الزعطة مراكيشية

شاكره لك مرورك الطيب اخوي

وانتظر الجديد

__________________

بهارات المطبخ المغربي ما يختلف عليها اثنين
بس انا فيني طبع ما احب اخلط
يعني ما احب اكل طاجن بالبرقرق لانه مالح وحلو

وبخصوص الحووت للاسف ما اكل اي نوع من الاكل البحري

__________________

جيت ورجعت وانتي تتهاوشين في تقارير الاعضاء ههههه << امزخ
حبيبتي ما تقصرين واعتبري العزومه واصله

ولازم نتلاقى كل بنات المنتدى في مراكش المره الجايه << شرايج؟
انتي وبيضاويه ( اذا كانت موجوده بالمغرب) وسمو المغربيه وخوخه

شرفتي صفحتي

__________________

تقريري نقطه في بحر قدام تقاريكم اخوي
كنت متابعه من وراء الكواليس لتقريرك

شاكره لك مرورك الطيب في صفحتي

__________________

استكمل التقرير
بيكون التقرير مختلف عن السابق, بحيث بذكر لكم الأشياء المهمه فقط بدون ذكر شنو اللي سويته اليوم او بكرا

يوم الأثنين, عطتني صاحبتي الموافقة على اجازتها
وبديت ارتب لهذي الاجازه
ونظرا لضيق الوقت عندي, فقررت اسويه نفس الجدول اللي كنت معتمدته في شهر ديسمبر
وجدول ديسمبر ملحوق اعدل عليه بعد ما ارد من السفرة

السفر
يوم الجمعه الموافق 7\10\2016
الطيران : الاتحاد الناقل الرسمي لدولة الامارات
وقت الإقلاع من مطار ابوظبي الساعه : 2:45 صباحاً , مع تأخير متعود من الاتحاد ب 45 دقيقة
وقت الوصول الى مطار محمد الخامس ( كازابلنكا ) 8:35 صباحا في نفس اليوم
مدة الرحله : 8 ساعات
سعر التذكرة الواحده : 2610 درهم

الفنادق

التاريخ : من 7 أكتوبر إلى 8 أكتوبر 2016
اسم الفندق: منتجع مازاكان بيتش اند غولف
Mazagan Beach & Golf Resort
نوع الغرفة: ديلوكس مع منظر مطل على حمام السباحه
الفطور الصباحي: شامل
الانترنت اللاسلكي ( الوافاي ) : شامل
قيمة الغرفة شامله الضريبه 10% = 180 يورو وغير شامل الضريبة وهي 5 يورو للشخص الواحد لليوم الواحد
يعني المجموع : 190 يورو = 2079 درهم مغربي

الموقع الرسمي للمنتجع
5-Star Beach Resort in Morocco | Mazagan Beach & Golf Resort



الصــور

البوابة الرئيسية



الممرر الى البوابة الداخليه للمنتجع



منظر للبوابه



للوبي





الغرفة



الحمام اعزكم الله





المنظر من بلكونه الغرفة





مطعم الإفطار والعشاء

__________________

يعطيك العافية برستيجيه

مازاقان حلاته
جون
جولاي
اغسطس
واول سبتمبر

اهم شيء انبسطتوا فيه

مطاعمه وباراته وسهرته في الويكند
يوم ٧ اكتوبر كان يوم جمعة
يعني فاتح للسهر على ماعتقد

ناخذ لفه في المنتجع

بحيرات صناعية









منظر للبحيرة مع البحر





مركز الرياضات المائية



كوفي يبيع العصاير على البحر





منظر للمنتجع من ناحية البحر



البحــــر







من الفعاليات اللي ممكن تسويها بالمنتجع ركوب الجمل



مطعم pool side
اكله إيطالي ولذيذ







اعتذر عن التوقف في انزال الصور بسبب مشكلة تقنية في مركز تحميل الصور بالمنتدى

__________________

الله يعافيك اخوي
الحمد لله انبسطنا كان الجو اكثر من رائع شمس على غيم..على براد
اذا ما خاب ظني في 10 مطاعم
و4 مطاعم على المسح وعلى الشاطئ
وفيه كازينو وديسكو
باختصار المنتجع كبير جدا ومذهل
وتحتاج الى يومين على الأقل لاكتشافه بالكامل

بخصوص السهر, للأسف ما رحت ولا شفت المكان

شكرا على طلتك

__________________

نواصل

الفندق في المسا

الممرر اللي يؤدي للغرف



اضائه بين الغرف



النخيل في المنتجع



الكوفي فوتشون Fauchon



جربت الاكل على الغذاء وكان سيئ وما اكلت غداي , المطعم مختلف بشكل كلي عن اللي موجود بالخليج
يعني يصلح بس للقهوه والحلا

بيانو ومغنية واجواء



السبورت سنتر مقابل الريسبيشن وممكن تحجزن الفعاليات والأنشطة عن طريقهم



خارج الفندق



النقش والزليج عجيييب



الباب عجيب



خارج المنتجع



الله يرزقني بهذي السياره



العمارة المغربية طاغية على تصميمات هالمنتجع



تصبحوووون على خير

__________________

يشرفني تواجدك اخوي مخربها في تقريري

انتظر الجديد

__________________