مساعده يااخوان على استفسار بيع شقه

السلام عليكم ورحمة الله
يااخوان عندي شقه في سلا شريتها قبل كم شهر والحين بغيت ابيعها وقالت لي الموثقه ماتقدر تبيعها الا بعد 6 سنوات هذا قانون وموجود في العقد الان ابي ابيعها كيف وايش الحل ؟ لاني محتاج فلوسها

ليه ماتقدر تبيعها الا بعد ٦ سنوات؟؟؟ قانون مين يا عم

روح للسفارة وخليهم يشوفون لك (( محامي )) فاهم بقوانين العقار

الشقه انت شاريها اقساط علي بنك مغربي او دافع كامل المبلغ

__________________
ان تكون مجنونا في ارض الجنون خير من ان تكون العاقل الاوحد

اذا شاريها اقساط علي بنك مغربي انسي انك تبيع قبل انقضاء الاجل الادني للبيع

__________________
ان تكون مجنونا في ارض الجنون خير من ان تكون العاقل الاوحد

كلامك صحيح 100%..

عزيزي الكريم دام الموثقه قالتلك هالشي انه موجود بالعقد هل اطلعت عليه قبل ماتوقع وفهمته ؟

القانون المغربي للعقار بخصوص تملك الاجانب مختلف عن اي دولة

مثلا يختلف بحسب اقامتك بالمغرب هل هي اقامه دائمه او موقته عند البيع

وكل الكلام هذا يعتمد على نوع العقد اللي انت اشتريت فيه الشقه هل هو عقد الليزينك
ولا كاش

فياليت تبين لنا وش نوع العقد اللي شريت فيه شقه

اما موضوع الاقساط على بنك مغربي مو بالسهوله اللي يتوقعها البعض

البنوك بالمغرب تشترط اشتراطات صعبه جدا لشراء الاجنبي بالاقساط عن طريقهم

فاعتقد انه شاريها كاش

السلام عليكم
الشقق الي يتطلب فيها عدم البيع الي بعد مرور خمس سنين هي شقق السكن الاقتصادي اما دون ذلك فمن حقك تبيع الا اذا كانت العقد الي انت مضيت عليه ينص على عدم البيع الا بعد فترة محددة والبيع بعد فترة وجيزة فيه خسارة لك لانه الدورة راح تحسبه متاجرة بالعقار وتفرض عليك رسوم زايدة لكن اذا كنت مصر على البيع استشير مع محامي وممكن تبيع بعقد وعد بالبيع ولما تكمل المدة اتمم الاجراءات

شكراً لتجاوبكم يااخوان
بالنسبه الي يستفسر هل انا شاريها كاش او عن طريق البنك لا طبعا شاريها كاش

والاخت اسماء/ السكن ليس اقتصادي والحي جديد في سلا طريق قنيطره
وبالنسبه للعقد والله مااذكر فيه هذي النقطه او لا ولكن ماجاء على بالي واحد بالميه احد يمنعك من شي شريته بمالك مهما كان القانون وانا اتصلت على صديقي عشان يرتب لي موضوع البيعه قبل اسافر للمغرب وقال هذا كلام الموثقه واستغربت

وعلى قول المثل أهل مكه ادرى بشعابها
أبغا تجاوب الاخوان والاخوات المغاربه بحكم معرفتهم في البلد وماهي الطريقه
والاخوان الخليجيين الي شارين او عندهم خبره في هذا الموضوع
ولنفرض ان هذا صحيح موجود قي العقد كيف الحل اني ابيعها لظروفي الطارئه ابي استعجل في هذا الموضوع

تواصل انت مع الموثقه بنفسك وافهم منها افضل
ممكن في لبس او غلط بالموضوع
اذا تحتاج مبلغ معين تقدر تدور علي احد ياخذ الشقه بموجب رهن لمده معينه