تقرير رحلتي مابين كازا ومراكش

مشاء الله عليك لو انا مكانك ما اعتقد أسوي ١٪من الي سويته لأَنِّي زرت مراكش مره وحده بس امشي على المثل ياغريب كون أديب وياريت نتعرف عليك اكثر ولو في الإمكان نتعرف على صاحب التكسي الي معك عشان السفره الجايه

فالك التوفيق

ابو الامجاد ارفع لك القعبه تمجيدا لاآسلوب وصياغة تقريرك الرائع ..

وعلى طاري الشنطه ابشرك جتني شنطه مدري كم تمشي في سوق حجاب الوكاد اني اول مره واخر مره ✌

أسعد الله أوقات الجميع بكل خير
الحمد لله على السلامة يا صياد يا واعررررر . تقرير رائع وهذا الشي غير مستغرب من شخص مثلك . استمر ولا توقف ولا تتطول على المزاعيط . بالرغم اني كنت متابع معاك الرحلة خطوة بخطوة ولكن اسلوبك في الكتابة شوقني اني اسمع منك من أول وجديد ولا يمنع اذا قابلتك تعيد ليه مغامراتك بالتفصيل الممل وابشر الشاهي والقهوة على حسابي

تسلمون جميعا يا مزاعيط ويشرفني والله متابعتكم ..
اما انت يا صديقي الواعر لك وضع اخر
وصدقني ان الرحلة كان ناقصها وجودك معي وكله بفضل توجيهاتك طال عمرك

يقول خالد عبد الرحمن

وان قلت قلبي زاد بالعشق فنه
أهيم صدق هيام قلبي دفعني
واليا خفق قلبي مع الخفق ونه
إن ساقني والا ترى ماردعني

يعني انت ما يردعك الا الشنط اللي بالسعودية ههههههههههه
واصل يا بعدهم ويا زين سوالف الطوير

__________________
أسافر عنه من ديره لديره
عساي اسلاه لكن ما حصلي

أهوجس فيه وأنسى إني نسيته
وأفكر في ليالي(ن) قد مضن لي

أبو الأمجاد تكفي رقم السواق
الله يرحمه والديك.

ياسلام عليك يابو الامجاد انت وحداني ومسوي قروب وناسة وعايش جوك .. خفة الدم المنظبطه زادت تقريرك حلاوة على بساطت الاسلوب والطرح ...
اذا فيه امكانية رقم السواق على الخاص .. اكون لك من الشاكرين
تقبل تحياتي ومروري

__________________
قلت اسقني من ذبل مرهفاتي عسى طيور القلب تركد عن الحوم

ابو الامجاد رقم السواق بالله

مرحبا بالمزاعيط :: انا اشكر جميع من تابعني ويشرفني الجمييع
الحلقة الخامسة :: بعد قضاء كم يوم بمراكش الحمراء كنت طبعا من اهم الخطط اللي حاطها في بالي
(( اوريكا )) والكل عارفها منطقة جبلية بالقرب من مراكش تتميز بطبيعتها الخلابة وانا من جيت وانا مزعج السواق يوديني اوريكا .. وطبعا هذي الايام كانت تمطر على مراكش وهو وقت غير مناسب لزيلرة اوريكا والأجواء كانت روعة والله العظيم الجو وقتها ما ينوصف من جد هواء عليل ورشة مطر في اغلب الاوقات وتذكرت وقتها اخوياني بالدمام حر ورطوبة حتى الاشبااااع واللي مستغرب منه اهل مراكش زعلانين يقولون حر ما ينطاق ههههه قلت : تعالوا عندنا شوفو الحر على اصوله ....قمت من النوم عالعصرية كنت جالس بالشقة وجالس افكر وين ارروح وين ارروح ويجي في بالي حمام مغربي وتذكرت انه بجنبنا حمام مغربي شعبي وهذا اللي ابيه لني جربت اول ماجيت لمراكش حمام مغربي بس من نوع اخر اكيد انتو فاهميني ولا عجبني بصراحة
وقلت لغزالي جهزي لنا اكلة طيبة على ما اسوي الحمام واجيك ...وانزل وكان قريب جدا عن سكنا بينا وبينه عمارتين .. وادخل للحمام وأسأل : كم : قال : 12 درهم وانفجع من المبلغ قال : اذا تبغى صابون وليفة وشامبو وفوطة تطلع عليك :30 درهم وسالته قلت له فيه احد يغسلني : قال : فيه وعطه من عندك اللي يجي قلت اوك ..
وادخل : بأسم الله ويجيني ذاك الشايب الطاعن في السن قلت بس هذا هو المطلوب .. الخبرة واحلا ما فيه يشتغل وهو ساكت ما يبربر هههه ويقولي : خذ طولك يالدب وانبطح ارضا ويبدأ يفرك يفرك يفرك
وطلع مني وسخ 30 سنة ههههه وتوصى فيني وانا زهقت كل شوي اقوله خلاص ويعطيني نظرة ههه يعني لا اصبر لين حسيت انه بغى يقشع جلدي ههههه ويروشني واقوم اتنشف والبس ملابسي بصراحة عجبني شغله حسيت براحة ونشاط واكرمه ب 100 درهم يستاهل طلع الاجمالي كله 130 درهم يابلااااش وحمام مغربي صح
وارجع للشقة عند غزالي ونتغدى وما زلت افكر وش البرنامج لهذا اليوم وانتو مثل ما تعرفون اني ما احب الجلسة ولازم ابرم في مراكش وقررت اني اطلع اتمشى شوي وغزالي بيروح الصالون وبالليل اتفقنا على الطلعة الكبيرة المنتظرة (( علي بن فلاح )) ولفيت كالعادة في اماكن الصيد المعروفة ستار بكس وايليت وغيرها وما زال السواق مستغرب يقول : يأاخي وش بتسوي بالطيور اللي علقتهم ههههه
لأن بصراحة جوالي ما يسكت من كثر الإزعاج يا تلفون يا واتس ههههه مجرم
حتى غزالي لاحظت وساكته المسكينه هههه قلت لهم بيجي وقتهم
ورجعنا على الساعة 9 مساءا نريح وتستعد للانطلاق لــ ( علي بن فلاح ) وكان الموعد على الساعة 11
ويجينا السواق وحنا جاهزين ونطلع وكان موقعه خارج مراكش على طريق اوريكا
( علي بن فلاح ) مطعم ومتحف يقدم عروض وعشا على كيف كيفك واللي مايزوره .. ما كنه راح مراكش على قولة صديقي الواعر - ابن بطوطة -
وصلنا عند البوابة ودفعنا اظن 450 درهم لكل شخص شامله العروض والعشا وكل شي
دخلنا اول شي وجدنا متحف تراثي فيه كنز علي بابا هههه وحصلنا ايضا اشياء اثرية جميلة تستحق الزيارة
وتدخل شوي وتشوف القصر ... من جد قصر خرافي - تستمتع وانت تطالع فيه طبعا احلا شي ان غزالي معي وهذا اللي خلاني استمتع اكثر بالطلعة .. ودخلنا متجهين للساحة وتمر على فرق شعبية كل فرقة تمثل لون فلكلوري من تراث المغرب
وجلسنا عالطاولة اللي محجوزة لنا ويقدمون لك مشروبات وبعدها يجيك لحم الحنيذ امممم بصراحة انا ما قدت اكلت لحم بهذي اللذه وبعدها طاجن الكسكس وانت تاكل تمر عليك الفرق الشعبية وتغني لك وانت بكيفك تعطيها مبلغ بسيط ولا عادي ... ويجيك بعد كذا صحن الفواكه والعروض مستمرة ,, بعد كذا قمنا وجلسنا في ساحة العروض .. وبدأ العرض وكان خيالي وهو عبارة عن استعراض للخيول على الطريق المغربية .. واحلا شي عرض الخيل اللي مع ضرب البارود هههههه يا رجل كنت جالس بالامام وطيرو قلوبنا من ضرب البارود هههههه
وبعدها ركبت انا وغزالي العربة وخذينا فرة .. كان يوووم رائع والله من ااجمل الأيام اللي مرت علي بمراكش استمتعنا فيه بكل معنى الكلمة ,,
اذا جيت مراكش .. ( علي بن فلاح ) يستحق الزيارة .. تحياتي لكم