تجربتي مع مكتب عمر لتأجير السيارات

السلام عليكم ورحمة الله وبركاته

من لايشكر الناس لايشكر الله

تجربتي مع مكتب عمر صراحة تعامل قمة في الروعة
طبعاً استأجرت ( رنج ايفوك ) الشروط مافيها اي تعقيد ترسل صورة الحجز والرخصة
قبل السفر بكم يوم يتواصلون معي ويذكروني بموعد الوصول وان السيارة جاهزة
في نفس يوم السفر ايضاً تم التواصل معي وانا متوجه للمطار وان الشخص في انتظارك وعطوني رقمه عشان اذا وصلت اتواصل معه
تم الوصول وتم التواصل معهم وفعلاً الشخص كان في انتظاري في المواقف
واستلمت السيارة مافيه اي رهن جواز او شروط ثانيه سلمهم الفلوس واستلم الموتر
واميال مفتوحه وتأمين شامل وموتر نظيف ماشاء الله
وبعد كم يوم تواصلت معهم واستفسرت عن علامة ظهرت في السيارة وفي اقل من ساعة تم التجاوب
وبعد عشره ايام طلبت التمديد وفعلاً تقابلت مع الاخ اشرف وسلمته فلوس التمديد واعطاني عقد جديد في اقل من عشر دقايق
وعند ارجاع الموتر لافيه قروشة في التشيك ولا نظام عطني اكرامية او يدورون مشاكل في السيارة
وهذي يشكرون عليها لثقتهم فيك وان الشخص جاي ينبسط مو جاي يخرب

صراحة شكر من القلب على حسن التعامل والادب من العاملين في مكتب عمر
واخص الاخ اشرف والاخت فاطمه ماقصروا معنا صراحة الله يجزاهم خير ويرحم والديهم

تقبلوا تحياتي

مشكوووووووور على نقل التجربة

حلو

شيء جميل
..
المكان التجاري و الاستثماري الذي يتعامل بالوضوح و الصراحة و الصدق و الامانه سيجد الطريق مختصراً للنجاح و التوفيق و الرزق الواسع بإذن الله
..
اما الذي يتعامل بالغش و الخداع و التحايل و التذاكي فسيكون ( ماله ) وبالاً عليه و مرض و مصائب لا نهاية لها .. و ان طالت الليالي و الايام

.
اتمنى التوفيق للجميع

اصدقاء لي صار لهم العكس
تاخير بالمطار
السيارة المتفق عليها تغيرت
فاطمه ارسلت شخص مريب يتخبى عن الدرك

أخوي الغالي فهد

والله هذي تجربتي معهم لا اجاملهم ولا اعرفهم لكن هذا الي صار معي

وشلون شخص مريب يتخبأ عن الدرك السيارة بتستلمها في المطار يتخبأ ليه والدرك اصلن مايجيك في المواقف وحتى لوجاك اوراقك نظاميه

اخوي ابوعلي ابدا ما شكتت بتجربتك

بس يمكن فرقت انك ماخذ رونج ايفوك واصدقائي اكسنت

على ما يبدو لي معامله على قدر الدراهم وسلامتك

جزاك الله خير على نقل تحربتك واتمنى لهم الاستمرار على هذا المستوى وافضل لخدمة الاخوه الاعضاء

فعلاً ممنوع ترا تسليم سيارات الايجار في الايقاف الموقت عشان كذا يحاولون يتهربون من الشرطة او الطريقة الافضل مية درهم يعطيها صاحب وكالة التاجير للشرطي ويتغاضى عن الموضوع

يستاهلون ونفس ما واجهت من تعاملهم الطيب

واجهته انا شخصياً

وهذا أهم شي التعامل الطيب والخلق