الزعطة مراكيشية

السلام عليكم ورحمة الله وبركاته

في البداية اوجهه شكري وتقديري لكافة الأعضاء اللي ساعدوني وساندوني سواء في الإجابة على استفساراتي في العام او عن طريق الخاص ( الرسائل الخاصة )وكانوا بعد فضل الله سبحانه وتعالى سبب نجاح رحلتي الثانية للمغرب الحبيب
واخص بالذكر:
اشرف ( بوح) , coolmindDude , mmmsultan, خوخه ,بيضاوية ,سمو المغربية,

تنويه : بحاول ادرج بعض الفيدوات اللي تم التقطها بالمغرب عن طريق السناب جات وان شاء الله تنجح المحاولة.

ابدأ التقرير

كيف بدأت فكرة التخطيط للسفرة الثانية؟

في يوم الاحد الموافق 2\10\2016
الساعه 8 مساء
طلعنا من العمل بعد يوم طوووويل وشاق ومتعب وكريه , مداومه فيه 12 ساعه ( تحضيرات لمعرض في ابوظبي)
ركبنا السياره انا وصاحبتي,وسالتها هااا وين نتعشى؟؟
قالت لي: ما اعرف كيفيج اختاري ومالي خلق افكر تعبانه وجوعانه
قلت لها : والله خاطري في اكل مغربي شرايج؟
قالت : اوكي بس أي مطعم
جلست افكر شوي
قلت لها عندنا مطعم الماظ almaz ومتواجد في مول الجاليريا , بس اخر ترجب لي فيه كانت تعيسة!
كنت طالبه طاجن دجاج, وصلني الطاجن على صورة طاسه ( مله ) فيها مرق وقطع دجاج جانبي عبارة عن شيش طاوق وكسكس !!
فقلت لهم انا طالبه طاجن مب كسكس؟ والطبق اللي جدامي مب طاجن هذا شيش طاوق وهو اكله لبنانية؟؟
ردت علي الناذله : ان المطعم مطعم مغربي لبناني وهو مطعم مغربي حديث عشان جذي مغير من صورة الطبق التقليدية

قلت لصاحبتي مب مستعده اروح اكرر نفس التجربة...فكرت شوي وتذكرت
ان تم افتتاح مطعم مغربي جديد في ابوظبي اسمه ايثران Ithran ومتواجد في سوق قرية البري قريب من فندق الشانغريلا

قالت صاحبتي : يللا توكلنا على الله نروح نجربه

وصلنا المطعم , وكان روعه من اثاث وديكور واهم شي ان محد فيه بس احنا

وهذي بعض الصور للمطعم













فيديو

2016-09-29_20-35-20 تحميل ● مركز رفع ملفات mp4

الترحيب كان اكثر من رائع
انا طلب حريرة وطنجيه مراكشيه , وصاحبتي طلبت بسطيله بالدجاج

ضيافة المطعم



وقضينا وقتنا بالسوالف وتصوير المطعم
وكانت بداية السالفهــ:

صاحبتي: في خاطري طلب بس ما اعرف اشلون أقوله لج
انا : امري؟؟؟
صاحبتي : لا لازم اصيغه بطريقة صحيحه عشان توافقين
انا : همممممممم
صاحبتي: تعرفين الشهرين اللي طافوا اشكثر انضغنا في الشغل, والمفروض يخلص العمل الساعه 3 واحنا نطلع على 8 او 9 المسا
انا : صح كلامج , وهالاسبوع بيكون ضغطه اكبر , بنخلص الشغل الساعه 11 الليل ويوم ثاني دوام الساعه 8 الصبح
صابحتي: انا تعبت من هالضغط , ونفسيتي زفت
انا: اطالع بدون تعليق
صاحبتي : شرايج ناخذ إجازة الأسبوع الجاي ولمدة أسبوع واحد بس
انا: بس احنا باخر السنه, ولازم نخلص كل المشاريع اللي عندنا
صاحبتي: أسبوع ما بياثر
انا: خلاص , ابشري انا اجازتي اعتبري ان مديري موافق عليها, بس انتي النحاسة اللي عندج, مديرج بيوافق؟؟!
صاحبتي: بكرا الصبح برد عليج خبر

وفي هذه الاثناء
وصل طبق الحريرة الخاص فيني



فيديو

2016-09-29_19-51-56 تحميل ● مركز رفع ملفات mp4



صاحبتي: انزين بعده ما خلص الطلب
انا : ضحكت وقلت لها امري
صاحبتي : شرايج نسافر ونغير جو؟؟؟
انا : اوكي ليش لا, سنة 2016 ما سافرنا فيها, ودامها أسبوع شرايج على الكويت ولا مسقط؟؟ او نقسمها بين هالدولتين
صاحبتي: لا ما ابغي اروح دول الخليج, خليها لي ما يبرد الجو
انا : انزين وين حابه نسافر؟؟
صاحبتي: بخاطري اروح مراكش
انا : وجهي عليه جميع علامات الاستفهام
قلت لها بس مدة السفر 8 ساعات واسبوع جدا قليله
صاحبتي : اذا بنسافر ما بروح الا المغرب
انا: انزين شرايج نروح المالديف 4 أيام استرخاء وبحر
صاحبتي: لا ما ابي
انا: انزين مصر اقرب او سيشل
صاحبتي : لا لا لا , ابغي مراكش , تولهت على هالديره
انا: شكله السحر فيج قوي مفعوله ههههه
صاحبتي : الزعطه بزياده بالزاااف
انا : خلاص توكلي على الله , واهم شي تجيبين لي الموافقه على إجازتك بكرا الصبح لان مافي وقت

وصل الأكل , وصاحبتي مكيفة ومستانسه



تقييم الاكل:
البسطيله : لا انا ولا صاحبتي حبينا الطبق
دجاج مع شكر ( سكر ) فكان الطعم جدا غريب علينا, وانا بطبعي ما احب اخلط بالنكهات
الدجاج تعودت عليه مالح , فلازم اكله مالح
وللأسف ما اكلنا شي منه

الطنجيه المراكشيه
كانت اكثر من رائعه, اللحم لذيذ وطري ويذوب في الفم

واختتمنا المائده بآآآتاي مغربي

2016-09-29_20-30-25 تحميل ● مركز رفع ملفات mp4

بعد الاستمتاع والروقان , والتخطيط لسفره للمغرب

طلبت الحساب, حاسبت ومشينا

ملاحظة: المطعم جدا راقي, لذلك أسعاره غاليه
يقدم المطعم شيشة لاصحاب الكييف
وفي الشتا , في عندهم مثل التيراس, يفتحون كافة النوافذ
المطعم يطل على البحر, فاتوقع بتكون جلساته بالجو الحلو روقااان وروعه

ممكن تتطلعون على صور اكثر للمطعم وأسعار الاكل على هالرابط

https://www.zomato.com/dhabi/itran-al-maqtaa

انتظروني في الجزء الثاني

__________________

وفشلت تجربه الفيديو

بس لازم اشوف لي حل عشان تعيشون معاي الاجواااء

__________________

مستمتعين

استمري

يا مزعوطة

تقرير زوين وهذا المرة من الجنس ناعم وانشاءلله تكون توفقتو في سفر ونتتظر تكملة بكل شوق

بداية تقرير جميل يابريستيجية..مستمتع بطرحك

اما بنسبة للبسطيلة فهنا تنفرد ميزة المطبخ المغربي وهو خلطة نكهتين مثل حلو ومالح حار وحامض لكن مرة ثانية جربي بسطيلة بسمك وانشاءلله تعجبك

بريستيجيه متى جيتي ؟
الظاهر كنت في غيبوبه انا
يختي ما علمتيني كنت عزمتك عندي بالبيت

__________________
سأظل أتنفس الأمل والتفاؤل وأضيء الكون بابتسامتي رغم كل شيء

بدايه جميله وموفقه
متابع بشغف بطرحك المميز

اتمنى يعجبكم القادم
شكرا على التعليق

__________________

شكرا اختي زينه على المرور في صفحتي
وبفضل الله سبحانه كانت السفره واعره

وانتظري الجديد

__________________