أجرائات وقوع حادث - تأمين الشامل

حبيبي جبلي تأمين يقتصر على قطع الغيار كان سووها ربعنا ههههه

اتفق معك وان كنت خبير بالمدن ، فلست خبير بالحوادث الله يكفينا شرها احنا وجميع المسلمين.

أنا ولله الحمد لم يسبق لي عمل حادث في المغرب، لكن سألت نفس سؤالك لأكثر من شركة أجرت منها شخصياً، وكان الجواب 5٪ من قيمة السيارة الي تأجرها (في حال كان نسبة التحمل 5٪ واذا كانت نسبة التحمل أكثر ينطبق نفس الكلام).

وبالنسبة لسؤال الأخ إبراهيم كيف يجبرك على الدفع وهو ما بلك فيزا او أخذ جوازك، سألت نفس السؤال، وكان الجواب أنه عنده صورة جواز سفرك وتوقيعك على عقد الإيجار وبوليصة التأمين، وبناء عليه راح يرفع عليك شكوى في شرطة المطار ويمنع سفرك في الحال في حال امتناعك للدفع، وصارت حالات فردية أن المؤجر ينحاش قبل لا يسلمهم السيارة، في هذي الحالة تكون الشكوى قائمة ويضاف لها الهروب وأول ما ترجع المغرب تنصاد من المطار.

عشان كذا دايم نصيحتي احرص انك تسأل عن بوليصة التأمين عند الايجار، ويكون هناك عقد منفصل لها غير عقد الإيجار وتوقع عليه، وأحرص أنك ما تأجر سيارات فخمة كالرنج والبورش وطقتهم، خلك في السيارات الي مقدور على ال5٪ من قيمتها، لقدر الله ما تدري وش الله كاتبلك، والله يكفينا واياكم شر الحوادث.

شكرا مهندس
بالنسبه لقيمة السيارة هي مكتوبه في عقد التأمين أو لا؟! اذا محدده ومعقوله حسب موديل السيارة وحالتها وقت التأجير فهذا المطلوب.

يعني اكسنت جديد موديل السنه كم حاسبين قيمتها مثلا... وعلى ذلك نقيس مبلغ البلوك مع الشركات العالميه مثل سيكست، اذا مقارب، نختار ارخص سعر تأجير.

العفو
بحكم التجربة قيمة السيارة غير مكتوبة في عقد التأمين، بس اذا تسأل المؤجر بيعلمك.
اذكر مرة أجرت سيارة الفا روميو جوليتا بقراطيسها على قولة المغاربة دبل في، وكان نسبة التحمل 15٪ وسألته عن سعرها قالي 320 الف درهم، وطبعاً كنت مضطر ومحدود اخذها ولا 15٪ كثيرة مرة.

الأكسنت أخبر شفت لها اعلان عندهم في الشارع، على ما اذكر كانت ب180 او ب190 الف درهم.

اذا ب١٩٠ الف ونسبه ٥٪ أجل هذا هو مبلغ البلوك ٩٥٠٠ درهم والغالب يبلك ١٠ آلاف . لذلك نشوف اقل سعر تأجير وعلى بركة الله...

اذا صار سعرها مثلا ٢٠٠ الف تتحمل ١٠ الاف د هم اذا صارت تالف تشليح
اما حادث بسيط رفرف شمعه صدام اتوقع اقل
مجرد توقع يقبله المنطق والعقل لكن الخبر اليقين عند اصحاب المكاتب

السلام عليكم يا اخوان الناس الي تبي تروح وتطول بالاقامه في المغرب وتبي تتنقل بالبلد هذا يستاجر سياره ام الاخ الي طالع اسبوع واحد انصحه بسائق ويفتك من قثا السواقه والدرك

اصلا لما يحصل الحادث لازم ترتفع اوراق الحادث للقضاء وبعدها يحددون النسبة بالضبط بعدها تعرف كم المفروض يندفع قبل كذا كله نصب واحتيال لان المعاين يجي يخطط الحادث ويمشي والاطراف المتضررة ترفعها للقضاء والامر هذا حصل معي شخصيا وصعدت الموضوع للسفارة لان كان فيه ابتزاز للاسف لجهلنا بحقوقنا

صادق وربي


أنت وقتها رجعت بلدك
وهما يخططون عليك
ههههههه
راح تدفع السقف الأعلى من التأمين ... خذها بالك

المعاين خطط ومشى
وصاحبنا مشى وجالسين يخططون عليه