كيف تستطيع الدخول على حسابك البنكي السعودي أثناء وجودك في المغرب؟ (وليس عندك غير رقم مغربي - التحقق الثنائي)

واجهتني مشكلة عند وجودي في المغرب وهي أني لا أستطيع الدخول إلى تطبيق الراجحي لأنه يرسل رسالة تحقق إلى جوالي السعودي، وجوالي السعودي مقفل ولا أريد فتحه، فما الحل لهذه المشكلة بحسب خبرتكم يا مزاعيط؟ وأسعد الله أوقاتكم

فعل خدمه موجود اكسترا يكون جوالك مقفل فقط يستقبل الرسائل حتى المكالمات من السعوديه تجيك تنبيه رسائل ويظهر للمتصل انه جوالك مغلق

خلك مثلي عندي شريحه سوا حاطها للتطبيقات وابشر والتحقق ...الخ
ولا احد يعرف رقمها ولا اشغلها الا اذا احتجتهم

مافيه مثل الأهلي ماتحتاج تشغل رقمك ابد اللهم انك تكون محمل برنامج الأهلي توكن وهو يصدر ارقام التفعيل تااخذها منه وتروح تنسخها بتطبيق الاهلي ويفتح معاك لارسايل ولا وجع راس

بس يحتاج اول ماتحمله تفعيل عن طريق الصراف الآلي وبعده خلاص يضبط معاك لين تغير جوالك تحتاج تفعله مره ثانيه

اولاً : انا افعل موجود اكسترا من مطار السعوديه وتوصلني جميع الرسايل واذا احد اتصل فيني وانا بالمغرب يعطيه مقفل بالسعوديه

ثانيا : عندي خدمة فلكس سيف في تطبيق البنك السعودي للاستثمار ادخل بدون رسائل تحقق ببصمة الوجه والخدمه موجوده في نفس التطبيق سهله

ثالثا : بالنسبه لك بالراجحي في خدمه اسمها أمان الراجحي نفس خدمة البنك السعودي للاستثمار اللي انا مفعلها ، وكنت مفعلها زمان بس نسيت الطريق وتقدر تعرف الطريقه لهم فيديوهات مشروحه باليوتيوب عن امان الراجحي

والله الراجحي ورطني مره مثل صاحبنا
و بعدها اشتركت في خدمة موجود اكسترا

حول لواحد تمون عليه و بالوسترن يونيو
بجوازك اهم شي تاكد من كتابة اسمك بالانجليزي صحيح حسب الجواز
تحياتي

لاهنت وضح كلامك فس اخر ثلاث اسطر من اللي كاتبه!!؟؟

مافهمت وش جاب طاري التحويل الفلوس بالموضوع !!؟؟

.

انشالله يفيدونك الشباب