاضر وراح انزل تقرير في الأيام الجايه لاكن الوضع مايسمح حاليا هههه

الحين برد على أسألتكم واي شيء تبونه من مراكش ابشرو فيه ياحباني ❤️

كنحبكم بالززززاف

استمتع بوقتك بالمغرب الحبيب حتى الوضع يسمح هههههه... وبعدها لاتنسانا بالتقرير الواعر.. رحلة سعيدة حبيبنا تركي

فلها وترجع بالسلامه
نبغا منك علوم الديره

الله يديم عليك السعادة والفلة

وعيش جوك وننتظر تقريرك

يا رب تستانس ورحله موفقه

اخي تركي بكم أسعار الفيلا في النخيل الدرقاوي 3 غرف
وكم سعر الصرف الأيام هذه
ولك شكري وتقديري

مرحبا الورد،،،
بس بغيت أعقب على قصر النخيل،، اذا هو اللي جنب مكتب الدرقاوي،،
أنا كنت بمراكش من ١٠ ايام تقريبا،،
لاحظت ان الخدمة عندهم مو حلوة، واللي يشتغلون بطيئين واذا مابخششتهم ماتلاقي خدمة تسرك وحتى راعي النار( الولعه) اذا ماتعطيه مايخدمك ولايمرك الا من اتنتدي عليهم!!
والأسعار وايد مبالغ فيها،، استغلال عيني عينك،،
كل الاوقات الاسعار هي هي ماتتغير،، بالديوان اذا اتروح عندهم العصرية او اي وقت قبل المساء، الاسعار تختلف عن وقت السهر لكن قصر النخيل غير، عندهم الخليجي شرات البقرة الحلوب!!!
اتصدق براد أتاي ب ١٠٠ درهم!! وحجم البراد مثل كاس الاتاي، يعني بوشربة وحدة،،، والاتاي صفر مايسوى،،،

اهلين اخوي اسمع النخيل٣ مايمدحونه ناس كثير فأنصحك تنحاش للبوابات حقت الدرقاوي

سعر الصرف صرفت اول يوم من المطار بسعر2.60 وقبل يومين صرفت من عند بوابه 10 بسعر 2.53

صادق اخوي عندهم اي مشروب لو بطل مويه بميه درهم والشيشه سعرها معروف ب١٥٠ درهم اما عن الاستغلال والنصب اسألني عنهم تشوف انواع الاستغلال

مكان استغلالي وقذر ، فيه محلات غيره للشيشة أو كوفيات أفضل في مراكش..