وحداني للمغرب

وكيف الجو والطبيعه والسهرات فيها
ووين طريقه من كازا وكم تبعد عن كازا
ادري كثرت عليك الا سئله بس اللي شجعني علي كثرة الاسئله تجاوبك ومحبة خدمة اخوانك في هذا المنتدي
وشكرا لك مقدما...

مرحبا ..

افضل وسيله للنقل إلى السعيديه ..

تنزل مطار كازا .. وتحجز على مدينة.. وجده..
ومن مطار.. وجده .. تكري طونومبيل وتشد الطريق السعيديه حدا وجده ي زيين ..

وأبو صلاح .. خير من يحدثنا عن أفضل وسيله

تحياتي ..

ماقصر سكوير عطاك العلم.
بالنسبة لنا اخذنا سيارتتا من كازا وعلى السعيدية وكانت رحلة متعبه8ساعات لكن حدث فيها توقفات وتمشية.
السهرات احسنها بالمارينا المنطقة السياحية للسعيدية والسهرات قريبه من بعض.
مقاهي ومطاعم على البحر..شواطيء نضيفة وجميلة.
المدينه لاتقارن بمدن المغرب السياحية الكبرى(مراكش واكادير وطنجة)
لكنها خيار جيد لمن صابة الملل وحب التغيير)مثل حالتنا.
المدينه تتوفر فيها شقق وفلل وفنادق .
عندهم حركة عجيبة بعض الشي اي واحد تشوفه يقرقش بمفاتيح على الشارع ترى عندة شقق للايجار وقف واسأله والغريب قدام الشرطه ولااحد يكلمهم في كل مكان تلقاهم.
لو كنت جديد على المغرب فماانصحك بالسعيدية الا اذا رحت مراكش واكادير وطنجة وبعدها ممكن تزور السعيدية.
هذا والله اعلم وتحياتي لك

لا افكر استاجر سياره


واشكرك اخي علي التجواب

اووف ثمان ساعات
لا والله ماعمري طبيت المغرب
بس حسيت ان اقادير ومراكش مستهلكات سياحيا من الخليجين
ويوم شفتك تكلمت عنه مابه احد من ربعنا جازتلي
بس ماش يليله تفكير توقعت طريقه من شمال او قريبه من طنجه

طيب كم تبعد عن طنجه

لان افكر اخلي الرحله سياحيه كل يوم بمدينه حتي اصل طنجه [ طبعا النيه تمشيه حتي شماليه ]
يعني ليله كازا ثم الرباط ليه ثم اتوجه شمال وامر علي فاس ومكناس وشفشاون وتطوان ومارتيل
طبعا ماعندي فكره كم المسافات بين هذي المدن او كم تبعد عن بعض
لان بحثت بالمنتدي لكن المعلومات عن هذه المدن شحيحه

اتمني منكم تعطوني رايكم في تخطيطي واذا عندكم معلومات تفيدوني فيها ياليت
اكون لكم شاكر ومقدر

انا عن جدولي راح يكون من الشمال " طنجة - مكناس - افران - فاس - شفشاون - مراكش - اغادير " لان الشمال فيه هدوء وأجواء رايقة يعني تروح تروق وبعدها تنزل ع مراكش واغادير وتختمها ختمه واااااعرة

تبعد عن طنجة 7ساعات..
باقي المسافات ماعندب العلم اليقين لكن شف وانا اخوك قوقل ماب واكتب اي مدينه ويعطيك المسافه كم ومدتها المتوقعه بعد .
اعذرني مااقدر اجاوبك بسرعه.
لكن نصيحتي لك خل سفرتك الاولى بمراكش ومراكش فيها مايتشاف والمناطق اللي حولها روعه مثل سيتي فاطمة واوريكا ومولاي ابراهيم الخ.
سفرتك الاولى انصحك بمراكش وانت صاحب القرار
سالفة يوم وتعدي مايمديك تشوف المدينه الا اذا كنت هاوي اثار ومتاحف وراعي كشته هذا موضوع ثاني
رحلة موفقة حبيبي
فمان الله

انا في اكادير ههههه

صباح الخير
حكاية انك تتنقل صعب لان وين ما نزلت بترتاح وتستانس ومكانك سر
اذا توفرت لك كل الامور وكان المزاج رايق
انا ارى مالك الا اما طنجه او مراكش
وتقدر تمر على الاقسام وتسوي لك برنامج خاص
تحياتي

متشرفين