يوميات مسافر

فضفضه لاترقى لمستوى تقرير اتمنى اقدر اوصل من خلاله بعض المعلومات اتمنى يستفيد المزاعيط ولو بقدر بسيط وسامحوني اول مره اكتب
الرحله كانت على مصر للطيران من الكويت ترانزيت ساعتين ونصف تقريبا وسعر التذكره 125 دينار حسيت انها لقطه فحجزت وصادف عندنا مناسبه الاعيلد الوطنيه ولو انها يوم واحد سبكتها مع الويك اند رحله من الكويت للقاهره اقل من ثلاث ساعات ومن القاهره لكازا خمس ساعات ونصف الخيارات كلها كانت صعبه مافي طيران دايركت من الكويت وتعبت بصراحه وصلت مطار كازا وكنت حاجز عند الحبيب ابوسيرين رجل يخجلنا بكرمه واخلاقه استأجرت سياره بسعر خاص لاني زبون قديم معهم
وصلت المطار ولقيت مسجات من الاخ عبدو بمجرد تركيب الشريحه من اتصالت المغرب واتصلت عليه وكان منتظرني امام المطار رحت مكتب وفا كاش وفتحت حسابين كل حساب 99 درهم وانصح بهذي الطريقه اللي استفدت منها والفضل يعود للاخوان بالمنتدى وخاصه المبدع الكومسيير مخربها سابقا اودعت المبلغ اللي كنت محوله على الويسترن وهذي طريقه مفيده وفيها فرق كويس عن الصرف من صرافين الكويت
اتصلت على عبدو وكان رجل محترم مجرد توقيع وسلمني السياره واستلم الفلوس بالكامل وحطها بجيبه ولا عد المبلغ
لنا عودة قريب ان شاء الله

متابع
في انتظار التكملة

متابعة

منورين
اخوي الذوق فيتا
والاخت العزيزه مجنونة كازا

بداية مختصرة متابع

خرجت من المطار متجه الى مراكش وكنت حاجز شقه عند اخونا ابوسلمان في غليز وصلت وشفت الشقه ومارتحت المنطقه مخيفه واحس ان العيون كلها علي مع اني لحالي ومامعي احد ماني متعود على منطقه شعبيه وحركة دائمه وقتها حسيت الدنيا صكت فيني الدنيا وراودتني افكار اني اكنسل وارجع ١٧ ساعه متواصله من الارهاق والتعب وانتظار الحقائب قررت اني انام بالشقه وثاني يوم الف بنفسي وادور بالمكان اللي انا متعود عليه شارع محمد السادس وفعلا لقيت شقه غرفه وصاله ب ٨٠٠ درهم وانا انصح الشباب يريحوا اول يوم بكازا وثاني يوم يدور وسهل يحصل ولايكون اتكالي بعد مااستقريت بالشقه حسيت اني تو وصلت للمغرب وفعلا مثل مايقولون ثلاثة ارباع السفره هو راحتك بالسكن طلعت على فترة الظهر تغديت بمطعم للاسماك بغيليز وهو قريب من ماكدو اكلهم لذيذ غداي كلف ٣٠٠ درهم وهو عباره عن سمكه ونصف كيلو روبيان لزوم الباور وسلطه وكولا
جلست اتمشي بغليز وتقهويت باحد الكافيهات وبعدها على مرجان اخذ جميع احتياجاتي والسعر الله يديم الرخص ٤٢٠ درهم خرجت من مرجان وتوجت لمطعم لسلسلة فذركيرز بجانب مرجان اخذت ستيك وسلطه والسعر معقول ١٤٠ درهم على الساعه العاشره توجهت لقصر النخيل وكان متغير عن اخر زياه لي الطاولات صارت اكثر ترتيب والخدمه افضل والفنانين زادوا عن قبل فبه فنانه مغربيه صوتها حلو وفنان مصري جديد علي صوته حلو بس كثير هذره وازعجنا بالدكتور فلان واعلان وذكر القبايل وصوت الحسن بينادي ياصحراء حسسني داخلين حرب .الخيارات كثير فيه طاولات على البست بسعر والباقي على الطلب الشيشه ب١٥٠ درهم والمشروب ب١٠٠ وللاسف معسل العنب اللي متعود عليه موموجود مثل السابق انتهت السهره على الساعه وحده الصبح وجلسوا يسحبون فيني تعال اسهر معنا اعتذرت ورجعت للبيت اخذت راس شيشه ونمت

متابعتك شرف لي يالغالي

حيا الله ابو مبارك
كذا الترتيب والله

__________________
سأظل أتنفس الأمل والتفاؤل وأضيء الكون بابتسامتي رغم كل شيء

هلا اخوي ابومبارك تقرير مختصر ووافي
متااابع

هلا والله بدينو المنتدى
والله يا اختي احاول اجتهد اوصل اللي اقدر عليه للاحبه ومستوى الموضوع جدا بسيط