فتح السفر الدولي

المشاركة الأصلية كتبت بواسطة حبيبتي المغرب

لو افترضنا انه تم فتح الطيران خلال شهر او شهرين فالوقت غير مناسب للسفر لاسباب كثيره . ومن تجارب شخصيه فالسفر بوقت الجو البارد مزعجه الا فيه حاله كان الشخص وضعه المادي ممتاز وعنده وقت يسافر بأي وقت وغير مرتبط مثلا بعمل يومي بشركه . لكن بالنسبه للطبقه الكادحه من الموظفين واللي ينتظر من السنه للسنه عشان يجمع فلوس وياخذ اجازته السنويه فأنصحه يأجل رحلته الى 7 شهور حتى يستقر وضع الوباء وممكن يلاقون علاج وحتى تكون الانظمه وواضحه بالدوله اللي بيسافر لها لان الفتره الجايه داخلين على البرد يعني يقيدك من جميع النواحي فلا بحر تقدر تسبح فيه اذا كانت من هواه البحر ولا كوفيهات تقعد فيها ولا حتى الاشخاص اللي يحبون يسهرون راح ياخذون راحتهم . ولا حتى مشي على البحر ، واتذكر مره كنت امشي بالمارينا ولابس من راسي لرجولي وذبحتي البرد . هذا غير الانفلونزا والتعب . صحيح الشتا له اجواء حلوه من ناحيه الامطار والغيوم خصوصا اول ما تصحى من النوم وتفتح الدريشه او تطلع بالبلكونه يعني فيها بهجه بس من جهه ثانيه متعبه جدا . ويمكن بعض الاشخاص تكون رغباتهم تختلف عني تماما بس انا اتكلم بشكل عام . انا طبعا سافرت بالاوقات البارده وكانت لي فيها ذكريات حلوه جدا وبنفس الوقت كانت تقيدني بشده . واتذكر كانت تجي ايام اضطر اقعد بالفندق من شده البرد وحتى الشوارع تصير فاضيه نوعا ما ، يعني مو زي الصيف تلاقي الكل طالع وتحس كأنك بالعيد . وساعات اقول بنفسي ليش انا جيت بهالوقت وش الله حادني لان الرحله تكلفك تذاكر وايجار سياره وسكن فلما تروح على وناسه كامله افضل انها تروح وانت ما استمتعت فيها بالشكل المطلوب