حكايات كويتي ... في بلاد الزعطه

والاتصال بالسفاره وشرح الموضوع للسفاره ماتتركهم وتوكلهم محامي وتابع قضيتهم وعندها سفاره درايه بعمليات نصب والابتزاز وحماية الرعايا .
الموضوع فيلم واستقلوا خوفهم

20000
كثييييثر والله

انا دفعت 100 درهم على مخالفة كنت غلطان فيها فعلا ومتحسف عليها
كنت اكلم بالجوال وانا اسوق السيارة
ونط علي هالادمي ماادري من وين
الا وهو واقف بوسط الشارع
روعني الله يروعه
المهم مالكم بالطويله
اعطاني محاضرة في الاخلاق ومحاضرة في ظبط النفس واعطاني دروس حق عشرين سنه قداام

طلعت 100 درهم وانطرم
قال زودها عطلنا السير
قلت ماعندي الا هذي

اخر شي شافني ملزم مافيه زيادة
اخذ المية درهم وقال سير خويه

هههههههههههههه نسته المحاضره والاخلاق والمبادي ١٠٠ درهم ليتك اعطيته من الاول قبل مايحل حلقه .هههههههههه

حكايات كويتي ... في بلاد الزعطه
نكمل معاكم الحلقه الثانيه من مواقف المغرب واللي تتعلق هالمره بتأجير السيارات
وصلت مطار كازا بروحي وهالمره ومن سوء التدبير اني قررت اغير المكتب اللي اتعامل معاه بسبب فرق في السعر خمسين درهم ... استأجرت السياره من شخص عند الباب ولاني تعبان ومستعجل لم ادقق بالعقد ولم اتاكد من وجود مكتب
المهم وقعت العقد وقالي صاحب السياره اذا ممكن توصلني علي طريقك منطقه قريبه جدا من المطار ... المهم قلتله حياك وقالي انا راح اسوق لان الطريق زراعي وانا ادل وعشان ماترهق نفسك قلت اتفضل
وفعلا تولي القياده الاخ النكبه وبنص الطريق حدث مشهد من مشاهد الافلام المصريه
سياره مرسيدس قديمه فيها اثنين بحجم الثيران واجبرونا علي الوقوف بجانب الطريق ونزلوا صاحبنا وارتفع الصوت بينهم وانا اراقب المشهد من دون تدخل وعندما حاولت الاستفسار اخبرني صاحبنا ان الموضوع شخصي لكن بعد دقايق شاهدت صاحبنا تحت الضرب واللكم واللي يحب النبي يضرب
وهنا اخذ صاحبنا يصرخ ويقول لي العقد معاك والسياره تحتك روح ومالك شغل باحد وللامانه لم يكن صاحبنا بالسهل فقد كانت معركه حاميه اخذوا هم نصيبهم منها
المهم اخذت السياره وحركت ودوخه بين المزارع حتي وصلت الطريق السيار لاغادير وهناك وبعد نوم عميق بعد تعب السفر والمشكله اللي حصلت بدت مشاكل السياره يوم كفر مبنشر ويوم ثاني البطاريه
والمشكله كانت بعقد الايجار حيث وقفني رجل مرور واحتار بالعقد وحتي اوراق السياره مومضبوطه ... المهم كانت سفره منيله بستين نيله... رجعت المطار وقبل ما اسلم السياره كنت عند صديقي اللي دايما استأجر منه شافني وضحك وقال شلون تخليني وتستأجر سياره من شخص مشبوه... قلت لحظه انت شدراك قال حنا اصحاب كار واحد ونعرف مشاكلنا ... وراح اقولك شنو المشكله اللي احصلت معاك
الشخص اللي اجرلك السياره موصاحب مكتب والعقد اي كلام لانها سيارته الخاصه وهو متعود يسرق الزباين من اصحاب المكاتب اللي يدفعون اجارات والاخ هذا يخرب عليهم رزقهم
والسياره اللي الحقتك وامسكوه بالجرم المشهود هذولا اصحاب مكتب ... وطبعا تدخلت الشرطه بينهم والحين انت الشاهد
قلت طلعني منها طيارتي بعد شوي
والحمدالله كلمنا صاحب السياره وكان وجهه مشخبط من الطق واستلم السياره وفكنا الل منه ومن شره
الخلاصه خلك نظامي وارتاح بالذات السياره والسكن وسلامتكم

انت مخالف ولو اعطاك ورقة المخالفة كان المبلغ ومشوار سدادها وتخليصها بيكلفك اكثر
استخدم سماعة إذن وكلم براحتك وانتبه لطريقك جيدا

__________________
ليت لي من عناء البعد راحه
يابهجة الخاطر وكثر الأمنيات

مره من المرات أربعة من أبناء عمومتي في مصر ايّام حسني مبارك يوم كانت مصر بخير وعز وهيبة
ركبوا تاكسي درويش روح يمين روح يسار يتمشون في القاهرة الا دخلوا بالصدفة على مبنى أمن الدولة !!!
العسكر على طول اعتقلوهم ودخلوهم داخل السجن بالمبنى
المهم نقز واحد من عيال عمي واتصل بسفارة وطلبت السفارة مكالمة الضابط وكان برتبة مقدم وقالت السفارة اطلقوهم الان قال الضابط طيب لكن خلهم يعطوني لان معي ضباط لازم اعطيهم قالت السفارة اوك خذو خمسة آلاف جنيه وأخذوها وفكوهم

يعني هنا معقوله داخلين على مبنى أمن الدولة وفيه لوحات تحذر من العبور والاقتراب ولكن انعموا عنها

__________________
ليت لي من عناء البعد راحه
يابهجة الخاطر وكثر الأمنيات

اغلب مشاكل السياح خاصة في الدول العربيه السياحيه تكون مع الشرطه والسبب بسيط هو غياب القانون وحتي لوكنت تعرف القانون فلن ياخذ حقك ... والقانون الوحيد هو البخشيش وبس

رهيب اللي مؤجرك سيارته مكافح وساطي
بصراحة الكويتين أفضل الخليجيين بالسياحة والسفر
وثقافتهم واسعة بالسفر والسياحة
لكن انت ماادري كيف جاي

__________________
ليت لي من عناء البعد راحه
يابهجة الخاطر وكثر الأمنيات

ههههههههههههههههههههههه
ماجرين الشقق الله يقطع بليسهم
السفاره ماادري ليه الشباب متخوفين منهم
السفاره توقف معاهم وفاهمه كل شي واي مشكله تواجهك فالمغرب اول ماتهددهم بالسفاره يعرفون انك فاهم وتتبدل معاملتهم اهم شي تكون حازم وماعليك منهم .
اما المخالفات فاسدين بخشش مية درهم واذا طلب زياده قوله ماعندي .وتسلم من مخالفه ٤٠٠ او ٧٠٠ درهم

طيب لو قلنا ماراح ندفع بخشيش في مواقف غير مخالفة للقانون أو تهمه جنائية
ايش راح يصير

انا سويت هذه التجربة معهم ماهو بخل وإنما بشوف

وقفونا ضباط وانا داخل مطار محمد الخامس عند الوصول وطلب فلوس ورفضت ورجعنا ولطعنا اكثر من ربع ساعه ولما شافني ماراح ادفع نهض غاضب وأعطاني ظهره وترك مكتبه خاوي وجلست لحالي على الشباك انتظر ختم الدخول وجاني ضابط اخر قال ادفع وامشي قلت ماعندي فلوس وديال ايش اللي ادفعه والله ختم الدخول ووجهه من الغضب يفور ودخلت المغرب اضحك
ومره اخرى وانا طالع من مراكش لأكادير وقفونا ضباط وقال انت مسرع وقلت ماهو صحيح قال الكاميرا صورتك قلت اسمع فلوس ماعندي ولا درهم شوف حل ابمشي قال هات 400 درهم قلت ماعندي وانا نبهت خويي قلت لو تدفع درهم ترى فراق بيني وبينك وايضاً خويي بغى يدفع وأعطيته نظرة حاره ورجع يده
بالاخير قالوا سيروا وتوصلوا بسلامه

__________________
ليت لي من عناء البعد راحه
يابهجة الخاطر وكثر الأمنيات