تحذير من مكتب اتصالات المغرب في مطار كازا

سلام عليكم
باختصار نزلت المطار واخذت شريحه من عنده ب ٢٠٠ درهم
مع نت وفيها ساعتين مكالمات او ١٠٠ دقيقه والله مااتذكر وشريت من عنده ومشيت
المهم رجعت الفندق وكلمت مكالمه وحده بس وفصل الخط والنت مااشتغل خالص
من حسن الحظ ان رحلتي اليوم الثاني الى اقادير من مطار كازا ومريت عليه قم
يلف يدور شوي وخليته يشحنها من جديد ،
المهم لاتتعملون معه شوفو اي شركه ثانيه

__________________
أشهد ان المفارق من عظيـم البـلاوي== مير هـذا نصيبـك يالعيـون الشقيّـه

اتصالات المغرب ممتازه ..

لكن الافضل بعد ماتشتري الشريحه تفعلها وتتأكد من الرصيد قبل ماتمشي سواءً من اتصالات المغرب او من غيرها .

__________________
لاتسمع كل ما يقال ولا تقول كل ما تسمع.

بالعكس مكتب اتصالات المغرب اللي في مطار كازا وانت طالع من الجمارك يمين
مو الكشك اللي يسار
هذا كويس وتعامله طيب
بس الغلط يعتبر منك انت
اللي هو التجربه ومعرفه رصيدك
قبل مغادرته
لان الشحن نوعين شحن مكالمات وشحن نت

الافضل انك تتاكد قبل تطلع من المكتب بنفسك

مثل ما قال سهم , ضروري ضروري المسافر يتأكد قبل ما يخرج من عند اي مكتب تابع لشركات الاتصالات

موب بالمغرب , هي قاعدة تطبق بكل دولة بالعالم , أنا قد صارت معي بمطار دبي , غلطة من الموظف

ولو ما تأكدت بنفسي من الرصيد قبل ما أمشي كان ضاعت فلوسي , خلكم حريصين

__________________

باختصار هذا نصاب اللي تعاملت معه .اعتمد على نفسك دائما في كل شي حتى لاتتعرض لاي استغلال .

الموضوع بسيط مر على اي سوبر ماركت -حانوت- واطلب تعبئة اتصالات المغرب

١ جيجا انترنت بعشرة درهم

١٠ جيجا ب ١٠٠ درهم تكفيك غالبا مدة سفرك

وحط معاها ٥٠ درهم اتصال ورح تكفيك ان شاء الله
-عندهم عروض ؛ احيانا يقولك ٥٠ درهم تعطيك ٥ ساعات او ١٠ ساعات مكالمات وطنية مثلا .تقدر تتأكد من العروض بالاتصال برقمهم ثم اطلب العروض وراح يبن لك بالتفصيل

اذا شحنت او فعلت اي خدمة رح تجيك رسالة على جوالك واذا جتك رسالة بالفرنسي اعمل نسخ وترجمها في قوقل حتى تعرف وش جاك .

متل ماقال لك مسيو سلطان

او اطلب منه عروض الشحن كم لاتصالات المغرب متلاً
بيخبرك وخله يعبيها وتتفعل وتجيك رساله موضحه بالبيانات الي عباها لك وتكون العمليه واضحه قدامك يا اشعط

رحله سعيده وموفقه .

اذا هو الشويب ابو نظارات ؟
تعامله كويس ما حصل منه الا كل خير

__________________

مافيه نت مفتوح عندهم من زمان اذكر ب٢٠٠درهم شهر مفتوح الغوه حاليا وكان عندهم ٢٠درهم يوم مفتوح والغوه