متواجد الان في مراكش الروز قاردن

الحاجات دي ينسمع فيها بس ما تلقاها وان لقيتها طلعت ماتناسب وضعك

بنسوي حمله ( الناس تبي ارقام ماتبي كلام )

بالظبط هذا المطلوب بالذات الناس الي يسافرون اول مرة وين يلف وهوا مايعرف شي

الروز ...خلاص انتهى
المسئؤلون باهمالهم كتبوا نهايته

والله انا وقعت فخ لان كثير هنا في المنتدى ينصحون فيه


وتفاجأت بواقعهم يوم وصلت وشفت بعيني


اتمنى تحذير المزاعيط الجدد من السكن في الروز قاردن

لانه سعر مبالغ فيه مقابل خدمة زباله

يارجال كلامنا صاحب السناب الروز قلنا له سمعت ماحد يذكرها بالخير يقول يمكن ليش لا بس لو تجي ماتحصل فله او شقه كلها فل

وليش مايسون عليه حمله

كلامه مردود عليه

انا جاي من عندهم الاسبوع اللي فات

ما أنكر ان في كثير ساكنين في الروز ونسبة كبيرة منهم مستجدين بمراكش لذلك ياخذ على اللي سمعه ان الروز افضل شي

لكن في فلل كثيره فاضيه ومقفله ويلعبون عليك يقولون مافي الا هذي الفيلا كل شي فل

وإذا شافو الزبون صامل وماعجبه السعر وبيطلع من الريسبشن قالوله تعال وعطوه سعر اقل او غيرو له الفيلا وهذي حصلتلي شخصيا



قابلت قروب في الريسبشن كأنو يسوون تشك اوت كان واضح انهم منزعجين يقولون انهم من رواد الروز من عام ٢٠٠٧ وآخر زياره لهم كانت ٢٠١٢ ع كلامهم انه كان اول افضل وأنظف وارخص اما الان خلاص انتهت علاقتنا فيه وتوبه نرجعله

انا كنت دايم اسكن بالروز وكنت اعرف صاحب الروز ابو ادم وشافني كل فتره بسيطه اجي ومسكني وقال انت ليه ما تكلمني وانا بنفسي احجز لك بسعر اقل من اللي تاخذه من الوكالات قلت له اوك
المهم بعد فتره بسيطه كلمته وحجزت عنده وفعلاً عطاني سعر اقل لكن المصيبه وين؟
هو قال لي اتصل علي قبل ما تجي بيومين انا قلت له اوك
وفعلاً كلمته قبل الرحله بيومين وصار ما يرد علي وارسل له واتس ولا يرد علي المهم جلست احاول الى قبل الرحله بخمس ساعات واخيراً رد علي
وقال مافي لك حجز وانا مو فاضي ومشغول ودبر نفسك مع الوكالات يحجزون لك وكلمت الوكاله اللي كنت احجز عندها قبل وقالي فل
تخيلوا باقي على الطياره ويقولي كذا وهو بنفسه اللي قال لي احجز من عندي لا تكلم الوكالات
طحت بموقف لا احسد عليه
المهم دبرت نفسي وحجزت بمكان ثاني واكتشفت بعد ما جربت منتجع ثاني اني كنت ضالم نفسي بالروز واي مكان ثاني افضل منه بكثير وقلت لو اشوف ابو ادم ابي اشكره انه جحدني لاني لقيت اغلب المنتجعات افضل من الروز بالنظافه والراحه وبكل شي
وحتى كمية الكآبه اللي شفتها موجوده بالروز ما شفتها في اي مكان ثاني
بالاخير الحمدلله اني تركت الروز نهائياً
الكلام هذا قبل شهرين
وبرجع لمراكش بعد اسبوع ولا فكرت اكلم الروز

اشهد انك جبتها من ناحيه الكآبه كئييييب وموحش ومافي اهتمام بالممرات وقص الأشجار

وفعلا ربعنا اللي عاجبهم الروز قاردن يحسبون كل مراكش بنفس المستوى مايدرو ان الروز زبالة مراكش

ياعالم تدرون وش الحسنه الوحيده للروز قاردن برنامج العصر الي المساء اللي في المسبح والا غيره مايستاهل

غريبه مع انه فيه فلل جديده