تحذير من السمسار عبد السلام في طنجه

السلام عليكم اخواني المزاعيط

امس وصلت من المغرب الى وطني الحبيب واااااااااااه يالمغرب ماني مصدق اني رجعت كانت رحله 15 يوم من اجمل الرحلات في حياتي طبعا مو معقوله تروح المغرب وماتزور طنجه الحبيبه الجو روعه والناس حلوه وكلشي يحممممممممق حبيت انوه كان السكن في فندق سيزار وكانت امورنا حلوه وجميله لاكن اصر احد زملاء الرحله اننا نسكن في فله بسراحه كنا مرتاحين في الفندق امان ومافيه وجع راس لاكن صاحبنا اصر يجرب فلل طنجه توكلنا على الله وكلمنا سمسار واخذنا وشفنا الفله كانت روعه دفعنا العربون وهو اجار يوم واحد قال من بكرا الظهر تسكنون فيها. المهم جاء بكره ودقينا عليه ووصل عند الفندق ومشينا وراه بدت نظرات الاستغراب من الزملاء لان الفله كانت قريبه من الفندق والمكان الي اخذنا السمسار كان بعيد من جهة اشقار ؟؟؟ قلنا الحق الكذاب الى باب الدار. وصلنا فله ثانه مالها دخل في الاولى ؟؟؟؟ فله قديمه مايسكن فيها المجنون دخلنا نشوف حصلنا شباب من الامارات سالناهم عن الفله قالو جلسنا 3 ايام ما ارتحنا بنطلع اماكن ثانيه. كلمت السمسار قلت امس شفنا فله ثانيه واليوم جايبنا هنا تسهبل انت قال هذيك الفله الشباب الي فيها مددو 4 ايام زياده طبعنا كذاب كالعاده. قال هذي الفله لكم سوو فيها الى تبون بعيده عن الناس والانظار صاحبنا اصر ياخذها لو يومين انا ما ارتحت للشغالات اشكالهم تروع جدا. توكلنا على الله واخذناها 3 ايام. انا على طول رحت للبنك الشعبي واخذت ماستر كارد وحطيت كل الكاش الي معي في الماستر كارد لاني حسيت بخيانه .اصحابي مارضوا يسوون مثل ماسويت. المهم كانت 3 ايام حلوه اخر يوم كلمتنا الشغاله قالت متى تطلعون قلنا بكرا الصباح قالت صافي. طلعنا نتمشى ورجعنا للفله المغرب كانت الفله فيها ريحه خايبه مره سالناها ايش الريحه هذي قالت بخور معطر عشان المطر دخل جوا ويسبب ريحه خايبه ؟؟؟ المهم كنا تعبانين تعشينا وجلسنا نشرب اتاي ونسولف فجاءه حسينا بخمول غريب قلنا نطلع ننام شوي. كل واحد على غرفته طلع نام ماصحينا الا من بكرا الصباح ماندري عن انفسنا. جمعنا اغراضنا وركبنا السياره ماشين الى الناظور وشفشاون والرباط. كلمت الشباب يشيكون على اغراضهم قالو كل شي تمام طلعنا على الناظور وشفشاون وفي طريقنا الى الرباط فتح واحد من الشباب محفظته قال ياشباب انا مسروق منى حدود الف ريال سعودي والثاني خاف وفتح محفظته قال انا بعد الف وخمسمية ريال هههههههههههه قلت لهم ماقلتلكم شيكو على اغراضكم قالو والله ماقدرنا نفتح المحفظه في البيت كل ماجينا نفتها يردنا شي ماندري وشو وحاولنا نفتحها اول ماطلعنا منهم بالسياره ماقدرنا في شي غريب يردنا ومعمي على ابصارنا هههههههههه انا مامعي كاش ابد وكانت الشغاله تناظرني وتحتاول تاخذ انا مني اكراميه اكثر من اصحابي وقفنا ورجعت افتش اغراضي لقيتها سارقه الكونكت حق الانترنت حقي هههههههههههه لاحول لله كلمناها مقفل جوالها كلمنا السمسار الخايب قال انا مالي شغل تحذير كل التحذير من (السمسار عبد السلام) الفله قريبه من كارفور والخادمات اساميهم امينه ورشيده.
رشيده كانت جاسه على الدرج قبل نمشي وتتكلم مع نفسها ووجها احمر استغربت منها.
بس يالله كل دقه بتعليمه والحمد لله ان فلوسي كانت في بطاقه البنك الشعبي الحبيب كانت حاس والله
حبيت احذر كل المزاعيط من التعامل مع السمسار عبد السلام والخادمتين امينه ورشيده حسبي الله عليهم

الحمدلله على السلامة اخوي واهم شي سلامتكم والجايات احسن تحياتي

__________________
الي بقالي من حناياي ضلعين

اعوذ بالله بس هذي أتوقع اسمها حجاب يسونها عند ساحر أو ساحره كانت منتشرة في اغادير وخاصتا في دسكو شهرازاد

وعليكم السلام
الحمدالله ع سلامتكم
من اروع رحلاتي للمغرب كانت هي عروس الشمال طنجه ....
انا سكنت عنده بالفله الحمرا اللي بملاباطا وقبل اسكن كلمت وقال عندي فله المهم رحنا نشوف الفله وانا داخل الفله كان فيها مستاجر سعودي والله دخلنا من دون يعطينا خبر ان فيها مستاجر المهم المستاجر اسغرب مني وقال نعم قلت معليش راعي الفله هو اللي فتح الباب ودخلنا المهم رفضناء الفله وقعد يقول هذا صاحبي اجلسو معه حنا رفضنا ورحنا عند الفله اللي قريبه من كارفور اللي فيها امينه اخذناها ٦ايام بعد ثلاث ايام طفى الكهرب وقال فصلو الكهرب المهم رجعنا للفله اللي بملاباطا اول يوم كويس ثاني تم سرقت جزاء كبير من المشروبات اللي معنى وغراض خاص لشباب عطور وساعه عرفنا الحرامي طلعة الشغاله اسمها فرح
طلعنا ثاني يوم رحنى لكارفور مرينا الفله اللي فيها امينه طلعت مستئجره وفيها شباب
كلمنا عبدالسلام قال لسه الكهرب طافي طلعنا من الفله وسكنا بالشقق اللي عند ماك .
المهم الرجال حرامي هو والشغلات اللي معه

عبد السلام في طنجة معروف بنصب على خليحين للزيادة الحذر منه عنده فلتين بملاباطا وحدة بمنطقة الكولف اياك وسكن فيها معلومات بسيطة لكن تقدر تكون مهمة علي حد علمي

الحمد لله على سلامتكم

وانتم من قبل بالوضع مجرد سكنكم فيها
لسبب انة غير لكم الفيلا ولا اعترضتوا
وهذا فتح عليكم باب السرقة
من البداية الباب اللي يجي منة ريح سدة واستريح ليش تقبلون انة يضحك عليكم
اسمح لي انتم من سمح لة

اول شي حمدلله على سلامتكم ونورتو طنجه ونتمنى زياراتكم تكون دائما لها موفقه
وجميل منكم نقل تجربتكم مع هذا الشخص عشان يحتاط منها المزاعيط
انا قد كلمته كان فيه ناس يبون الفيلا اللي بملاباطا وجاه عندي عند ماك عشان الحقه بسيارتي نشوف الفيلا
لكن لما سلمت وتكلمنا وقالي السعر ماعجبني وقالي انتي ماراح تدفعين من جيبك وتكلم على الشباب اللي كانو بالسياره بشكل غير حضاري واستغلالي قلتله معلش توكل
حسيت انه شخص حرامي والشباب اعتذرت منهم وراحو مع البنت اللي هي بالاساس تعرفهم واتصلت علي اذا اعرف احد عنده فيلا
والحمدلله اني ماتعاملت معه لاني اكيد كنت بنحط في موقف شين لاني بوجه المدفع

احذرووو رجاءا ومع اول غلط او تراجع بالاتفاق لاترضى بالحلول البديله المفروضه عليك حتى لو اضطريت تسكن بفندق ليله او ليلتين لين تلاقي سكن مناسب

الحمدلله على سلامة من أفضل اخد سكن من وكالات عقارية افظل من نصب سماسرة

الحمد الله ع سلامتكم ولاتعبتو
عوافي ومعوضين خير مثل ماقلت كل دقه بتعليمه
لآهنت ع تحذيرك ..

الله لايوفق كل نصاب او محتال علما ان طنجه تعاملهم اوربي غريبه