تجربتي مع مكتب تأجير السيارات Location Auto

في البداية احب اشكر جميع الاخوة الاعضاء المتواجدين في المنتدى على مشاركاتهم التي استفدت منها كثيرا" و حمستني اني اشترك في هذا المنتدى و مشاركة تجربتي التي للأسف تم النصب علي فيها من قبل هذ المكتب.

انا مذهبي في السفر كان و مازال لا احب التعامل الا عن طريق الاونلاين في كثير من حجوزاتي ان كان فنادق, شقق او فلل في اي مكان في العالم و لا احب شغل خليها بتساهيلها لمن نوصل المكان نسبع نفسنا او اني اتصل على شخص و احجز عن طريقه احب كل شي يكون مرتب و ضامنه من موقع معتمد عالنت........ المهم خلونا مني و من فلسفتي


و كان سعرهم منافس الصراحه لأغلب المواقع المشهورة المهم استئجرت سيارة بيجو اتوماتيك ديزل لمدة 14 يوم, تم استلام ايميل منهم بكل تفاصيل الحجز و كم المبلغ الذي سيدفع للمكتب عند استلام السيارة. اول مشكله واجهتني لما وصلت مطار كازا و رحت عالمكتب انو السيارة اللي طلبتها ماهي موجودة لكن راح نعملك اب قريد و نعطيك رانج ايفوك....... انا في البداية كنت معارض للفكرة لانه لبشه و مبلغ التأمين عالي جدا" لكن مع اصرارهم و تزيين السيارة في عيني مشيت وراهم و قلت يلا قدااام و ياليتني ما اخدتها.

لانه في كل تفتيش توقف و لازم زي منتو عارفين التدقيق في كل شي و اذا ما لقي حاجه يطلب صراحه بلا خجل فلوووس, المهم هذا ولاشي قدام اللي صار لمن رجعت السياره سلمتها في المواقف حقت المطار و وقعت ورقة التسليم ما كان فيها حاجه السيارة و لله الحمد لكن لما نزلنا من المواقف و قبل نطلع من مكان المواقف و ندخل البوابه سمعنا احد ينادي من بعيد, طلع الاخ اللي استلم مني السيارة رجعت له و قالي انو الزجاج الامامي فيه ضربة ف اتفاجئت و رحت اشوفها لقيت شطب صغير بحجم حبة الحمص ف قلتله مرجعني من عند البوابه على هرجه تافهه اعتذر و قال لازم نعدل الورقة انا افتكرت انه ماراح تكلف شي لكن لما راجعت المكتب بعد ما انتهيت من شحن الشنطه هنا دورني قالو في المكتب ان التكلفه راح تكون 15000 درهم و بعد جدال و اخد و عطى ما طلعت من عندهم بشي المشكله اللي قاهرني في دا كله ان الشطب لايمكن تنتبه له لانه مو في الوسط او في مكان واضح كان في اسفل الزجاج قريب من الطبلون مع اللون الاسود ما يبان لكن كيف النابغه طلعه و شافه مدري كيف.
قلت امكن الموقع يفيدني طلع مالهم اي سلطه عليهم و قالو انهم فقط همزة وصل بيني و بين المكتب و المفترض انك تتفاهم. المهم ما طلعت منهم بشي و المبلغ انخصم من التأمين و راحت فلوسك يا صابر............ و هذي هي كل الحكايه