ذهاب مؤكد وإياب مجهول

السلام عليكم ورحمه الله وبركاته
اسعد الله أوقاتكم يامزاعيط المغرب
فكرت في فكره واطلب منكم قبولها او رفضها
الفكرة هي ان أحجز تذكره ذهاب فقط من السعودية الى المغرب
وان اترك حجز العودة من المغرب
لأنني اريد أخذ راحتي يمكن اجلس اسبوع ممكن شهر لااعلم
ومتى ماطابت واخذت كفايتي حجزت ورجعت
هل سبق ان احدكم سوى كذا
وهل هذه الفكرة خيار افضل او خطا

__________________
ليت لي من عناء البعد راحه
يابهجة الخاطر وكثر الأمنيات

هذا نظامي و مرتاح عليه جداً
اهم شي ان ميزانيتك تمام
اذا طولت في مراكش ما انت مكمل عشر ايام
جوها حق ثلاث اربع ايام بالكثير خمسه
انصحك بالمدن الاخرى ولا يمنع مرورك بالارياف
الله يسمح دربك و تعود بالسلامه

اذا الميزانيه عندك تسمح بذلك ليه
بس فيه ناس يحجز العودة ويقيد نفسه فيها عشان ما ينسا نفسه سنه وهو ياجل الرجعه هههههههههه

الفكرة حلوة جدا
بس انت مرتبط باشياء كثيرة بالسعودية

ومثل ماقال خالد لو نترك انفسنا ومانتقيد بتاريخ للعودة
يمكن ننسى انفسنا عندهم

يقول الشاعر المزعوط المتيم الولهان :

اجمع حصيلي ثم سافرت عجلان

غاوي ومن مثلي على الدرب غاوي

اروح للمغرب وانا البوك مليان

وارجع وبوكي يشهد الله خاوي

ولانيب متحسف ولانيب ندمان

هذي طرات العمر لاصرت هاوي

حياك الله يا مزعوط
احجز وقت تقريبي
واذا وصل الوقت وخاطرك ما طاب
غيره ب 250 ريال وانتهينا أوفر مادياً
ويخليك تذكر ديرتك
المفلوته الله يكفيك شرها

__________________
كل ما جيت أبسلى عن غرامك وأتوب ... جددت جرح قلبي كل نسمة هبوب...

انا بالفترة الاخيرة ماصرت احجز عودة ,, لاني تعبت كل شوي مغيير
وبعض التذاكر تصير غير قابله للتغيير او الاسترجاع وكذا
يعيبها انك بتنسى نفسك وبتلاقي نفسك لك شهرين في المغرب

لكن انا صراحة ماصرت احجز عودة الا وانا هناك .
وسهل انك تحجز عودة من موقع الخطوط على الانترنت ,, طبعا لازم يكون عندك فيزا
واذا ماعندك كلم الفندق يحجزلك واذا كنت في مراكش عندك مكتب الدرقاوي بالنخيل يسويلك اي حجز تبي
وبالنسبة لااسعار التذاكر من تجربة ماتتغير ... لو تحجز قبل الرحلة بيوم
واذا تغيرت ماتتعدى 500 ريال

موفق

والله انا هذي طريقتي وعندي فيزا مسبقة الدفع اشحن فيها مبلغ حلو عشان حجز الطياره العوده اجلس المده اللي اكون خلصت كل شي براسي لاني مو من الناس اللي اطلع في السنه اكثر من مرتين اذا خلصت كل اللي براسك احجز عوده وادفع بالفيزا وانتهى الموضوع

لا تعود النفس تسوي كل ما تطلب اثرها ما يبين الا بعدين
بخصوص المغرب اعطي نفسك مجال تشتاق له ، هذا بحد ذاته شعور جميل

سويتها مره وتورطت تنفع للي ميزانيته مفتوحه
اما تحجز غالي ونتظارات بعد او ترجع في يوم ماودك ترجع فيه عشان الميزانيه

خوووش فكرة وياليت تصلح معنا

سبب العودة مرتبط باشياء كثيرة كداوم او ميزانية او ارتباطات اخرى

الافضل احجز حجز تقريبي مع اختيار تذكره مرنه بتغيير الحجز وبكذا تستطيع التحكم بوضعك