رحلتي للمملكة المغربية وحيدا 2017

المشاركة الأصلية كتبت بواسطة أبو منيره مراكش

أبو طلال شكرا على هذا الكلام الطيب،،

وانشاء الله تزورنا بشكل دائم يالغالي.

أنا سعيد جدا بكلامك الطيب عن الموظف عبدالمنعم وطيب الإقامه.

الجميع في خدمتك يالغالي.

المشاركة الأصلية كتبت بواسطة mmoohh

بسم الله الرحمن الرحيم
انتهت السهرة في الديوان الساعة خمس الفجر
ورجعت للنخيل 3 ووينك ياسرير
صحيت 1 الظهر وكالعادة سناء الشغالة سوت ذيك الشكوشكة وافطرت وقلت اريح شوي وبعدها اشوف مكان جديد اروح له
شوي الا جوالي يرن طلعت زكية راعية المساج قالت كيفك اخبارك قلت بخير تسلمين
قالت وش رايك في حمام مغربي ملكي عند اوتيل اعرفه وراح تنبسط
طبعا عمري ماسويت حمام مغربي
قلت ماشي وين اجيك قالت تعرف مرجان ( سوبر ماركت كبير ) قلت معروف
قالت تعالي هناك وانا اطلع معك ونروح للاوتيل
وفعلا وصلت للمرجان وتطلع معي زكية ونمشي الين وصلنا اوتيل اسمه ( الوداية ) شارع عبدالكريم الخطابي
اتجهنا للحمام وقالت لي زكية تبي رجال والا بنت قلت بصراحة بنت افضل
المهم قالت اوك ودخلت مع حنان صراحة ماشاءالله تبارك الله جسم مصارعة
قالت خذ هالمفتاح وحط هدومك والبس الشورت وتعال قلت توكلنا على الله
دخلت مكان يشبه السونا ( طبعا عمري ماسويت حمام مغربي )
الجو كان حار كثير في الحمام وبدت حنان تروشني وشوي قالت الحين تكييس
تقصد ليفه تلبسها وتبدا بالدعك والله يجيركم طلع وسخ السنين
باختصار دخلت وزني 70 طلعت ووزني 60
خرجت بعد تقريبا ساعتين حسيت بدوخه عجيبة لاني فقدت كثير من وزني
عطوني براد شاي مغربي ومويه وقالو اشرب وريح شوي وبعدها البس ملابسك
المهم حساب الحمام 400 درهم وقالت لو مع الحمام مساج 700 درهم
حاسبتهم وودعت زكية عند باب الاوتيل وقلت ابي اروح مقهى ( ارماني ) عشان اشيش
وراح عن بالي انه يوم مباراة المنتخب المغربي مع منتخب ساحل العاج
المقهى في نفس الشارع الي فيه الاوتيل الوداية
رحت مشي وشكلي في هالاثنين كيلو الي مشيتها تعرضت للفحة هواء بارد
المهم دخلت المقهى زحمة موت دخلت تقريبا قبل تبداء المباراة بعشر دقايق شافني العامل قال حاجز قلت لا قال مرحبا بيك تعال هنا بس لاتنساني قلت ابشر بس شفلي مكان اجلس دايخ من هالحمام
كان قدامي طاولة جالسه فيها وحده وفجاة نبضات قلبي بدت بالتسارع حسيت انا انه فيه شي
اثاري ساره ( الكبيده ) دخلت المحل وجت وجلست قدامي هي ماانتبهت لي وانا كل جوارحي منسدحه على طاولتهم
شوي التفتت وضحكت واتجهت صوبي في هاللحظة كريات الدم البيضاء صار اكثر من الحمراء
وعطتني بوستين خدادي وقالت جاي تشوف المنتخب وتشجعه صح
قلت ايه اكيد من امبارح مانمت انتظر المتش ( وانا كذاب والله مدري ان فيه مباراه )
قالت ممكن طلب قلت طلبات مهو طلب قالت ممكن اعرف اسم العطر الي معك
عطري (ch) نسائي
عطيتها اسمه قالت ممكن اذ رجعت تبعثلي واحد منه انتم عندكم الاصلي
قلت انا الي معي جديد وهو مني لك هديه
( ولو كنت عارف انها راح تطلبه كان البنغالي الي بالسعودية راعي المحل ربطته بالعلبة )

قالت بصراحة ( حمود ) ( لي عشر سنين متزوج عمري ماسمعت حمود من ام طلااال )
قلت الروح ديال حمود قالت انت ظريف وحبوب
شوي بداء المتش وانا كل جوارحي مع اسود الاطلس عمري ماشجعت فريق بمثل هالحماس
الين الدقيقة 64 سجل عليوي الهدف
وقامت ساره ( كبيده ) من الفرحة واتجهت عندي وهالمره خربتها هي وحضنتني
يارب سترك نسيت وين انا فيه وحسيت ان الدنيا حلوه كثير
وجلست الين اطلق الحكم صافرة النهاية
وتودعت منها بعد ان باركت لها بالانتصار العظيم وكان العطر معي بالسيارة وعطيتها
وصدقوني لو طلبت عيوني راح افكها من راسي واعطيها ولن اتردد
رجعت للشقة وتغديت كبسة كالعادة ( عندهم رز بسمتي لكن الافضل خذ معك خشية من السعودية )
وجلست اسمع بعيد عنك ورقدت
ويوم الخميس الصبح اتجهت لمطار محمد الخامس في كازا رحلتي كانت الساعة 2 الظهر
بصراحة الشي المزعج من موظفي الجوازات والجمارك هو طلب الاكرامية
ووصلت القاهرة تقريبا الساعة 9 ونص مساء والانتظار ساعتين قبل العودة لارض الوطن
واول شي سويته يوم رجعت رحت للبنغالي الي في محل العطورات وعطيته بوسه
وهكذا انتهت رحلتي للمملكة المغربية الحبيبة ولكن اكتشفت اني رجعت بدون قلب
قلبي مع ساره لكن اوعدها راح ارفع قضية عليها في محكمة الغرام الدولي
اتمنى مااكون اطلت عليكم
وتقبلو تحياتي
ابو طلااال