شوف وأنا اخوك اعطيك الزبده انا جربت الثنتين لوحدي ومع مجموعه
السفر لوحدك راح تصرف كثير وصرف غير طبيعي وراح تمل لوحدك يعني ممكن اول السفريه تكون مبسوط لكن بعد كم يوم راح تمل لأنه نفس الروتين وحتى لو معك طيرك برضه راح تمل لانه نفس الجدول ونفس السستم
المجموعه راح تنبسط وركز على هالنقطه ان الشباب اللي بيسافرو معك تعرفهم وتعرف نظامهم ويكونو كفو وراعين وناسه وطقطقه وفله بكذا اضمن لك لو تجلسو شهر ماراح تمل
يعني بالمختصر اذا كنت تعرفهم وواثق فيهم روح وانبسط اما اذا كنت ماأنت واثق فيهم او مزاجهم يختلف عن مزاجك فسافر وحدك ولاتزيد عن 10 أيام لانك بتمل وتطفش