توني واصل من اغادير تحذير بخصوص كبارية مارينا سكاي

لو كل واحد من الشباب تعرض لموقف وقرر أنه ما يرجع لنفس المكان اللي تعرض فيه لنصب أو ابتزاز تكون النتيجه أحدى الأمرين :-

١- تصد الناس عن المكان لسوء سمعته .
٢- أن يعدل المكان من حركاته لجلب الزبائن .

وبالتالي يصبح المستفيد هو ( السائح ) .

دام الموضوع عن اغادير حبيت أشارككم تجربتي بالسكن

وأنصحكم بعدم السكن في عمارة ٤٦ الي بالمارينا

والله انك تصحى من عز نومك بسبب الازعاج الي بالشارع

شوف لك سكن غيره يكون افضل

اولا الجيل الحالي مايستمع لأي رأي جيل متسرع يروح ويتعمد الخطأ وينقصرص وبعدين يتشكا صار فيني كذا وكذا

ثانيا يا اخوي صاحب الموضوع مثلك عارف هذي أماكن سهر عربيه مختلف الناس والإعمار موجود الي يبي ينبسط والي يبي يهايط والي يبي الناس تضحك عليه

ثالثا للامانه اجيت لسكاي 1/3/2016
والنظام في طاولة وفي طلبات
انا وخويي وظيفين معانا اخذنا طلبات ومن بعد ماتخلص السهره نروح نكمل فصحارى

رابعا يا حبيبي 25 سنه سفرات للمغرب خصك التقاعد يا صاحبي كافي زعطه لان كل سفره راح يتغير معاك جيل

خامساً أخيرا وليس آخراً تقبلو مروري

ينقصرص =....... ؟؟

__________________
كلآم الناس بالنسبة لي ،، مكآلمة لم يتم الرد عليهآ ..!!!

حروف جميلة ومنمقه ومحفوفة بالحب والغيرة على الشباب
والله ياخوي عبدالعزيز السفر والاستجمام
حتى الجلسة مع الذات
فن لايجيده الكثير من السياح خصوصا جيل ( اه لو لعبت يازهر ).

__________________
memo al marrakechi

يعطيك العافيه فعلا نصائح مية مية وليت الشباب جميعها يسمعونها

تررى مو لازم تاخذ طاولة ع طول خذ لفه واطلع جاز لك ادخل

بالنسبة للفنادق خمس نجوم مثل السو فعلا العمل فيها بروفشنال وفواتير اول بأول

ينقرص -يتقولب ويأكل على راسه

عبدالعزيز صباح الخير عليك وعلى الاعضاءالي ردوا ...
بالنسبة للقلعة انا بأيدك بصراحة .. مكان مميز واطلالته حلوة لكن بما اني لي نفس بالطبخ بصنفه نجمة وحدة وكثيرة عليه
يوسف
بالنسبة للسكاي من واقع تجربتي قبل عشر ايام اشوف فيه مبالغة بكلامك ..
انا بالنسبة لي مابقولك اعتبره الافضل لاني مريت مزازيك وحسيت نفسي ع النيل لامكان ولا نظافة ولافنانين
يمكن طريقتك دفعتهم لاستغلالك او استغلال غيرك ،،
نظامي بالسهر ثابت ادفع بدري وريح راسي .. الطاولة بكم = خذ حقك
بالنسبة للكلام الي قلته بخصوص الاستغلال والابتزاز وفتح مشاريب ماصارت معاي ولا لمجرد التلميح سواء من العاملين او بنات الليل ع قولتك
وعلى فكرة بنفس الوقت ترى مابزكيهم انا
ولكن اعتقد كلما كنت واضح في البداية صدقني تطلع من المكان الي انت سهران فيه وانت مرتاح ومتطمن عاد وقتها انت قبل ماتمشي حبيت تكرم الشاب الي يخدم ع راسك بخمسين او مية وقتها راجع لك

الشكر لكم اخوتي بالفعل عقليات متفتحه هنا وشي جميل الي سمعته بالنسبه للاخوه الي يقول طريقتك او 25 سنه خصك تتقاعد ههههه الحمد للله الصحه تمام ورياضي وطبع فيني لااقبل احد يستغلني ماحدث شفته حدث لغيري للاسف وحبيت احذر اخوتي وهذا القصد والنتيجه اما ان نحذر من هذا المكان او ان يتعدل سلوك العاملين فيه وبالتالي السايح مستفيد كذلك وهو الاهم هناك جهات رقابيه سياحيه فالمغرب تنتبه لمثل هولاء وتوقفهم عند حدهم وهو القصد من طرح الموضوع اظن وصلت الفكره تحياتي لكل العقول النيره والردود الجميله بجمال اصحابها وتقبلوا تحياتي
المخلص عبدالعزيز

انا كنت بنفس توقيت سفرك شهر 4 ابريل وجلست باغادير 6 ايام انبسطت من قله الزحمه وسكنت في حي المحمدي بجمع فخم ب 600 درهم ولفيت اغادير كل مكان بخصوص القلعه ما فكرت اكل منه لان انا جاي اغير ما ابي اكل بلدي كبسه كبسه ملحوقه ببلدي والشي الثاني خلاص ملينا من الروتين والجدول الى يمشو فيه الشباب بالمنتدي حبيت اغير وزرت اماكن جديدة وبخصوص سكاي صار المركز الاول رغم السلبيات الى فيه لكن له محبيه لو يدفع دم قلبه اهم شي ينبسط ويقول بنفسه انا جاي انبسط الفلوس ولا شي واذا رجع بلده يتندم هذا الحال للاسف
انا ما سهرت الا بوناسه مع مجموعه من الاصدقاء ومافي استغلال ولا شي الطاوله ب 1000 درهم قسمها على اربعه وصافي واغادير تنحب لصغرها وكل شي حولك بس ما تنفع اكثر من 5 ايام راح تمل والاحلى فيها الامان وكل واحد بحاله والله يا اخ عبدالعزيز كتبت تقرير طويل عريض عن سفرتي ومسحته لان حسيت صعب النصيحه بالمنتدي تكتب وتتعب وبالاخير تلاقي الى ينتقدك تخيل عشان حذرت بس من الطيور والسهر وفي احد الردود واحد يقول مالك بالسهر والطيور تلعب على مين انت ؟؟ هذا بالله وش تقوله انا اشوف احتفظ بنصايحي وتجاربي الايجابيه لنفسي مهو انانيه بس لان المنتدي بعضهم ما يحب النصيحه او المشوره ويغالطك ويسوي فيها ابو العريف ولو تقوله كم مره رحت المغرب يقول مره مرتين وكلها سهر .. حقيقه لي قروب خاص بالواتس فيه من المشرفين والمخضرمين من شتى المنتديات هذولي الى يستاهل تستفيد منهم ويستفيدو منك لان كل واحد تجاوز عمره 35 سنه ويتقبلو منك الراي بكل صدر رحب لان ختمو المغرب على قولتهم وعرفو ايش الى يضرك والى ينفعك
تحياتي

__________________