أهل الخبره عن تأجير السيارات في المغرب

انا افكر استأجر وش تنصحوني انا خايف صراحه بس اذا رحت استأجر وش المعلومات الي تنصحوني فيها مثلا التأمين الكيلوات ونصائح ثانيه للي استأجر قبل فيالمغرب

التأمين يكون شامل
السيارة ديزل
الموديل جديد
القير اتوماتيك
الكيلو مفتوح
استلام وتسليم بالمطار
التأكد من كفرات السيارة او الصدمات قبل استلامها

أعتقد هذولي اهم شيء ياشايبنا وبالتوفيق يابعد حيي

القرم كفى ووفى

ازيد عليها تأكد يكون في السيارة طفاية حريق ومثلث سلامة
عشان ما ينشب لك عسكري ويعطيك مخالفة

ماقصروا الاخوان بس مافيه تأمين شامل بالمغرب نسبة التأمين من 70٪ الى 95٪ بالميه

ولو لا قدر الله وصار عليك حادث وانت المخطي راح تدفع نسبة التحمل من قيمة السياره جديده

مثلاً التامين يغطي 90٪ راح تدفع 10٪ من قيمة السياره

واذا الخطأ مو عليك ماتدفع شي

وانصحك تصور السياره من برى وجوى فديو قدامه عشان اذا جيت تسلمها لا احد يتهمك بشي ماسويته

واسالهم عن تفويض السياره لايكون منتهي

واذا اخذتها والتفويض منتهي و وقفوك الدرك بتكون المخالفه على صاحب السياره المكتب ماتكون عليك ( هذي صارت معي )

فالقانون حتى لو الخطأ مو خطأك ، تدفع القيمة المسجلة فالعقد ، حتى تكون على بينة اخي العزيز

في المنتدى معلنين موثيقين ودايم كلامهم ماتتحمل النسبه لو الخطأ مو عليك

عطنا نص القانون اللي تقول عليه ليستفيد الجميع.

أخي الطيب ، العقد اللي بتوقع فيه لما تستلم السيارة فيه :
أن المؤجر يتحمل نسبة ما بين ( 3% و 10% ) من قيمة السيارة في حالة حادثة سير - وليس هناك بند يشير أنه كنت على خطأ أو لا .
فيه إنك بتدفع القيمة هذي لأنه هي النسبة اللي ما تعوضها شركات التأمين <هذا لو كان تأمين شامل >
و بتدفعها لأنه السيارة عندك بيدك لما سويت الحادث ، ولو فيه وكالة تساهلت فالموضوع هذا فهذا من طيب صاحب الوكالة أما القانون هو هذا .
وأضيف معلومة ( ليست كل العقود نفس الشي وهذا ليش تلقى اللي عنده نسبة تحمل 3% وفيه اللي عنده 10%، و فبعض الأحيان تلقى واحد عنده 20% تسمى minimum of franchise.

ماقصرت يا غالي على التوضيع

بإختصار ( اللي ميزانيته محدوده لا يستأجر سياره يقضيها تكاسي والا سياره بسائق بدون ما يتحمل اي مخالفه او حادث لا قدر الله )

واللي أموره تمام وعنده مبلغ احتياطي يستأجر وهو مرتاح

تواصلت مع اكثر من مؤجر وافادوا بان المستاجر يتحمل 5% في حال ان الخطا كان عليه واما في حال الخطا لم يكن عليه يكون على التامين

التأمين يتحمل كل التكاليف إلا النسبة اللي قلت ،هذي يتحملها اللي أجر السيارة ، هذا القانون اللي فالعقد اللي بتكون وقعت ، ماجبت شي من راسي اخي الطيب