ابتسم أنت في المغرب

ثـبتـت الأبحاث مـؤخـراً أن المـغــاربــة :

الشعب الوحيد الذي يستعمل العمارية...
الشعب الي كياكل ويخلي اللحم هو الأخير...
الشعب الي كايشدو الكمانجة واقفة...
الشعب الي نص حاضي نص محضي....
......الشعب الي ماكيشربش أتاي إلاماكانتش الكشكوشة...
الشعب الي ماعندو مايدار و في نفس الوقت مامساليش...
الشعب الي كناكلو الحرشة والرفيسة بالعدس والڭديد...
الشعب الوحيد الي كايصنع القوالب...

نحن مغاربة و نفتخر

اغرب مشهد كنشفوه كاملين مني كيبغي شي حد يشري سروال........ كيقيسو فعنقو

فــــي المغرب فقــــط
صبّاط إلى طلع فوق صباط يقولك غاذي تسافر
الصندالة مقلوبة جاين ضياف.
...ما تصفرش فالدار التصفار يدخل لخلا للدار
ما ضربش خوك بالمغرفة راه يبقى بلا زواج
......ما تلحسش الطبسيل باش ما ادّيرش العرس فالشتا
لا ما تضربش بالشطابا هيا الي ماغادش يتزوج اما المضروب بمغرفة كيحضر فوقت الماكلا
وماتاكلش من الكسكاس باش ما يجيش زهرك متقوب وماتاكلش الخنشوش باش ما يجيش عرسك فالعجاج
ما تاكلش كبدة الدجاج باش ما تجيش خواف

المستحيلات في المغرب
وزير ما يشفرش
بنت ما تحماقش على الزواج
دري داخل سوق راسو
تلقى طاكسي فوقت الشتا
الحمام خاوي نهار الحد
بنت ما فيهاش تبركيك
راجل كبير ما يلعبش ضامة

مصطلحات مغربية طفولية
النار= ففو
الغول = بوعو
الوسخ =خي خي
النوم = نني
المشي = دداش
الوردة = نونو
الاكل = ميمي
الحلوى = قاقا
لاشيء = باح
اجلس = تيتي
الالم = ديدي
طفل = مومو

******
المغاربة كل مايهدرو يموتوا !

قتلتني بالضحك
ميت بالجوع
قتلنا البرد
راني ميت بالنعاس
...راك قتلتني بالظرافة
نموووووووووت عليك
راني ميت بالخلعة
فـــــي الـــــمـــــغـــــــــــ ــــرب فقـــــط :
واحـــــد يشـــــرب الـبيـــــرا(bière) وملــي يتڭـــرع ..... يقـــول الحمـــد لله

شنو هو الخنشوش اللي متكلوش باش ميجيشي عرسك في العجاج ؟؟
اما الباقي كله صح ههههه
وزيد عليها غير في المغرب فقط كتسمع اعطيني واحد جوج بيضات اعطيني واحد خمسه كيلو سكر اعطيني واحد نص كيلو لحم

علاش داك الواحد الاول الله واعلم

الله يخلي بلادنا ديما في امن وامان

وسلمت يمناك عالموضوع الطريف

حتى ف سوس كانقولو فلانه جاها فعرسها الشتا اذن واكله الخنشوش هههههه ... كاين اللي كايقول وجه الحولي وكاين اللي كايقول نيفو .. بحال مللي كايتخاصمو شي جوج وواحد يبغي يقول للثاني حيد عليا وجهك .. كايقولو غبر عليا خنشوشك .. او حيد عليا خنشوشك من هنا

__________________
كلآم الناس بالنسبة لي ،، مكآلمة لم يتم الرد عليهآ ..!!!

يعني الوجه ؟؟ ههههه حنا كنقولو الكماره
شكرا عالمعلومه الزين

حتى حنا كانقولو كمّاره .. والفم درقوش/دلقوش واليدين خبّاطات والرجلين كرعين هههههه

اما الخنشوش كايقولوها ناس الباديه بزاف

__________________
كلآم الناس بالنسبة لي ،، مكآلمة لم يتم الرد عليهآ ..!!!

هههههههههههههههههههه

دوؤوؤوم الضحكه حبيبه

__________________
كلآم الناس بالنسبة لي ،، مكآلمة لم يتم الرد عليهآ ..!!!

تدوووم ليك الافراح والمسرات ان شاء الله