اقتباس:
المشاركة الأصلية كتبت بواسطة yabora
اهلا يا اخوان - والله انا جدا مستغرب من وصف المارينا بهذه الطريقة وموافقة الكثيرين على هذا الوصف واحترم رايهم. انا سكنت في المارينا ديسمبر 2014 مدة اسبوعين وما شفت اي شي من هالكلام مو لهذي الدرجة - احنا كنا ثلاثه شباب واخذنا 3 سويتات غرفة وصالة كلهم جنب بعض في المبنى الثالث وانت جاي من الرسبشن والدور هو الدور الثاني - كنت والله ابي اقتنص احلى وحده فيهم وبصراحه ما عرفت اي وحده اختار - كلهم حلوين ونظاف ويلققون - صديقي موسوس وحريص وقال شييك على كل الحاجات اللي في المطبخ وتاكد انها تشتغل - الحنفية المايكرويف الثلاجه الفرن والقدور والصحون والملاعق كلها كانت تمام - حتى الحمامات الله يعزكم شيكنا على سيفوناتها وكانت تمام و كانت هناك لمبات ما تشتغل وغيروهن في الحال - الاثاث ما كان جديد بقراطيسه بس كان اوكيه الشقق نظيفه - ولا شفت نمله ولا صرصور ولا قوارض ولا زبايل مرمية ولا ريحة خياس- شيكنا على الاستريو انا كان حظي زين اللي عندي شغال والشقتين الثانيات كان خربان بس ربعي ما يهمهم الاستريو اصلا - السيْ فعلا التلفزيون صراحه 7 قنوات ومشووشه بعد تقول كانك في الثمانينات صراحة هذي ما تلقاها في فندق ابو نجمة - غرفة النوم كانت نظيفه وفرش السرير نظيف - وخصوصا هذي انا ادقق فيها جدا - فرش السرير حلو نظيف جدا وراقي - كل شقة فيها حمامين جنب بعض مدري وش الفكرة كلهن نظاف - خدمة الغرف سيئة جدا طلبت مرة جاني بعد 3 ساعات وبعد 15 تلفون وشكوى بس كان تالي الليل ويالله جابو الطلب - يعني اقول لك لا تطلب شي احسن لك جب اغراضك معك من برا وعندك ثلاجتك ومايكروفيك وفرنك وعيش وضعك - السعر كان جيد والمدير الاستاذ ياسر تعامله كان راقي جدا ومحترم ويقبل النقد ... اعيد استغرابي من استياء الاخوان ما ادري يمكن عمارة تفرق عن عمارة والا حظنا في الشقق زين - ونسيت اقول بعد تنظيف الغرف كل يوم بتنين مع بعض يجون ينظفون احسن تنظيف واكرامية من عندك يستاهلن. ادخل على موقع التريب ادفايزر tripadvisor وشوف تقييم الاجانب الحديثه للمارينا كلهم يقولون فري كليين ... وعموما انا حبيت انقل لكم انطباعي الخاص بتجرد من خلال تجربتي وكذلك زملائي في الرحله ما احد منهم اشتكى من شي الا التلفزيون او لمبات خربانه - وبعد جرس الباب عندي ما يرن وصللحوه. فيها عيوب بس الانطباع العام جيد (حلوه المارينا) .
الله يعطيك العافيه رغم مشاركتك الاولي
وتسجيلك جديد وحامي ومدافع بشراسه
وهذا شي يحق لك بل بالعكس نستفييد منك فديت خشمك مكن تقصد قسم الاجانب حنا نقصذد
العماير اللي جنب سكاي وبالنسبه للسكن انا من سكان المارينا من فتره بس الوضع للاسوأ يا اخي ما في اهتمام يالشقق الاربعه الل جنب سكاي بالعربي شقق الخليجيين وعلي فكره انت ذكرت الاجانب والاجانب ما يسكنوا بالعماير اللي فيها خليجيين
عموما شاكر لك لمشاركتنا بالموضوع ودمتم سالميين