اول سفرة و أحلى 11 يوم كانت بالمغرب

mak90

مزعوط قدير

المشاركات: 218

تاريخ التسجيل: Jan 2016

2016-02-21, 12:26 AM

المشاركه #1

اول سفرة و أحلى 11 يوم كانت بالمغرب

بسم الله الرحمن الرحيم

هذا تقرير مختصر عن سفرتي اللتي لاتنسى الى المغرب وفي البداية حاب اشكر اعضاء المنتدى على وقفاتهم معي واللي جاوبوا على كل استفساراتي ومن كثر ماستفدت من المعلومات اللي في المنتدى كل اللي قابلتهم هناك يقولون مستحيل انك اول مرة تجي هنا شكلك خبرة بالبلد ههههه قلت البركة في المزاعيط الله يخليهم لنا مزعوط مزعوط .

طبعاً جدول الرحلة كان كازا يومين ومراكش كم يوم وكنا ناوين نروح اغادير وانسحب عليها كملنا كل الأيام بمراكش وتحسفنا على اليومين اللي ضاعت في كازا.

كازا:
وصلنا وركبنا القطار وتوجهنا لكازا بورت ومن كازا بورت خذنا تاكسي للهوتيل.....اول يومين بكازا قضيناها بفندق فال دي انفا وكان النظام نصحى بدري ونفطر ونشيش لا سهر ولا شي رحنا وناسه وشفنا الوضع ماعجبنا المحل كتمه والجو يوحي بأنه دبكات وجو تنقيط وقضيناها حمام مغربي ومساج بالفندق وبين الكفيهات اللي في عين ذياب وموروكو مول بس صراحة المنطقة جميلة وحقت روقان والحمد لله كنا نطلع نمشي اخر الليل والشوارع فاضيه وماتعرضنا لشيء ومافي شي عكر صفونا.

مراكش:
اليوم الثاني توجهنا لمراكش وطبعاً رحنا بالقطار درجة اولى من محطة ماني متأكد الأسم صح ولا لا اظن اسمها كازا ديجافو وحنا 2 كلفنا تقريباً 164درهم ماني متذكر والله تزيد او تنقص المهم وصلنا مراكش خلال 3 ساعات ونص وطبعاً الشي اللي ندمت عليه اللي ما استأجرت سيارة في الرحلة ذي لكن الجايات ان شاء الله....طبعأ توجهنا للروز قاردن بتاكسي بعد المكاسرة ب 150درهم ووصلنا لقيت الأخ اللي يلبس نظارة بالأسقبال اسمه رشيد اتوقع رجل محترم جداً واستقباله راقي وضيفونا اتاي مغربي عبال مايزبطون امور التشك ان وودونا فله غرفتين ماعجبتني صغيرة والمطبخ خارجي المهم تهاوشنا شوي وسألت عن ابو ادم قالت لي البنت هذا هو بتلاقيه جالس في الزاويه على طاولة صغيره ورحت وسلمت عليه رجل محترم وفي قمة التواضع وقام معي وشيك على السستم ووضع الفلل وقالي مالك الا شي يرضيك وغير لنا الفله لوحده احسن واكبر وانظف وطبعاً المنتجع كان عامر بالزاف وجداً عجبني الروز من ناحية الأمان واحترام الطاقم اللي يعمل بالمنتجع ماحد يحاكيك ولا يقولك وش جوك ومانسى الأخت نزهة الله يوفقها اللي مسؤولة عن الهاوس كيبنق هناك ماخلت علينا قاصر كانت تأمن لنا كل اللي نحتاجه بأتصال مخلصه في عملها عسى الله يرزقها ويوفقها بس اللي قهرني بالروز اسعارهم في كل شي غاليه الأكل وكل شي واسعار البقالة اللي قدام الباب....طبعاً طلعنا كم يوم برا المنتجع اللي هو اول يوم رحنا جيليز تكينا بماك اللي هناك وتفرجنا بالعالم وجانا السواق ورجعنا المنتجع وسهرنا بالمرقص حق الروز وكان جوه حلو بس لك عليه شوي المكان صغير.....اليوم اللي بعده رحنا كارفور قضينا الأغراض كل شي عندهم كويس حتى اللحم روعه وطازج واسعاره رخيصه بعدها بالليل نزلنا جيليز وتعشينا بالمجلس الخليجي اسعاره ناااار واكله مو ذاك الزود الله يكرم النعمه بس اول مره واخر مره اروحه بعدها توجهنا لستاربكس وتقهوينا فيه بس فيه بعض التصرفات من اخواننا ترفع الضغط يجي يكلم الصالح والطالح يحسب الدنيا سايبه لدرجة ان واحد من ربعنا جا يبي يرقم وحده ومعها رجل مغربي جالس وقام بيتهاوش معه هههههه بعض العرب لو يقعدون بأم رقيبه اصرف لهم...رجعنا للفله ريحنا شوي وضبطنا امورنا وتوجهنا للتربل فايف (555) وجوه كان روعه وعااااامر والتعامل روعه ويمكن عجبني لأني احب الجو الغربي...وثاني يوم سهرنا بالفله وتطورت السهرة من الفله الى الكلوب اللي بالروز ومن السهرة طلعنا وكان الجو روعه ومطر وتزحلقت هههههه بس ربي ستر التفاف بسيط وام ايمن الله يوفقها الطباخه ضبطت رجولي بزيت الزيتون وسوت لها مساج لين فكت...اليوم اللي بعده رحنا الديوان وبصراحة ماعجبني وتعامل الموظفين سيء جدا وكتمه وجو شيبان طلعنا على طول وتوجهنا للفاير وماكان فيه غير كم طاوله وحنا لكن السهرة حلوه وانبسطنا ورجعنا الفله وكملنا الأفتر بارتي وكان كل شي مزيان.....اليوم اللي بعده واللي هو اخر يوم رحنا تعشينا بالفدركرز ومن هناك توجهنا للدبليو كلوب ( W club)....والمكان كاااان عااااامر عاااامر بالزاف وجو الدي جي رووووعه صراحة افضل كلوب بعد التربل فايف ويقولون انه بدا يضرب سوق الكاش اللي ماطرا لي اروحه....طبعاً هذا مختصر الرحله وسوري لو كنت ثقيل بالوصف شوي بس قلت بعيشكم الجو ولا احد يلومني باقي منزعط وقاعد ارتب للرحلة الجاية من الحين.

ملاحظات:
تبي التاكسي ماينصب عليك لاتاخذ تاكسي من الشارع ولا اللي قدام الروز دق اطلب على رقم الشركة تبع التاكسي معروفه عندهم هناك يجيك في اي مكان وتكلم انجليزي المشوار اللي كان ب 300 ناخذه بـ 100درهم وكل هذا ليه اتكلم معهم انجليزي ولا حرف عربي ولايخطر في بالك تقولهم انك سعودي قولهم مكسيكي ولا اي شي اهم شي خارج عمرك وينزل يفتح لك الباب بعد ويحترمك...وتعود في اي مكان لو لغتك كويسة وخويك بعد لاتهرج غير انجليزي هذي انقذتني من مواقف كثير هناك.

وحاب انوه ان في بعض الأخوان هنا يبالغون بالأمور لدرجة اني قبل اروح بغيت اكنسل الرحلة اللي يقول نصب والميزانية ماتكفي...حاب اقولهم اني من يوم طبيت المطار الين اخر يوم طلعت ماحد قالي شي واحترام وابتسامة وتعامل طيب ولا بخشيش ولا شي ماعطي الا اللي انا ابي وبرضاي ومن غير مايطلب...لكن انا عرفت اللي يستغلونهم ومع احترامي للجميع اللي جوهم التنقيط والشيلات وشماغ وثوب ولبس مو مرتب ومعروف المثل عامل الناس كما تحب ان يعاملوك...وموقف قهرني واحد جنبي بالطيارة وحنا باقي ماوصلنا يقول لخويه حط 100 درهم بكل جواز لازم بخشيش ولا مايدخلونا ههههههههههه ....الحمد لله والشكر.

عموماً هذا مختصر الرحلة وفي تفاصيل اكثر محتفظ فيها لنفسي لأن احس ان صعب الواحد يتكلم بالأمور ذي هنا لكن انا اشهد ان اللي ماسافر المغرب ماعمره سافر على كثر البلدان اللي زرتها ورحت بس مارتحت ببلد كثر مارتحت في المغرب

عين دار

اول سفرة و أحلى 11 يوم كانت بالمغرب

المشاركات: 5,293

تاريخ التسجيل: Jul 2014

2016-02-21, 12:37 AM

المشاركه #2

الحمدلله ع السلامه
تبقئ شي واحد السياره لو كنت مأجر سياره وتسوق بنفسك راح تحس بالمتعه الحقيقيه

القادم افضل

جداااوي

مزعوط فضي

المشاركات: 880

تاريخ التسجيل: Jan 2016

2016-02-21, 12:47 AM

المشاركه #3

الحمدلله على السلامة

M.o.u.s.a.

مزعوط مميز

المشاركات: 440

تاريخ التسجيل: Mar 2014

الدولة: riyadh

2016-02-21, 01:06 AM

المشاركه #4

الحمدلله على السلامة
وزي ماقال اخونا سهم المنايا لو مأجر سيارة كانت السفره اروع واروع
دامها اول سفره وانبسطت فيها
الله يعينك على الوقت بين كل سفره وسفره

__________________
memo al marrakechi

ماردونا

مزعوط مميز

المشاركات: 448

تاريخ التسجيل: Oct 2015

الدولة: السعوديه

2016-02-21, 01:08 AM

المشاركه #5

سلامه الاسفار اخوي ولا تعبت وعلى بساطه تقريرك الا اني حسيت انك شخص ذكي ويحسن التصرف وربي يوفقك في سفراتك القادمه

alwafee

مزعوط جديد

المشاركات: 3

تاريخ التسجيل: Oct 2015

2016-02-21, 01:15 AM

المشاركه #6

الحمدلله عل السلامه
وبغيت اسألك متى كان موعد وصولك للمغرب وكيف الجو مقبول والابرد لان سفرتي بعد اسبوع ان اراد الله
واخبار جلسة المسبح بعد العصر ماجبت طاريها لايكون فاتتك ههههه

khlid_91

مزعوط نشيط

المشاركات: 68

تاريخ التسجيل: Oct 2015

2016-02-21, 01:25 AM

المشاركه #7

الحمدلله على السلامه
تشكر على هالتقرير الجميل

إبراهيم العنزي

مزعوط مميز

المشاركات: 270

تاريخ التسجيل: Jan 2016

2016-02-21, 01:52 AM

المشاركه #8

تقرير زوين خويا

mak90

مزعوط قدير

المشاركات: 218

تاريخ التسجيل: Jan 2016

2016-02-21, 02:28 AM

المشاركه #9

اقتباس:

المشاركة الأصلية كتبت بواسطة سهم المنايا

الحمدلله ع السلامه
تبقئ شي واحد السياره لو كنت مأجر سياره وتسوق بنفسك راح تحس بالمتعه الحقيقيه

القادم افضل

الله يسلمك....صادق اخوي لكن بالجايات ان شاء الله ماراح تفوتني النقطة ذي

mak90

مزعوط قدير

المشاركات: 218

تاريخ التسجيل: Jan 2016

2016-02-21, 02:29 AM

المشاركه #10

اقتباس:

المشاركة الأصلية كتبت بواسطة جداااوي

الحمدلله على السلامة

الله يسلمك اخوي

المواضيع المتشابهه للموضوع: اول سفرة و أحلى 11 يوم كانت بالمغرب
الموضوع	آخر مشاركة
أحلى جواز ..	2015-10-16 05:47 PM
أريد شقة أحلى من العسل	2013-08-01 03:29 AM
ما أحلى أيام زمان .. ^__^	2012-04-25 01:57 AM
فين أحلى السهرات في كازا	2012-03-18 10:49 PM
تأخر رحلة السعودية أحلى ليلتين بالمغرب	2012-01-28 10:58 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

اول سفرة و أحلى 11 يوم كانت بالمغرب

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)