الي راح للمغرب اول مره يدخل

آي والله بتأطع من جوايا. خمسميه في نص الجواز ؟
أنا لو بداله شلتك على ظهري الى باب المطار .

أول مرة رحت لها عام 2016 وبعدها زرت المغرب فوق العشر مرات

أول مرة كنت متجه صوب طنجة على إني بأجلس أسبوع .. أقسم بالله ما كملت 48 ساعة الا حولت على ماربيا وملقا بعد مشكلة صارت لي بالفندق زي الابتزاز ما أحب أذكرها ..

وزرت المغرب بعدها بشهرين قلت يمكن المشكلة فيني ورحت كازا وأغادير وكانت رحلة جميلة صرفت فوق 18 ألف بأسبوع

الان أصرف 8 ألاف بأسبوع وأنا مبسوط غير تذاكر الطيران طبعا ..

ول سفرة سافرتها كنا 3 أشخاص وكلنا أول مرة نسافر المغرب ، غامرنا بس بعد توفيق الله المنتدى ساعدني بكل شي تقريبا وحمد لله أتجنبنا كثير من المشاكل الا تواجه المزاعيط الجدد، أنصحك تتصفح بالمنتدى كويس بتحصل أجوبة لكل تساؤلاتك وبتختار الا يناسبك من المدينة و السكن والمواصلات

بحال تجربتك وكنا 3 اشخاص الان واحد اعتزل مننا وباقي الاثنين يكافحون طيارة صديقنا جاي من الكويت وحنا على الخطوط السعوديه

بس المنتدى قدم لنا الكثير من النصائح والتنبيهات
وكنا شادين حيلتا ومتحزبين


اما الدفع حدث ولا حرج يوزع يوزع

ابي شخص اول سفره له يكون استاجر سياره يعلمنا كيف الاجراءت حقت المكتب وش ياخذون منك وكيف التامين وهل تنصح بي ايجار السياره لشخص اول مره

هلا بشايب ديرتي
عادي مايطلبون منك الا توقيع ورخصتك السعودية وتاكد من تامينهم واجراءات الحوادث لاسمح الله وشف اللي لك واللي عليك ووثقه وافضل شي برسائل واتسب عند الحجز ..
وبالنسبه للسواقه افضل من اي مكان تقيد بالسرعه النظامية واربط حزام الامان وانتبه للوحات السرعه خصوصاً قبل نقاط التفتيش يحطون لوح واكثر الصيدات عليها ولاتشيل ممنوعات ولاتركب معك احد بيعض المدن مثل مراكش وامورك سليمة ..

ذهبت رابع لحالي لمدة 5ايام كلها قضيتها بكازا مرت وكأنها ساعات انبسطت كثير أكثر الوقت اعتكاف في الشقه وبسطه على الآخر. احب الهدؤ وكل شئ على يروق ويحلو


كل شئ على ما يرام ماعاد ما حصل لي من البنك الشعبي لكن الحمد لله ما اثرت علي ولا عكرت السفره.

اول مره رحت لوحدي شهر 8 عام 2015 ونيشان على الرباط لقيت اربعة شباب قطعو تذكره قطار لكازبلانكا من المطار وقلت اقطعو لي ماعرف شي وماقصرو نزلو بكازا وانا اكمل للرباط طبعا مامعي حقيبه كبيره الموهيم وصلت محطة الرباط على 11 ونص بالليل طبعا الطياره وصلت 8 مساء نزلت ورحت للسوفوتيل لأني اصلا حاجز فيه يومين من اول واريح والصباح على اكدال واتصل على وحده عندها شقه باكدال بالعربي شغاله من طرف شخص عزيز علي وثقه وتروح 8 ايام بالرباط وسلا وضواحيها ماحسيت بها طبعا زرت مدينة الجديده الزبده المغرب وشعب المغرب جميلين ومحترمين اهم شي ابعد عن خفافيش الليل

المغرب كنت اسمع عنه عشرين سنه ولا قدرت اقص تذكره واروح. كنت خايف من السحر كانت الدعايه انك اذا رحت مره بتروح كل سنه ست مرات وبتخسر وظيفتك وبتسحرك مغربيه تخليك زي الخاتم في اصبعها.

بعد ما إنتشر فيديو لواحد خليجي متبطح في مطار بالمغرب ويصيح اسم وحده.. قررت اكسر حاجز الخوف واشوف بنفسي اللي صاير . حجزت لحالي وبعد اسبوع علمت احد الزملاء مثلي ما سبق انه راح، قال رح اجي معك قلت تعال نشوف العالم وش عندهم هناك.. هذا قبل اعرف المنتدى