بخصوص الاتصالات

صبحكم الله بالخير ياجماعة

ابي نصيحتكم بالنسبة لجوالي السعودي لا جيت المغرب
خبركم حريمنا عندهم حساسية من المغرب
السؤال:
عندما يجيني اتصال من السعودية هل الرنه تغير
او الرد الآلي يكون باللهجة المغربية او اللي يرد حرمه؟؟؟؟
وكيف اقدر اسوي عشان افتك من ذا الشغلة ؟
افيدونا يا أهل الخبره
وهل خدمة صدى تنفع ؟؟؟

حطه على موجود اكسترا قبل ماتطلع من السعودية ودربك خضر

صباح الخير
اذا بغيت تتصل من جوال مغربي اضغط وبعدها الرقم بدون صفر966#31#

اخوي اذا بغيت جوالك تقفله واذا احد يتصل عليك حوله على الرقم صفر ثلاثه بعدها اذا دق عليك احد يعطيه الرقم غلط او الاتصال فيه مشكله جربها الان وهل واحد يتصل عليك ورد لي

ماعندك مشكله حتى لو شغلته هناك و طفيته او كان خارج نطاق التغطية او مافي اشارة ... الرسالة الصوتية اللي تجي للمتصل من مشغلك في السعودية.

سابقا ... كان تجيك رسالة صوتية من المشغل المغربي اذا جوالك مطفي او خارج النطاق.

يعطيكم العافية ياحلوين ماقصرتوا

بالنسبة لي جميع سفرياتي لأي دولة ، أقفل الجوال السعودي وأنا بالمطار . الواتس يقوم بالواجب وأكثر .

موجود اكسترا وريح رأسك
لان النغمة تتغير والشبكة احيان ما تكون في تغطيه والرد الآلي عندهم نكبه :)

انشهد نكبة وياما جابت العيد بالعالم

الافضل لعملاء stc هي خدمة موجود اكسترا

بالنسبه لزين خدمة الاشعار للمكالمات المفقوده نفس خدمة اكسترا ويوجد لديها باقات تجوال ٣ ايام واسبوع وشهر بخصوص المكالمات داخل المغرب وللسعوديه

اما موبايلي للاسف لايوجد بينها وبين شركات الاتصال بالمغرب اي شراكة لتقديم خدمات التجوال

فبتالي تكلفه عاليه جدا عند تشغيل التجوال الدولي

الاهم بالموضوع لعملاء stc وزين هي تفعيل خدمة موجود اكسترا واشعار المكالمات المفقوده قبل صعود الطائره لتجنب العلبه الصوتيه