الحذر من وكالة مراكش المنارة..ومن صاحبها محمد ابن جدو

يا عزيزي الكلام ماينفع لان شباب في اول العمر يثق بسرعه وعنده خوف ويتصور ان مافي خيار اخر
مليون مره نبهنا هني للاخوه وفائدت المزاعيط اذا الواحد مو حاجز عن طريق موقع عالمي مثل
Booking.com
Travelstay.com
Last minute
لاتثق بأي شخص حاسب يومين بيومين الطرف المقابل قوله بطاقت البنك هذا حدها للسحب في بلدكم وراح يرضى فالامر الواقع وإذا ما رضا زيدهم حبتين خمس ايام واليوم الرابع جدد وهكذا الواحد مايسلم لحيته لسمسار

الله يعوضك خير. وزين انك شهرت فيه.

من الغباء ان يتعامل اي كان في التجارة بمبدأ الاستغلال والنصب فالربح وان كان وقتي على المدى الطويل خساارة.

مثل ماتفضلت انت اقررت انك اخطأت بدفع مبلغ25 يوم مره وحده.مؤجر لم يسبق لك التعامل معه يفضل دائما ماتعطيه حق اكثر من 3 ايام.

الأمر الثالث المنتدى هنا اشبه بسلطة الصحافة يعني لو حصل ان تعاملت مع نصاب ورفض يرجع لك حقك فما راح يقدر يسوي لك المنتدى شي فهو بعيد تماما عن( السلطة التنفيذيه) وكل مايحصل هو التشهير وحذف الاعلان ان كان معلن.

انت بحكم طول فترة الايجار تعتبر ماسك زمام الامور وتتحكم فيهم
غريبه وافقت بسرعه ورضخت لطلبه بدفع كامل المبلغ
انا مثلك استأجر تقريبا 21 يوم لكن اتواصل معاهم بالواتس عشان صور السكن وبعدها قبل الرحله بأسبوع اتصل عليهم وشرطي ادفع حق يومين او 3 عشان لا يتضايقوا مني او يضايقوني ويعكروا مزاجي ووقتها فلوسي في جيبي
ناسبهم شرطي اتوكلت ع الله ماناسبهم في غيرهم يدور رزقه

بصراحة زين ماسويت فيه ......يستاهل التشهير والتحذير منه .......والطرد من المنتدى

انا كنت اتعامل معاه بالواتس والحمدلله قبل تحويل العربون قلت خليني اسال عنه اداره المنتدى .. وسالت عنه البرنس وقالي بالحرف الواحد " لا تتعامل معاه تراه لص ونصاب "


واستغربت مفي موضوع مثبت عن هالوكاله الحراميه

صار لي موقف معاه في رحلتي الماضيه ولم اطرحه لان انا اتحمل الجزء الاكبر من الغلط وراح اذكره لكم بالتفصيل

حجزت فله خمس غرغ عنده بطريق اوريكا وحولت له 10 الاف درهم عربون حق يومين واكدت الحجز ووثقته بالمنتدى وقبل سفرنا بكم يوم دخلنا معانا واحد من الشباب وصار لازم نبحث عن فله اكبر وفعلاً اخذت فله اعرفها وسبق سكنت فيها عن طريق الاخت ناديه وكلمته قلت مالي الا احاول معاه بالحسنى لعل وعسى قلت له بطلنا الرحله وشو وضع العربون قال دفعت ل صاحبة الفله وابشر راح اكلمها وارد لك خبر ثاني يوم كلمني بالواتساب قال رفضت ترجع المبلغ كامل ووافقت ترجع حق يوم بس قلت اوك حوله لي قال مانقدر نحول فلوس من المغرب بس بشوف صاحبي بالسعوديه يحولها لك قلت اوك ولا صار شي كل يوم يراسلني ابشر وانا مانسيتك بس انتظر صاحبي يحصل المبلغ وبعدها سافرت مراكش وكلمته واتساب قلت صاحبي عندك اعطيه المبلغ قال خليه يكلمني وابشر ولمن كلمه واحد من الشباب قال سامحني مزنوق عامل حادث وبداء يصرف عرفت انه يسوق ام الزناوه علي مع ان من البدايه قلت له اذا مايرجع العربون قول عادي الغلط مني مش منك قال لا يرجع والمبلغ الي اخذته راح اشوف حد يستاجر الفله واخصمه منه الاكيد انو بياع كلام والحمد لله اني ماسكنت عنده وبالنسبه للعربون اعتبره دفع بلا مع ان الشباب قالو نستاجر فله اكبر عن طريقه من البدايه بس انا رفضت لان اعرف فله محدده وجات خيره لنا

نفس الاعذار ونفس الفلم اللي قاله لي
واخر شي قال روح ماعلي فيك ولا علي بمنتدى مزاعيط المغرب

حتى لو أخذ العقد و راح إشتكاه شنو هو موضوع الشكوى ؟؟ بيقول ما سمح بدخول الضيوف ؟؟ بيكون هو الغلطان و ممكن يدخل فمتاهة اخرى .
الحمد لله انه اخد اللي قدر عليه منه واتوكل على الله ، الغلط فالاول والاخير اللي دفع 25 يوم .لو فالنرويج ما أدفع المدة كلها .
المهم الشكوى بتكون باطلة من الاساس لانه ممكن يقول صاحب السكن انا ما ادخل ضيوف و فالحالة هذي حت الفلوس اللي اخدها ماكان يعطيها له
تحية طيبة

والله مراكش مادخلت مزاجي بالمره مع اني جيتها كثير بس تحس انك عايش مغامره من اول ماتوصل لحد ماتمشي !!!!!! ماأدري ليش

يا شباب هالشخص نصصاب كبير وتوي كلمته واتس وقلت له سمعتك معدومه ( لانه حاول ينصب علي بدفع العربون وطنشته ولله الحمد ) قلت له ما تخاف ربك انت .. كتب لي انتم يا الخليجين اغبياء وبدويين .. انسان حقير بمعنى الكلمه وهمجي وانتبهو منه .. رقمه واسمه نفس اللي حطه صاحب الموضوع .. والمحادثه موجوده عندي وما جبت كلام من راسي يشهد الله