سياحة سياحة ولاهي سياحة كيني ميني

السلام عليكم ورحمة الله وبركاته
اسعد الله اوقاتكم بكل خير اين ما كنتم بالوطن العربي الكبير من المحيط الى الخليج

انا واعوذ بالله من كلمة انا سائح حقيقي ابحث عن جمال الطبيعه والتاريخ والحضاره وهذه المره وجهتي دولة المغرب الشقيقه

وكنت متحمس جداً للسفر اليها ، حتى دخلت موقعكم هذا المزاعيط

وعندها اصبحت في حيره من امري !

الكل يتحدث عن استغلال الخليجيين و الدرك ومادراك مالدرك !

والكل يتحدث عن ميزانيات كبيرة تكفي عائلة في اوربا لمدة شهر !

والسماسره ومالسماسره !

علماً ان عددنا شخصين ( شباب) وجهتي طنجة وما حولها والا ارغب في كازا او مراكش

استفساراتي كالتالي :-

س١ هل الاسعار في البوكينق غير مناسه علشان اعتمد على السماسره ؟

س٢ هل ينصح بالسكن بالشقق ؟

س٣ اذا استاجرت سيارة من مطار كازا هل يسمح لي الذهاب فيها الى اسبانيا ؟

س٤ ماهي اسعار التنقل بالعبارة من طنجة الى المدن الاسبانية ؟ وسعر شحن السيارة ؟

س٥ ماهي التكلفه باليوم الواحد للسكن النظيف والسيارة الاقتصاديه و المعيشه ؟


بالنهاية من لديه نصيحة ينصحني بها وجزاكم الله خير

وعليكم السلام
اول شي رحله موفقه انشالله وراح تستانس كثيييير في المغرب من جمال الطبيعه والاكل والتعامل الطيب ودام وجهتك سياحه فيها اشياء كثيير عموما اخلي التفاصيل للاخوه المزاعيط عشان يفودونك بالشي الصح الواقع من تجربه بس راح انصحك بنصيحه وحده وهي لاتخلي شي بخاطرك دامك بالمغرب الجميل الله يعمرها بلد
تقبل مروري وتحياتي لك ورحله سعيده انشالله

رحله سعيده لك ياخي الغالي

حياك الله وسفره سعيده مقدما
انصحك انك تطلع على فلوقات وتقارير .. من خلال اطلاعي لتقارير كثيره بما ان خطتك مثل خطتنا مافي كيني ميني هههه انصحك تأجر سياره من كازا وتخبرهم انك ناوي تزور اسبانيا علشان ورقة العبور .. الصرف من البنك الشعبي في المطار وكثير ينصحون انك تعد وراه مره ومرتين .. الدرك ماعليك منهم مادامك بالسليم احترم النظام وادعس ..
بالنسبه العباره تطلع لها انت وسيارتك من ميناء طنجه . انا حاولت احجز من النت لكن قالوا لازم لوحة السياره والمكتب قالوا السيارات كثيره ومانعرف اي سياره راح تكون من نصيبك .
انصحك تحجز من بوكنج بفطور بموقف مجاني واهم شيء تطلع على تعليقات وتقييمات اللي سكنوا قبلك .
عندك طنجه تطوان شفشاون افران فاس مكناس.. احنا مثلك كنسلنا مراكش واغادير .
آخذ معاك تلبيسات مخده و شباشب تكرم لدورات المياه ولاتنسى سجاده الجيب.. اممم قالوا عن الافياش انها غير بالمغرب بس لسى ماتأكدت .. ياليت الإخوان يفيدونا يكفي فيش عالمي ؟؟
اهنيك انك رايح كسائح مو مثل غيرك ... الا شرايك تأخذ معك ام تميم ههههه
الله يوفقنا ويوفقك في هذي السفره

على حسب مااعرف اخوي انه ممنوع سيارة الايجار تطلع خارج حدود المغرب
والله اعلم