نجربتي في مراكش 6 مرة اكشن

تحياتي للجميع
كانت رحلتي من 7 مارس الى 15 مارس تقريبا اسبوع فقط ...عمل وتمشية وكنت مرتب كل شي قبل وصولي للاسف راحت هباء منثورا بسبب عدم مصداقية من اعتقدت انهم خير من يخدمك وليس ببلاش طبعا ....!!
اولى المشاكل مع الجمارك الشفارة اللي يبون يحلبونك حلب سبحانه يعرفون انك سعودي او خليجي يوقفون شناطك للتفتيش وغيرك يمشي
ولازم ياخذون بخشيش المشكلة صار المبلغ في كل سفرة يكبر اخر شي دفعت 400 ريال بس علشان اخلص منهم ومن رزالتهم ..!!
السكن حاولت بالنخيل بمراكش لكن للاسف كانت عامرة بالزااااف ...وبعد اتصال بالاخ صلاح توجهت للنخيل ثلاثه وبعد تعب الرحله ومشوار الطريق للمراكش كنت اتمنى بسكن مريح ونظيف ....لكن الاخوان اللي هنا يعلنون عن سكن ويهايطون علينا لما نوصل عندهم اهم شي يسكنونك لو بجحر فار وياخذ فلوسه وينحاش ....هذه هي الحقيقه للاسف والله النخيل 3 مايسكنه الخبل مقطوع عن العالم وسكن عفش ابو
تحملت الغثاء والقرف وسكنت ....اليوم الثاني رحت على بابيلو في قليز اقسم بالله انهم احلا من النخيل الف مره ...والمصيبه اقرأ عنهم مش ولا بد .....لكن التجارب تعلمك من الزين ومن الشين انا للمرة الثالثه اسكن عندهم تعامل راقي وسكن نظيف وحلو بشرط تطلب ان الاثاث نظيف
يكفيك ان راعي الشقق متواجد بالمكتب وتعال اشتكي عنده على احد موظفينه وشف وش يسوي فيهم .... طلبت شقة غير شقتي واوسع شوي والله ثلاث ساعات عفشي منقول كله وبكل احترام وشغاله مثل الساعه ماتقعد وخدومه .....خلاص غير بابيلوا من راح اسكن
الســـــــــــــــهرات ..... غلاء طاولات اغاني وفنانين مش ولا بد ......الا اللبناني اللي في النرجس صوت جبلي صح لكن بدون جمهور ....فاضي المحل ...وناسه والديوان زحمه تقول في باص مصري مو مرقص ......وهات فلوس على خدمات ولا شي ...
مشكلتي المعتاده مع الصرف ولقيت الحل عند المكتب في بابيلوا يحسب لك اكثر من الصرافات وبنفس سعر السوق
اول مرة اتعامل مع مكتب خدم هناك وقدمت على خادمه من هناك اتمنى يكون تعاملهم اوكيه علشان اقدر احكم عليهم في مسالة الخدم

تحياتي للجميع

مقتطفات سريعه :
* التكاسي موت في الغلاء واستغلال غير طبيعي
* السكن بوجه عام يعيبه الاثاث
* احذروا بنات الديسكو مليون مره بالنسبه لاغراضكم الشخصيه

تقرير جميل يعطيك العافية ، اللي اشوفه ان مراكش بشكل عام ف انحدار يعني ان هربت من موضوع السكن واجهتك مشاكل الاستغلال الاخرى ف كل الاماكن تقريبا . باركنق وتكاسي وشحاذين وسهر مش ولابد وغيرها وغيرها ...

حمدلله ع السلامه عاشق الجبيل
مع احترامي الشديد الخطأ منك أنت ، ماعندك شي ممنوع وتروح تدفع ٤٠٠ ريال يعني تقريبا ١٠٠٠ الف درهم ، على ايش طيب
٤٠٠ ريال تو متش لو قلت ٥٠ أو ١٠٠ درهم عشان مايعطلك بس إذا كنت مستعجل واحد ينتظرك برا المطار معقوله .

بس على كل حال ان شاء الله انبسطت وكل سفره تتعلم حاجات جديده .

__________________

الحياة ليست عدو لنا بل صديق مشاكس

معى احترامي لصاحب الموضوع انت سبب اللي رفعت أسعار البخشيش عن نفسي من كثر اسافر المغرب ماقد أعطيت عسكري بخشيش في المطار وضعي في السليم واحترم تحترم

يعطيك العافية اخوي على التقرير انا عن نفسي ما ادفع ريال واحد لان ما معي شيء ممنوع يلمح من اليوم لين بكره مع نفسه موظف الجوازات يلمح يجيك حق الجمرك يلمح سوي نفسك مجنون ما تسمع و خله يفتش و هذا احد اسباب انه ما اشتري عصير من السوق الحره علشان لا يحصل شيء يتعذر فيه كل شيء هناك موجود مالهم شيء عندك

زي ماقالوا الاخوان ماتعطيه ولا ريال وخلك محترم وامورك بالسليم ...

اذكر حصل قدامي موقف صراحه شاب سعودي عجبني
وحنا ماقصرنا وقفنا معاه

الموقف نزلنا من الطياره وتعرفون السراا الطوويل عشان تختمم دخوولك. بعد مرور ساعه ونص تقريباً من الانتظار الا وحنا صافين طابور ع احد الكباين
تقريباً ٦ سسعودين بالصف
تشاد الموظف مع احد السعودين يبي رشوه والعذر يقوله دام مامعك حجز فندق ماتمشي
المهم السعودي ركب راسه قال ما اعطيك ولا ريال قاله الموظف رح صف من جديد. التفت علينا السعودي قال احد معه حجز فندق قلنا لا. رفع صوته السعودي والله ما اتحرك من هنا الا لين تمشيني. الموظف يقول لنا هو اللي بيأخركم .. حنا قلنا للسعودي عطه مش امورك قال وربي معي ٦٠ الف. وانا متكي هنا شهرين وبقعد له ولاني معطييه رياال واحد. المهم طلع الموظف من الكبينه وبدا يتكلم مع السعودي ... طبعاً كل واحد راكب راسه
جينا حنا بينهم وقلنا نظبط الامور واخذناهم بالسياسه
ورفعنا بالموظف شوي ..وهدت الاوضاع ومشينا كلنا
وفي النهايه ما اخذ ولا ريال ...

الخلااصه انه مهما استفزك الحق معك لاتخليهم يستغلونك ..وانا اغلب تصريفه تمشي معي واتخارح منهم. اقوله توني ماصررفت فلوس مامعي شي وامشي فالغالب واحياناً يستقعدون لي واعطيه ٢٠ ريال سعودي وقول هذا اللي معي ...

وبالنسبه للبابليون. انا ماجربت غيره لاني اخذته من صديق ..وبصراحه ارتحت حيل ،،،الشقه كبيره ونظيفه
ورومً سيرفس وفيه خادمه لو تبي تطبخ وتغسل ملابسك
ومحترمين جداً ..وامان بعد الله .. وغير هذا كله كل شي حولك ..يكفي المووول الجديد. فيه حلاق وسوبر ماركت وعندك الدابليوا والديوان. وصرافين وكل. شي ...

انا من اشد المعجبين بهالموقع

زحمة وانت في مارس اجل الصيف كيف بيكون ؟


شكل المغرب زحمة طول السنة

عموما بابليون كلن يمدحه الا هنا يسبون غريبه؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

حمد لله على السلامه
أما البخشيش ليتك ماعطيته
و انا معك البابليون ممتاز احسن من النخيل
و انا من زمان كنت رواد مراكش بس حاليا غيرت على الرباط و الله فرق
بالتوفيق

شباب كيف طريقة الحجز في بابليون ؟